|
|
| |
| ضرورت ایجاد کی ماں ہے یہ ایک ایسی حقیقت ہے جس کو ہر
کوئی تسلیم کرتا ہے۔ کسی بھی چیز کو ایجاد کرنے کے لیے آپ کا بڑا سائنسدان
ہونا ضروری نہیں ہے بس ضرورت صرف اس بات کی ہے کہ آپ کے اندر اپنی مشکل کا
حل نکالنے کا جذبہ ہونا چاہیے- یہ جذبہ خود بخود کچھ نیا بنانے کی تحریک دے
دے گا آج ہم آپ کو ایسی ہی کچھ اشیا دکھائيں گے جن کو بنانے والوں نے ان کو
بنا کر نہ صرف اپنی مشکل حل کی بلکہ دوسروں کی بھی بڑی مدد کر ڈالی- |
| |
| نائٹ لائٹ اور وائر لیس
چارجر ایک ساتھ |
| اکثر افراد اپنے موبائل رات کے وقت چارج کرتے ہیں۔ اس کے
ساتھ ساتھ ان کو رات میں نائٹ لیمپ کی بھی ضرورت ہوتی ہے لیکن اگر یہ دونوں
سہولیات ایک ساتھ مل جائيں تو زندگی آسان ہو جائے۔ یہ ایجاد ایک اسٹوڈنٹ نے
اپنے تھیسز کے لیے ڈیزائن کی جس میں ایک لیمپ کے اندر ہی موبائل کا وائر
لیس چارجر بھی لگا دیا گیا ہے اور اس طرح ایک وقت میں دو کام آسانی سے ہو
جاتے ہیں- |
|
|
| |
| شاپنگ کی ٹوکری میں کافی
کا کپ رکھنے کی جگہ |
|
اکثر شاپنگ کے دوران ہاتھ میں کافی یا کسی مشروب کی بوتل کو پکڑ کر شاپنگ
کرنے میں بہت دشواری ہوتی ہے اور شاپنگ کے دوران بغیر کچھ کھائے پیے شاپنگ
کرنا کچھ افراد کے لیے بہت ہی مشکل ہوتا ہے- ایسے افراد کے لیے یہ ایجاد
بہت معاون ثابت ہو سکتی ہے اور ان کو چاہیے کہ شاپنگ مال والوں سے یہ
مطالبہ کریں کہ وہ ہر کارٹ میں ایسے اسٹینڈ لگوائيں جس میں کپ وغیرہ رکھے
جا سکیں- |
|
|
| |
| کیچپ اور مایونیز ایک
ساتھ |
| کیچپ اور مایونیز کو ایک ساتھ کھانے سے اسنیکس کا مزہ
دوبالا ہو جاتا ہے مگر دونوں کے علیحدہ علیحدہ پاوچ کی خریداری ایک جانب تو
جیب پر بھاری ہوتی ہے اور کہیں باہر کھاتے ہوئے ان دونوں کو سنبھالنا بھی
ایک بڑا کام ہوتا ہے- جرمنی کی ایک کمپنی نے عوام کے اس دیرینہ مطالبے کو
اس طرح پورا کیا کہ سب کے دل کی خواہش بن گئی- اس کمپنی نے کیچپ اور
مایونیز کو ایک ہی ٹیوب میں بالکل اس طرح پیک کیا ہے جس طرح ٹوتھ پیسٹ کو
کیا جاتا ہے- جس سے نہ صرف ایک وقت میں دونوں کو استعمال کیا جا سکتا ہے
بلکہ ان کو آسانی سے ایک جگہ سے دوسری جگہ بھی لے جایا جا سکتا ہے- |
|
|
| |
| بس اسٹاپ پر
چارچنگ کی سہولت |
| اسمارٹ فون کو عام فون کے مقابلے میں زيادہ
چارجنگ کی ضرورت ہوتی ہے یہی وجہ ہے کہ آج کل کے دور میں ہر انسان اسمارٹ
فون کے ساتھ ساتھ اپنا چارجر بھی جیب میں لیے گھومتا ہے- اس صورتحال میں
اگر موبائل چارچنگ کی سہولت بس اسٹاپ پر بھی مل جائے تو شکر گزاری کی کوئی
حد ہی نہیں ہے اس وجہ سے دنیا کے مختلف حصوں میں اب بس اسٹاپ پر موبائل
چارجر بھی لگائے جا رہے ہیں امید ہے کہ ہمارے ملک میں بھی ایسا کام شروع ہو
سکے گا- |
|
|
|
|
|
فرش پر پونچھے کے دوران پیروں کے نشان نہ
بنیں تو ایسا کر لیں |
|
فرش کے اوپر پیروں کے نشان پونچھے کے بعد بن جائيں تو ساری محنت ضائع ہو
جاتی ہے لیکن اکثر فرش پر چھپے ہوئے یہ نشان منہ چڑاتے نظر آتے ہیں- ان
نشانوں سے بچنے کے لیے یہ ترکیب اختیار کی جا سکتی ہے - |
|
|