علم گوید کہ من شاہ جہانم

(Qazi Nadeem Ul Hassan , Bahawalpur)

*"علم کہتا ہے کہ میں دنیا کا بادشاہ ہوں"*

*نوجوانو اور دوستو! علم حاصل کرو۔کیونکہ علم ہی ہے جو کمتر اور معمولی انسان کو عزت،مرتبہ و شرف عطا کرتا ہے اور گمنام آدمی کو نامور بنا دیتا ہے۔ علم کے باعث غلام کا مرتبہ بادشاہ سے،غریب کا امیر سے، ادنی کا اعلی سے اور کم تر کا برتر سے بلند ہوجاتا ہے۔ یہ صرف اور صرف علم ہی کا کمال ہے جس نے ایک عام وکیل کے لڑکے کو فرانس کا مرد آہن نپولین بوناپارٹ بنا دیا۔ایک سنگتراش کے بیٹے کو دنیا کا عظیم فلسفی سقراط بنا دیا۔ایک کسان کی جھونپڑی میں پیدا ہونے والے ابراہام لنکن کو امریکہ جیسے سپر پاور ملک کا صدر کا اعزاز عطا کیا۔ایک کلکٹر کے بیٹے کو جو اپنے والد کی وفات کے بعد ہل چلاتا تھا اور اپنے چچا کی بکریاں چراتا تھا جدید ترکی کا بانی مصطفی کمال اتاترک بنا دیا۔ ایک چمڑے کے تاجر کے بیٹے محمد علی کو قائد اعظم محمد علی جناح بنا دیا اور ایک صوفی درویش کے بیٹے محمد اقبال کو مصور پاکستان،حکیم الامت اور دانائے راز جیسے القابات سے نواز کر ڈاکٹر علامہ محمد اقبال بنا دیا۔*

*یہ چند مثالیں ان ہزاروں شخصیات میں سے صرف چند شخصیات کی مثالیں ہیں جب علم نے عام انسانوں کو خاص انسانوں کی صف میں لاکھڑا کرکے انہیں جھونپڑیوں اور کچے مکانات سے نکال کر محلات اور ملکوں کے تختوں کا مالک بنادیا۔ اس لئے علم کا یہ دعویٰ سچا ہے کہ*

*" علم گوید کہ من شاہ جہانم"*
*"علم کہتا ہے کہ میں دنیا کا بادشاہ ہوں"*
 

Comments Print Article Print
 PREVIOUS
NEXT 
About the Author: Qazi Nadeem Ul Hassan

Read More Articles by Qazi Nadeem Ul Hassan : 84 Articles with 22496 views »
Civil Engineer .. View More
24 May, 2022 Views: 216

Comments

آپ کی رائے