کمبل کے ساتھ سونے والے ہو جائيں ہوشیار ان کی صحت کو کیا خطرات لاحق ہو سکتے ہیں؟ جانیں

 
ہم میں سے اکثر افراد موسمِ سرما میں گرم، آرام دہ کمبل کے بغیر سونے کا تصور بھی نہیں کر سکتے۔ یہ ہمیں محفوظ محسوس کرواتا ہے اور یہ ہمارے سونے کے وقت کے معمولات کا ایک اہم حصہ ہے۔ لیکن دلچسپ بات یہ ہے کہ کمبل کے بغیر سونے سے صحت کے بہت سے فوائد حاصل کیے جاسکتے ہیں، اور یہ عمل آپ کو تیزی سے سونے میں بھی مدد دے سکتا ہے۔
 
میٹابولزم کو سست کرتا ہے
اس میں کوئی شک نہیں کہ اپنے آپ کو کمبل میں لپیٹنا آرام دہ اور گرم ہونے کا احساس دیتا ہے لیکن کمبل آپ کے میٹابولزم کو سست کرتا ہے- بغیر کمبل کے سونا درحقیقت آپ کو کچھ پونڈ وزن کم کرنے میں مدد دے سکتا ہے۔ ٹھنڈی حالت میں سونے سے آپ کے میٹابولزم کو فروغ ملتا ہے اور آپ کے جسم میں "اچھی" چربی کی مقدار بڑھ جاتی ہے۔ اگرچہ جسم میں پائی جانے والی یہ اچھی چربی آپ کی کیلوریز تیزی سے جلاتی ہے اور آپ کے جسم کو اضافی بلڈ شوگر سے نجات دلانے میں مدد بھی دیتی ہے۔
 
نیند دیر سے آتی ہے
جیسے جیسے موسم ٹھنڈا ہوتا جاتا ہے ہم فطری طور پر خود کو زیادہ گرم رکھنے کے لیے زیادہ سے زیادہ کمبلوں کا استعمال بھی شروع کردیتے ہیں لیکن اس سے نیند دیر سے آتی ہے- ٹھنڈا درجہ حرارت ہماری جلدی نیند کے حوالے سے مفید ثابت ہوتا ہے- ہمارے جسم کا درجہ حرارت ہمارے سونے سے 60 منٹ سے لے کر 90 منٹ پہلے گرنا شروع ہوجاتا ہے- لیکن اگر اردگرد کا ماحول گرم ہو تو آپ کا جسم درجہ حرارت کو کنٹرول کرنے کی کوشش میں زیادہ توانائی خرچ کرے گا جس کی وجہ سے آپ زیادہ دیر تک جاگتے رہیں گے-
 
نیند غیر معیاری ہوسکتی ہے
اگر آپ کبھی آدھی رات کو جاگتے ہیں اور محسوس کرتے ہیں کہ آپ اپنے کمبل کو لات مارنا چاہتے ہیں، تو درحقیقت اس کی ایک سائنسی وضاحت موجود ہے۔ رات کو ٹھنڈا درجہ حرارت ہمیں بہتر سونے میں مدد دیتا ہے، اور اگر یہ بہت زیادہ گرم ہو جائے تو یہ ہماری نیند میں خلل ڈال سکتا ہے-سونے کا مناسب درجہ حرارت 16 اور 20 ڈگری سینٹی گریڈ کے درمیان ہوتا ہے۔ زیادہ درجہ حرارت آپ کی آنکھوں کی تیز حرکت کے مرحلے میں خلل ڈال سکتا ہے، جس کی وجہ سے آپ تھک کر جاگ سکتے ہیں، یہاں تک کہ آپ کو لگتا ہے کہ آپ کافی سو چکے ہیں۔
 
جلد پر دانے نکل سکتے ہیں
کمبل آپ کی نیند میں خلل ڈالنے کے علاوہ آپ کو ایک خاص قسم کے دانوں کا شکار بھی بنا سکتا ہے جسے پسینے کے دانے کہا جاتا ہے- موٹے اور بھاری کمبل مصنوعی کپڑے سے تیار کردہ ہوتے ہیں جو جسم کو درجہ حرارت کنٹرول نہیں کرنے دیتے اور پسینہ آسکتا ہے- گرمی اور رگڑ کے ساتھ مل کر پسینہ آپ کی جلد پر موجود سوراخوں کو بند کرسکتا ہے جس سے آپ کو کیل مہاسوں کا سامنا کرنا پڑسکتا ہے-

Disclaimer: All material on this website is provided for your information only and may not be construed as medical advice or instruction. No action or inaction should be taken based solely on the contents of this information; instead, readers should consult appropriate health professionals on any matter relating to their health and well-being. The data information and opinions expressed here are believed to be accurate, which is gathered from different sources but might have some errors. Hamariweb.com is not responsible for errors or omissions. Doctors and Hospital officials are not necessarily required to respond or go through this page.

Most Viewed (Last 30 Days | All Time)
17 Jan, 2022 Views: 2556

Comments

آپ کی رائے