میری فیملی کے سب بچے رات کے وقت پیدا ہوئے، زيادہ تر لوگوں کے بچے رات کے وقت کیوں پیدا ہوتے ہیں ماہرین کے انکشافات

ہمارے کانوں سے اکثر یہ خبر گزری ہوگی کہ رات کے وقت اچانک ماں باپ دوڑتے ہوئے ہسپتال پہنچے اور بچے کی پیدائش ہو گئی- اگر آپ اپنے ارد گرد موجود افراد سے سوال پوچھیں تو زیادہ تر افراد آپ کو یہی جواب دیں گے کہ ان کی پیدائش رات کے وقت ہوئی- مگر اس بات پر کبھی کسی نے غور کرنے کی ضرورت محسوس نہیں کی ہوگی کہ زیادہ تر بچے رات کے وقت ہی کیوں پیدا ہوتے ہیں-

رات کے وقت زيادہ تر بچوں کی پیدائش کا سبب

اگرچہ اس بات کی سائنسی طور پر مستند توجیح پیش کرنے سے سائنسدان قاصر ہیں- مگر اسکے باوجود کچھ ایسے مفروضات ضرور ہیں جن کی بنیاد پر سائنسی طور پر اس بات کو بیان کیا جا سکتا ہے کہ عام طور پر زيادہ تر افراد کے بچوں کی پیدائش آدھی رات کے وقت کیوں ہوتی ہے-

ماضی کے رسوم و رواج کے سبب

سائنسدانوں کے مطابق رات کے وقت زيادہ تر بچوں کی پیدائش کی ایک بنیادی وجہ ارتقا بھی ہے ماضی میں جب انسان غاروں میں رہتے تھے اور دن بھر ایک دوسرے سے دور شکار اور دوسری ضروریات کے لیے رہتے تھے اور اس وقت رابطے کرنے بھی آسان نہ ہوتے تھے- تو اس ابتدائی دور میں یہی کوشش کی جاتی تھی کہ بچے کی ڈلیوری رات کے وقت میں کر لی جائے جب کہ مدد کے لیے قبیلے اور خاندان کے دوسرے لوگ ساتھ ہوں گے- اس وقت کے اس اصول کے سبب انسانی جسم کے اندر ایسی ارتقائی تبدیلی واقع ہو گئی جس کی وجہ سے اس کے لیے رات کے وقت بچوں کی پیدائش آسان ہو گئی-

ہارمون کا کردار

حمل سے لے کر ڈلیوری تک ہارمون کا انسانی جسم میں بہت اہم کردار ہوتا ہے ماں کے جسم میں میلاٹین نامی ایک ہارمون جو رات کی نیند کا سبب ہوتا ہے- وہی ہارمون لیبر کے درد شروع کرنے کا بھی ذمہ دار ہوتا ہے-

حمل کے آخری دنوں میں اس ہارمون کی ماں کے خون میں مقدار کافی بڑھ جاتی ہے اور رات کے وقت یہ ہارمون آکسی ٹوسن نامی ہارمون کے ساتھ مل کر مزید طاقت ور ہو جاتا ہے اور زيادہ تر بچوں کے رات کے وقت پیدائش کا سبب بنتا ہے-

نارمل ڈلیوری زیادہ تر رات میں ہوتی ہے

ماہرین کے مطابق امریکہ میں پیدا ہونے والے زيادہ تر بچے رات ایک بجے سے سات بجے کے درمیان ہوتے ہیں اور اس وقت پیدا ہونے والے زيادہ تر بچے نارمل طریقے سے ڈلیور ہوتے ہیں- تاہم سی سیکشن کے ذریعے پیدا ہونے والے بچے دن کے وقت پیدا ہوتے ہیں-

اگرچہ یہ تمام توجیحات اور اس حوالے سے مزيد ریسرچ ابھی جاری ہے اور سائنسدان اس بات کی کوشش کر رہے ہیں کہ اس بات کا پتہ لگا سکیں کہ بچوں کے پیدا ہونے کے وقت اور رات کا آپس میں کیا تعلق ہے-

< Previous گھر بیٹھ کر یہ کاروبار کریں اور کم وقت میں زیادہ منافع کمائیں NEXT > کیا آپ کا دعویٰ ہے کہ آپ عقاب کی نظر رکھتے ہیں؟ صرف چند منٹ میں ان تصاویر میں الگ کیا ہے پہچانیں اور اپنا دعویٰ سچ ثابت کریں - جوابات