انگور کبھی بھی مائیکرو ویو اوون میں نہ رکھیں ورنہ، دنیا کے کچھ ایسے سچ جنہیں کوئی بھی نہیں مانے گا

اگر آپ کو یہ محسوس ہوتا ہے کہ آپ کو اللہ نے بہت ذہانت سے نوازہ ہے اور آپ دنیا کے بارے میں بہت کچھ جانتے ہیں تو یہ آپ کی خام خیالی ہے- کیوںکہ سائنسدانوں کے مطابق ابھی تک انسان 80 فی صد تک اس دنیا میں موجود جانوروں، نوے فی صد تک سمندر کے اندر رہنے والی مخلوق اور ننانوے فی صد تک خوردبینی اجسام کے بارے میں کچھ بھی نہیں جانتا ہے- ایسے ہی کچھ معلوماتی حقائق آج ہم آپ کو بتائيں گے-

انسان کے جسم کی بو سے اس کی شخصیت کا اظہار ہوتا ہے

سائنسدانوں کے مطابق ہر انسان کے جسم کی بو اسکی فطرت اور مزاج کے مطابق ہوتی ہے جیسے اگر کچھ افراد بہت غصے والے اور جھگڑالو طبعیت کے مالک ہیں تو اس کے جسم کی خوشبو ایسی ہی ہوگی جیسی تمام غصے والے لوگوں کی ہوتی ہے-

انسان جب آنکھیں بند کرتا ہے تو بھولی چیزیں یاد آجاتی ہیں

ماہرین کے مطابق اگر کوئی انسان کچھ بھول جائے اور اس کو یاد کرنا چاہتا ہو تو اس کو چاہیے کہ وہ آنکھیں بند کر لے اور سوچے تو اس سے اس کی دماغ کو ارتکاز کرنے میں مدد ملتی ہے- اور اس کو بھولی ہوئی چیزیں بھی یاد آجاتی ہیں-

عمر کے ساتھ انسان کی ترجیحات بدل جاتی ہیں

اگر آپ اپنے بزرگوں یا ماں باپ کو کوئی تحفہ دینا چاہتے ہیں تو آپ کو اس کے لیے ماہرین کی تحقیق کے مطابق کچھ خاص باتوں کا دھیان رکھنا پڑے گا۔ کہ عمر کے ساتھ ساتھ انسان کی ترجیحات تبدیل ہو جاتی ہیں اور بڑی عمر کے افراد کو تحفے میں ایسی چیزیں زيادہ متاثر کرتی ہیں جس سے ان کی جذباتی وابستگی ہو- اس عمر کے لوگوں کو مہنگے تحائف کے بجائے ایسے تحائف دینا زیادہ بہتر ہوتا ہے جس سے ان کی یادیں جڑی ہوتی ہیں-

چھوٹے بچوں کی انگلی کی پور دوبارہ بھی بڑھ سکتی ہے

عام طورپر یہ کہا جاتا ہے کہ انسانی جسم کے اعضا دوبارہ سے نہیں بڑھتے ہیں لیکن میڈیکل ماہرین کے مطابق کم عمر بچوں کی انگلیوں کی اگلی پوروں پر کوئی چوٹ لگ جائے یا کٹ جائيں تو وہ صرف آٹھ ہفتوں میں دوبارہ سے بڑھ سکتی ہیں- لیکن ماہرین اس عمل کی کوئی وضاحت دینے سے قاصر ہیں اور اس کے ساتھ ان کا یہ بھی کہنا ہے کہ یہ عمل سو فی صد بچوں کے ساتھ ہونا یقینی نہیں ہے-

انسان کی کامیابی کا دارومدار اس کی ذہانت کے بجائے جذباتیت پر ہوتا ہے

عام طور پر ہر انسان کا یہ ماننا ہے کہ جن افراد کا آئی کیو زیادہ ہوتا ہے وہ زيادہ ذہین ہوتے ہیں اور ایسا سوچنا بھی صحیح بھی ہے- مگر کسی کی ذہانت اس کی کامیابی کی ضمانت ہے اس کے بارے میں ماہرین کی رائے مختلف ہے اور وہ انسان کی کامیابی کا سبب ذہنی ذہانت کو قرار دینے کے بجائے جذباتی ذہانت کو قرار دیتے ہیں-

انگور کے دانوں کو آگ بھی لگ سکتی ہے

اس حقیقت سے بہت کم لوگ واقف ہیں لیکن یہ حقیقت ہے کہ اگر انگور کے دانوں کو مائیکرو ویو اوون میں رکھا جائے تو یہ دانے آگ کے بال میں تبدیل ہو جاتے ہیں- اور خطرناک بھی ثابت ہو سکتے ہیں اس وجہ سے بہتر یہی ہے کہ اس کو اوون میں نہ رکھا جائے-

زبان بھی ناک کی طرح سونگھ سکتی ہے

ماہرین کے مطابق جس طرح ہمارا ناک بو کو سونگھ سکتا ہے اسی طرح ہماری زبان بھی مختلف چیزوں کی بو کو محسوس کر سکتی ہے- اور زبان میں بھی ویسے ہی سیل اوردسیپٹر موجود ہوتے ہیں جو بو کو محسوس کر کے پیغام کو دماغ تک پہنچا سکتے ہیں-