|
|
مائيکرویو اوون عام طور پر ہر گھر کی بنیادی ضرورت بن
چکا ہے اور اکثر افراد اس کا استعمال کھانوں کو گرم کرنے یا بیکنگ کے لیے
کرتے نظر آتے ہیں- لیکن اس کے حوالے سے آج ہم آپ کو کچھ ایسے استعمال بھی
بتائيں گے جن کے بارے میں آپ نے کبھی سوچا بھی نہ ہو گا مگر مائيکرویو اوون
کا استعمال اس حوالے سے بھی کیا جا سکتا ہے- |
|
کچن اسفنج کو جراثیم سے
پاک کرنے کے لیے |
عام طورپر برتن دھونے اور کچن کو صاف کرنے والا اسفنج نم
ہونے کے سبب جراثيم کی افزائش کا سب سےاہم ذریعہ ہوتا ہے۔ ان کو اگر
جراثیموں سے صاف نہ کیا جائے تو یہ صفائی کے بجائے بیماریوں کے پھیلاؤ کا
ایک اہم ذریعہ بن جاتے ہیں- اس وجہ سےان کو جراثیم سے پاک کرنے میں مائکرو
ویو اوون ایک اہم کردار ادا کر سکتا ہے- اس کے لیے اس اسفنج کو پانی سے دھو
کر میڈيم ہیٹ میں دو منٹ تک اوون میں رکھ دیں جب اس کو نکالیں گے تو یہ
جراثیم سے پاک ہو چکا ہوگا- |
|
|
باسی چپس کو تازہ کریں
|
اگر چپس کا پیکٹ کچھ دیر تک کھلا رہے تو اس میں نمی داخل ہو جاتی ہے جو کہ
اس کو کھانے کے قابل نہیں چھوڑتی ہے نتیجہ میں آپ کو اپنی پسندیدہ چپس کو
ضائع کر دینا پڑتا ہے- لیکن اگر آپ کے پاس مائکرو ویو اوون موجود ہے تو ان
اسنیکس کو اب پھینکنے کی ضرورت نہیں ہے بلکہ اس کو کچھ دیر کے لیے اوون میں
رکھ کر کچھ سیکنڈ تک گرم کر لیں وہ دوبارہ سے تازہ اور پہلے سے زيادہ تازہ
ہو جائيں گے- |
|
|
خشک میوہ جات کو بھوننے
کے لیے |
خشک میوہ جات جو بہت مہنگے ہوتے ہیں لیکن اگر نرم اور
باسی ہو جائيں تو ان کو کھانے کا دل نہیں چاہتا ہے- لیکن مائيکرو ویو اوون
کے استعمال سے ان کو دوبارہ سے بھونا جا سکتا ہے اس کے لیے خشک میوہ جات کو
کچھ دیر کے لیے اوون میں رکھ کر گرم کر لیں وہ دوبارہ سے تازہ ہو جائيں گے- |
|
|
خشک بوٹ پالش
کو دوبارہ استعمال کے قابل بنائيں |
جوتوں کی پالش میں موم موجود ہوتا ہے جو سرد
موسم کے سبب استعمال کے قابل نہیں رہتے ہیں- اس صورت میں بوٹ پالش کو کچھ
دیر تک اوون میں رکھنے سے وہ نرم اور تازہ ہو جاتی ہے- مگر اس کے لیے اس
بات کا خاص خیال رکھیں کہ اس کو دھاتی ڈبیا میں اوون میں رکھ کر گرم کرنے
میں احتیاط لازم کریں- |
|
|
لہسن اور ٹماٹر کے چھلکے آسانی سے اتارنے
کے لیے |
سبزیوں کے چھلکے اتارنے بعض اوقات بہت مشکل لگتے ہیں اس صورت میں لہسن یا
ٹماٹر کو کچھ دیر تک اوون میں رکھ کر گرم کر لیں- اس سے ان کے چھلکے نہ صرف
آسانی سے اتر جائيں گے بلکہ ان کی تازگی میں بھی اضافہ ہو جائے گا- |
|
|
سردی میں ٹکور کے لیے |
سردی کے موسم میں کسی گرم چیز کی ٹکور عام طور پر بڑی عمر کے افراد کے لیے
بہت ضروری ہوتی ہے- اس صورت میں کسی بھی پرانے موزے میں تھوڑی مقداد میں
چاول بھر لیں اور اس کو اوون میں کچھ دیر تک رکھ دیں اور اس سے ٹکور کریں
یہ آسان اور فائدہ مند رہے گا- |
|
|
مائکرویو اوون کی صفائی کا آسان طریقہ
|
مائکرویو اوون کو صاف کرنے کے لیے ایک باؤل پانی لے لیں اور اس میں ایک
لیموں کا رس نچوڑ لیں اور اس کو پانچ منٹ تک اوون میں رکھ کر گرم کر لیں
اور اس کے بعد اوون کو اندر سے کسی صاف کپڑے سے صاف کر لیں اوون نئے جیسا
ہو جائے گا- |
|
|
مائیکرویو اوون کے استعمال میں اس بات کا خاص دھیان رکھیں کہ اس میں اسٹیل
کے برتن نہ رکھیں اور نہ ہی ہلکی کوالٹی کے پلاسٹک کے برتن رکھیں یہ صحت کے
لیے اور اوون دونوں کے لیے خطرناک ثابت ہو سکتے ہیں- |