|
|
| |
| شادی بیاہ کی تقریبات میں سوشل میڈيا پر اس طرح کی خبریں
تو ٹرینڈ بن جاتی ہیں جن میں بارات انوکھے انداز میں آتی ہے کبھی تو ارطغرل
کے انداز میں تلواروں کے سائے میں دولہا اپنی دلہنیا کو لینے آتا ہے تو
کوئی اس کو لینے کے لیے مہنگی ترین گاڑی کا انتخاب کرتا ہے- |
| |
| یہ تمام مہنگے طریقے ان تمام لوگوں کی توجہ اپنی جانب
مبذول کروا لیتے ہیں جو منفرد نظر آنے کے خواہشمند ہوتے ہیں اور اس کے لیے
بڑی سے بڑی رقم بھی ادا کرنے کو تیار ہو جاتے ہیں اور اس کے لیے نئے اور
انوکھے طریقوں کا انتخاب کرتے ہیں- |
| |
| مگر حال ہی میں سوشل میڈیا پر ایک کریم کے ڈرائیور کی
ایک پوسٹ تیزی سے وائرل ہو رہی ہے جس میں اس نے کراچی میں لے جائے جانے
والی ایک انوکھی بارات کا احوال تحریر کیا- اس بارات کی سب سے خاص بات یہ
تھی کہ اس کے لیے دولہا نے نہ تو پہلے سے کسی گاڑی کا انتظام کیا اور نہ ہی
منفرد نظر آنے کے لیے کوئی جتن کیے- مگر اس کے باوجود اس کے اس انداز میں
ایسی انفرادیت تھی جس کے بارے میں جان کر سب ہی عش عش کر اٹھے- |
|
|
|
|
| |
| یہ پوسٹ کسی نے کراچی کیپٹن اور وینڈر کے فیس بک میں
اپنے نام کو چھپا کر پوسٹ کی جس میں اس کا کہنا تھا کہ وہ کریم ایکس کا
ڈرائيور ہے یہ وہ گروپ ہے جس میں بڑی اور مہنگی گاڑياں ہوتی ہیں اس کا کہنا
تھا کہ اس کی گاڑی ایک بندے نے کریم آباد کے شادی ہال سے بک کی اور سواری
کو لالو کھیت چھوڑنا تھا- |
| |
| جب وہ کریم آباد شادی ہال پہنچے تو اس آدمی نے ان سے کہا
کہ وہ رائڈ اسٹارٹ کر دیں وہ پانچ منٹ میں آتے ہیں ڈرائیور نے سواریوں کا
انتظار شروع کر دیا- مگر وہ اس وقت حیران رہ گئے کہ گاڑی بک کروانے والے نے
ان کی گاڑی کو پھولوں سے بھر دیا اور اس میں دولہا دلہن کو بٹھا کر رخصتی
کروالی- |
| |
| جب بارات ان کی گاڑی میں لالو کھیت پہنچی تو کریم آباد
سے لے کر لالو کھیت تک کا بل صرف 163 روپے بنا اس طرح برانڈ نیو لگژری کار
میں بہترین رخصتی صرف اور صرف 163 میں کروا دی گئی- |
| |
|
|
| |
| یہ ترکیب ان تمام لوگوں کے لیے ایک مثال ہے جو
بارات کو مہنگی گاڑی میں لے جانا چاہتے ہیں اور پیسے بھی خرچ نہیں کرنا
چاہتے ہیں تو وہ اس طرح اپنی مرضی کی گاڑی بک کروا کر انتہائی کم پیسوں میں
اپنا مقصد حاصل کر سکتے ہیں- |
| |
| اس حوالے سے آپ کی کیا رائے ہے اور کیا کبھی آپ
نے بھی ایسا کوئی انوکھا کام کیا ہے تو کمنٹ سیکشن میں ہمیں ضرور بتائيں |