|
باب نمبر 1 ''ایک تعارف''
ایک حیرت انگیز ترین ٹیکنالوجی ہوتی ہے جو امریکہ کے پاس بھی نہیں ہوتی۔ یہ
ٹیکنالوجی خواب میں آپ سے بات کرتی ہے۔
انسانوں کی طرح جنات حضرات کے پاس بھی وہ ٹیکنالوجی موجود ہوتی ہے جو ہم
انسانوں کے پاس ہوتی ہے۔ جیسے موبائل کمپیوٹر انٹرنیٹ وغیرہ یہ جنات حضرات
بھی استعمال کرتے ہیں۔ بالکل یہی ٹیکنالوجی نیک و بد دونوں روحوں کے پاس
بھی ہوتی ہے۔ یہ زندہ جنات اور نیک و بد مردہ انسانوں کی روحیں بھی زندہ
انسانوں کو خواب دیکھا کے باقاعدہ کہیں سے فون کروا کے آپ کو کہیں بھی
بھیجنے کو کہہ سکتے ہیں۔ زندہ انسانوں کے دماغوں کو قابو کرکے یعنی کنڑول
کرکے یہ طاقتیں آپ کو فون کروائیں گے اور آپ کو ایک کام بتائیں گے کرنے کو۔
اگر آپ نے کردیا تو سمجھو کہ دنیا آپ کے قدم چومے گی۔ آپ کی ہر خواہش یہ
پوری کرینگے۔ یہ خواب اور فون والا کام دراصل جادوگر، پیر، یا عامل حضرات
کرواتے ہیں۔ اگر نہ کر سکے تو ساری عمر ناکامی کا منہ دیکھتے رہیں گے آپ۔یہ
کام اس وقت بھی ہوتا ہے جب آپ نئے نئے جادوگر بننے لگیں۔ یعنی پہلے جن آپ
سے کہے گا کہ پہلے میرا فلاں کام کرو پھر میں تمہارا غلام بن جاؤں گا۔ تو
وہ فلاں کام آپ کے خواب میں ہی آکر بتائے گا۔ یہ خواب اور فون والی
ٹیکنالوجی مجموعی طور پر نیک اور بد دونوں روحوں اور اچھے برے جنات کے پاس
ہوتی ہے۔ بدروحیں اور برے جنات اس کا غلط استعمال کریں گے۔
باب نمبر 2 ''خواب تفصیل کے ساتھ''
خواب بہت طاقت ور ہوتے ہیں۔ یہ انسان کی پوری زندگی بدل دیتے ہیں۔ خواب میں
ہونے والے عمل زبردست طاقت رکھتے ہیں۔ ان خوابوں سے مراد زندہ انسان کی روح
سے براہ راست بات کرنا ہوتا ہے۔ جنات اور روحیں دونوں خواب کے ذریعے یا
ظاہری طور پر ایسے حالات پیدا کرکے آپ کی حرکتوں کے پول بھی کھول سکتی ہیں۔
جن لوگوں پر جنات حاوی ہوجاتے ہیں ،سرائیت کرجاتے ہیں، possessed کرجاتے
ہیں، تو ان کو عشا کے بعد ٹھیک استخارہ نہیں ہوتا۔ پہلے اس کا توڑ کروائیں
پھر استخارہ کریں۔ یہ توڑ بھی استخارہ مرکز والے ہی کرتے ہیں۔ یہ عام عامل
یا جادوگر حضرات نہیں کرسکتے۔ عام عامل حضرات کے پاس یہ خواب والی
ٹیکنالوجی نہیں ہوتی۔
یہ عام عامل کاغذوں پہ لکیریں کھینچ کر عمل کرتے ہیں۔ کچھ جنات کمزور ہوتے
ہیں تو یہ کمزور جنات کاغذ پر کیے گئے اعمال سے قابو آجاتے ہیں۔ جو جنات
طاقتور ہوتے ہیں وہ صرف خواب سے ہی قابو میں آئیں گے۔ یہ طاقت ور جنات وہ
ہوتے ہیں جن کو قابو کرنے کے لیے کالا جادو جاننے والے جادوگر کالے جادو کی
تیسری منزل سرکٹا تک عبور حاصل کرلیتے ہیں۔ لیکن بعض جنات جو مسلمان ہوتے
ہیں ان کا کالے جادو اور اس کی تمام منزلوں سے کوئی تعلق نہیں ہوتا۔ یہ عام
جنات ہی ہوتے ہیں لیکن ان میں بھی اتنی قدرتی طاقت ہوتی ہے کہ یہ انسانی
روپ میں آجاتے ہیں اور یہی مسلمان جنات آپ کو مسلمان کلمہ گو جادوگر کے حکم
پر یا اپنی مرضی سے ازخود کسی کے خواب میں جا سکتے ہیں اور انسان کی مدد
کرسکتے ہیں، کیونکہ کچھ مسلمان جنات اچھے بھی ہوتے ہیں وہ فی سبیل للہ مدد
کرتے ہیں ۔ ایسے مسلمان جنات یہاں لاہور میں تو موتی مسجد شاہی قلعے کے
اندر موجود ہیں۔ باقی شہروں کا تو ہمیں اتنا نہیں معلوم۔
اگر آپ نے توڑ نہ کروایا تو حقیقی استخارہ جناتی استخارہ میں تبدیل ہوجاتا
ہے۔ یعنی آپ کو جن صاحب خواب دیکھا دیں گے اور آپ سمجھیں گے کہ اللہ تعالیٰ
دیکھا رہا ہے۔ اس طرح سے آپ دھوکہ کھائیں گے۔
باب نمبر 3 ''استخاہ کی اقسام''
استخارہ دو قسم کے ہوتے ہیں۔ ایک عشا کے بعد جو نارمل ہوتا ہے اور دوسرا
جناتی استخارہ کہلاتا ہے۔ یہ صرف جادوگر، پیر یا عامل حضرات ہی کرتے ہیں۔یہ
ہم عام لوگ نہیں کرسکتے۔اس میں پہنچے ہوئے جادوگر حضرات جنات سے براہ راست
رپورٹ طلب کرتے ہیں۔ آپ نے اکثر آستانوں میں استخارہ مرکز لکھا دیکھا ہوگا
تو وہ یہی استخارے مرکز کہلاتے ہیں۔ گندے جنات کو لال اور کالا رنگ بہت شدت
سے پسند ہوتے ہیں، جیسے ہندو اور عیسائی جنات۔اسی لیے اگر استخارہ میں لال
یا کالا رنگ دیکھیں تو وہ اچھا نہیں سمجھا جاتا۔ استخارے کو سمجھنا انہتائی
مشکل ترین کام ہوتا ہے، یہ ہر کسی کی سمجھ میں نہیں آتا۔ خوابوں کی اپنی
ایک تعبیر ہوتی ہے، جسے سمجھنا ہر ایک کے بس کی بات نہیں ہوتی۔ سونے کے
دوران انسانی جسم رات بارہ بجے تا فجر کی آذانوں تک انتہائی کمزرو ترین
پوزیشن پر ہوتا ہے۔ جنات اور بدروحیں سب زیادہ اسی وقت پر خواب میں حملہ
آور ہوتی ہیں۔ بعض ہندو اور عیسائی جنات اتنے غلیظ ہوتے ہیں کہ یہ آپ کے
خواب میں آکر ہندی فلموں کے غلیظ گانے گاتے ہیں۔ یہ گانے والا کام میرے
ساتھ ذاتی طور پر ہوچکا ہے۔
اب ہم آتے ہیں اصل موضوع کی طرف جو پورے پاکستان میں شاید ہی کسی کو معلوم
ہو۔ ایک ٹیکنالوجی ہوتی ہے جو خواب میں بات کرتی ہے۔ خواب والی طاقتیں ہم
پہ راج کرتی ہیں۔ یہ خواب خود اختیاری ہوتے ہیں اسی لیے ہم بےبس ہوتے ہیں۔
یہ خواب والی طاقتیں ہمیں خواب میں ٹریپ کرتی ہیں۔ یہ کائنات کی عالمی
طاقتیں ہوتی ہیں، بڑی طاقتیں ہوتی ہیں۔ ان سے آپ لڑ نہیں سکتے۔ اس میں اللہ
اور جن لوگ سب شامل ہوتے ہیں۔
46٪ خواب دنیا کے تمام مذاہب کے مطابق مذہبی ہوتے ہیں۔ اب ظاہر ہے کہ اللہ
تو ٹریپ کرے گا نہیں، لیکن جنات ٹریپ کرتے ہیں۔ اس ٹریپ سے بچنے کے لیے ہی
انسان کو بعض دفعہ استخارے مرکز جانا پڑجاتا ہے۔
باب نمبر 4 ''استخارہ مرکز اور خواب دیکھا کے فون کروا کے نوکری کے لیے
لوگوں کو بھیجنا''
یہ انتہائی اہم ترین باب ہے۔ اگر آپ کو نوکری نہیں ملتی آپ بہت زور لگاتے
ہیں کئی سال لگ جاتے ہیں بےروزگاری میں تو آپ اس خواب والی ٹیکنالوجی کی
مدد سے نوکری کیا نوکرا بھی حاصل کرسکتے ہیں۔کاروبار اگر نہیں چل رہا تو
بھی یہی ٹیکنالوجی استعمال کی جاسکتی ہے۔ انسان کی زندگی میں اگر کچھ یا
کوئی بھی مثبت کام نہیں ہوتے تو انہی کاموں کو فورس دے کے طاقت کے ساتھ
کروایا جاتا ہے یعنی زبردستی آپ کے خواب میں پورا کیا جاتا ہے۔ یعنی وہی
کام جو نہیں ہوپاتے یا بنے بنائے کام بگڑ جاتے ہیں تو ان کو خواب میں طاقت
کے ساتھ پورا کروایا جاتا ہے۔ پھر آپ کو باقاعدہ سچ مچ میں موقع بھی دیا
جاتا ہے اسی کام کو پورا کرنےمیں۔ زندہ انسان کے دماغ کو کنٹرول کرکے موقع
دیا جاتا ہے۔ پھر جب آپ وہی کام کریں تو کوئی شکایت نہیں لگے گی ورنہ پیٹھ
پیچھے شکایتیں لگتی رہیں گی۔ آپ کے تمام کام 100٪ کامیابی کے ساتھ مکمل
پایہء تکمیل تک پہنچتے چلے جائیں گے۔ اگر کوئی کام نہیں ہوپا رہا تو انہی
خاص جادوگروں یا عاملوں کے پاس جائیں جو استخارہ مرکز چلاتے ہیں، ان سے
خواب میں کروائیں۔ یہ کام ایسے ہوتا ہے کہ جادوگر آپ کو کہے گا کہ اپنا اور
والدہ کا نام بتاؤ ہم استخارہ کریں گے کل تشریف لانا۔ یہ استخارہ عشاء کی
نماز کے بعد والا عام استخارہ نہیں ہوتا، بلکہ جناتی ہوتا ہے۔ جس میں عامل
یا پیر صاحب اپنے جن سے مخاطب ہوتے ہیں۔ آپ اگلے دن استخارہ کی رپورٹ لینے
جائیں گے۔ یہ آپ کو بتائیں گے کیا مسئلہ ہے۔ پھر آپ کو کہا جائے گا کہ ہمیں
فیس دو ہم آپ کو ایک تعویز دیں گے ہرن کی کھال والا۔ ہرن کی کھال پر
تعویزات لکھے جاتے ہیں۔ کھال کو مکمل طور پر دونوں اطراف سے زعفران میں
نہلا کے۔ جنات بھیڑیے کی کھال سے ڈرتے ہیں۔ ہرن کی کھال کو زعفران سے
نہلایا ہوا یہی تعویز آپ کو تکیے کے نیچے رکھ کر سونے کو کہا جائے گا یا
جیب میں ڈال کر سوجائیں۔ تین دن پانچ دن یا سات دن یا جتنے بھی دن عامل آپ
کو بولے۔ پھر آپ اس کو واپس دینے جائیں گے۔ اس کو کھولنا نہیں ہوتا۔ یہ
تعویز آپ کے سامنے پیک کرکے آپ کو دیا جائے اور کھولا بھی آپ ہی کے سامنے
جائے گا۔ اگر کسی نے کچھ بدعمل کیے ہیں تو اس تعویز میں اس کے اثرات آجائیں
گے، کچھ نہیں ہے تو کچھ نہیں آئے گا۔ جب تعویز تیار کیا جارہا ہوگا آپ کے
سامنے تو انتہائی محتاط سے اس کو دیکھیں کہ عامل کیسے پیک کررہا ہے۔ اس کی
موبائل سے وڈیو بنا لیں، پھر جب اس کو کھولا جائے گا تو بھی وڈیو بنائیں۔
اس کے بعد آپ کو کہا جائے گا کہ ڈیڑھ سے دو ماہ میں آپ کو ایک خواب آئے گا
خواب میں آپ کو ایک کام بتایا جائے گا وہ کام آپ نے کرنا ہے۔ وہ کام کچھ
بھی نہیں ہوسکتا۔ وہ صرف آپ کی خواہش ہوتی ہے۔ کچھ عامل آپ کو کہہ دیں گے
کہ اپنی خواہش اپنے دل میں رکھنا۔ آپ کی اپنی خواہش آپ کے خواب میں بتائی
جائے گی، دل لگا کر پوری کرنا۔ اگر آپ کی خواہش ہے نوکری کی تو اسی حوالے
سے خواب آئے گا۔ ایک ضروری بات کہ دل کے حال اللہ ہی جانتا ہے، ایسا ہرگز
نہیں ہے۔ دل کے حال جنات بھی جانتے ہیں، روحیں بھی جانتی ہیں۔ یہ جادوگر
حضرات اپنے جنات کو بھیجیں گے اور وہ آپ کو خواب میں وہی کام بتائیں گے جو
آپ کی اصل خواہش ہے، جس کو پورا کرنے کے لیے آپ کو کہا جائے گا۔ اگر نوکری
نہیں مل رہی تو خواب میں نوکری دلوائی جائے گی پھر دفتر کے زندہ انسانوں کے
دماغ کو جنات کنٹرول کرکے آپ کو فون کروائیں گے کہ آجاؤ بھائی آپ کا
انٹرویو ہے۔ پہلی دفعہ میں جادوگر کی مرضی سے چلنا پڑتا ہے پھر آپ اپنی
مرضی سے چلیں گے ورنہ نقصان ہوگا۔ جو ہاتھ میں ہے اس سے بھی جاؤ گے، محروم
ہوجاؤ گے۔
اگر ادارے والے آپ کو 5 ہزار تنخواہ دیتے ہیں تو بھی جاؤ یہ نہ سوچو کہ 5
ہزار میں تو کچھ نہیں ملے گا۔ پھر ایک ماہ بعد نوکری چھوڑنے کا نوٹس دے دو۔
ایک ماہ نوٹس پہ کام کرو۔ دوسرے ماہ کی تنخؤاہ بھی گھر لاؤ۔ پھر اس کے بعد
آپ جہاں چاہو گے نوکری ملے گی۔
یہی وہ پراسرار خواب والی ٹیکنالوجی ہوتی ہے جو آپ کو خواب میں آپکی اصل
خواہش پورا کرواتی ہے اور زندہ انسانوں کے دماغوں کو قابو میں رکھتی ہے۔
جنات انسان کے دماغ کو کنڑول کرلیتے ہیں۔ یہ خواب والی ٹیکنالوجی دراصل
قابو کیئے گئے بعض جادوگروں کے پاس عیسائی، ہندو اور مسلمان بڑی طاقت والے
جنات ہوتی ہے۔ جو جادوگر کالے جادو کی اونچی منازل تک پہنچا ہوا ہوتا ہے اس
کے پاس جنات کے ساتھ ساتھ بدروحیں بھی ہوتی ہیں قابو کی ہوئی۔ یہ بدروحیں
کالے جادو کی پانچویں منزل چڑیل سے تعلق رکھتی ہیں۔ کالے جادو کی کل 8
منزلیں ہوتی ہیں، جن میں سب سے پہلی بیر، دوسری بھیروں، تیسری سرکٹا، چوتھی
لونا چماری، پانچویں چڑیل، چھٹی بھوت اور پدما، ساتویں کرشنا۔شنکھا اور
آخری آٹھویں کھنڈولہ۔ انڈیا میں چھٹی منزل تک تو لوگ پہنچے ہیں لیکن ساتویں
پہ کوئی قدم نہیں رکھ سکا تو آٹھویں کا تو سوال ہی پیدا نہیں ہوتا۔ پاکستان
میں عام طور پر تیسری منزل تک پہنچے ہوئے جادوگر ہوتے ہیں جو کم پڑھے لکھے
ہوتے ہیں اس لیے ان کو خود پتہ نہیں چل پاتا کہ کم کہاں تک پہنچے ہوئے ہیں۔
پاکستان میں چوتھی منزل کے برائے نام ہوتے ہیں۔ انڈیا اور بنگلہ دیش میں
چھٹی منزل تک پہنچے ہیں۔ انڈیا میں ہی ایک جادوگر نے ساتویں منزل پہ قدم
رکھا تھا تو زمین اس کا وزن نہیں اٹھا سکی تھی۔ چھٹی منزل تک پہنچے ہوئے
جادوگروں کو ہندی میں پڑن بھگت کہتے ہیں اور پانچویں منزل تک کے جادوگر کو
شاستر کہتے ہیں۔
اگر آپ نے پیر صاحب کی مرضی کے مطابق خواب پہ عمل کردیا تو سمجھو آپ کامیاب
ہوگئے دنیا میں۔ پھر آپ کی ہر اچھی خواہش پوری ہوگی۔ آپ کے کوئی کام نہیں
رکیں گے۔ اگر خواب والی ٹیکنالوجی میرے پاس ہوتی تو میں پوری کائنات فتح
کرلیتا۔ یہ پیر حضرات اکثر یہ لکھتے ہیں کہ کامیابی آپ کے قدم چومے یا
محبوب قدموں میں تو یہ حقیقتاً 100٪ درست ہوتا ہے، یہ ٹھیک کہتے ہیں۔ یہ
ضرور یاد رکھنا کہ دل کے حال اللہ کے علاوہ کوئی اور بھی 100٪ یقیناً جانتا
ہے اور وہ ہیں جنات اور روحیں۔ اس کام کو پیر صاحب سے کروانے کے بعد بلکہ
پہلے بھی کسی کو بولنا نہیں ہوتا ورنہ اثر نہیں ہوتا۔
یہ پیر حضرات اتنے طاقتور ہوتے ہیں کہ اپنے جن کی مدد سے آپ کے گھر اور اس
کے آس پاس کا سارا علاقہ سمجھ لیتے ہیں۔ ان کو یہ تک پتا چل جاتا ہے کہ آپ
کو خواب آچکا ہے اور خواب میں دیکھا کیا ہے!!! اس طرح سے پیر صاحب یا
جادوگر یا عامل صاحب بھی آپ کی اصل دلی خواہش کو جان چکے ہوتے ہیں کہ آپ کی
اصلیت کیا ہے۔ ان کو آپ کے بارے میں سب کچھ پتا چل جاتا ہے۔
باب نمبر 5 ''خواب اور خواہشات''
مرنے کے بعد انسان کی خواہشات بھی بدل جاتی ہیں۔ پھر وہ دنیاوی خواہشات
نہیں رہتیں۔ دنیا میں دنیاوی خواہشات اگر پوری نہ ہوں تو مرنے کے بعد برزخ
میں جاتے ہی صرف نیک روحیں اپنی دوسری قسم کی خواہشات پوری کرتی ہیں پھر وہ
چاہے جیسی بھی ہوں لیکن دنیاوی سے مختلف۔ بدروحیں بھی اپنی خواہشات رکھتی
ہیں ۔ بعض روحیں جسم کی پیاسی ہوتی ہیں۔ یہ زیادہ تر بدروحیں ہوتی ہیں۔
انتہائی ضروری بات سمجھنے کے لیے کہ عام طور پر روحیں اپنی جنسی خواہشات
زندہ انسانوں کے ساتھ اس کے خواب میں جا کر پورا کرتی ہیں چاہیں وہ نیک ہوں
یا بدروحیں۔ اگرچہ ان میں کچھ فرضی خواب بھی ہوتے ہیں لیکن کچھ خواب سمجھنے
والے بھی ہوتے ہیں۔ اگر آپ کو ایک جیسا خواب بار بار ایک ہی طریقے سے یا
ملتے جلتے طریقے سے آئے تو سمجھ لیں کہ وہ جنات اچھے و برے یا نیک و بد
روحیں بار بار دیکھا رہی ہیں۔ نیک روحیں اپنی مرضی سے دیکھائیں گی جبکہ
بدروحیں جادوگر کے اشارے پہ۔ یہ کالے جادو کی تیسری منزل سرکٹا میں اسی طرح
ہوتا ہے جو سفلی عمل کہلاتا ہے، اس کا نتیجہ خواب میں اسی طرح آئے گا۔
ایسا لازمی ہوتا ہے کہ جو خواب کسی روح، جن، یا اللہ تعالی نے دیکھایا ہو
تو آپ کی آنکھ جب کھلتی ہے تو دائیں طرف سے کھلتی ہے، تو ایسے خواب حقیقت
پر مبنی ہوتے ہیں۔ ان کی تعبیریں لازمی پورا ہوتی ہیں۔ آپ استخارہ کرتے ہیں
تو آنکھ دائیں طرف سے کھلتی ہے تو وہ خواب ٹھیک ہوتے ہیں۔ لیکن ان کو بھی
سمجھنا انتہائی مشکل ترین کام ہوتا ہے۔ اس میں بعض دفعہ برے جنات یا
بدروحیں بھی دیکھا دیتی ہیں اور آپ سمجھیں گے اللہ تعالی دیکھا رہا ہے۔
ایسا تب ہوتا ہے جب آپ استخارہ کی نعمت سے محروم ہوں یا آپ پر بھی کالا
جادو کیا گیا ہو اور آپ کو نہ پتا ہو۔ اگر آپ پہ کالا جادو کیا گیا ہے تو
استخارہ ہمیشہ غلط آئے گا۔ استخارے والے خوابوں پر عمل کرنا نہ کرنا آپ کی
مرضی ہوتی ہے۔ لیکن بعض خواب ایسے ہوتے ہیں جو برے جنات دیکھاتے ہیں اور
آنکھ دائیں طرف سے ہی کھلتی ہے تو وہ لازمی پورا ہوتے ہیں اپنے آپ۔ اس کے
لیے اس کا توڑ کسی اچھے صاف ذہن کے شریف جادوگروں سے کروانا چاہیے، ورنہ
نقصان ہوتا ہے۔ ایسا استخارہ میں بھی ہوسکتا ہے کہ آپ استخارہ کریں عشاء کے
بعد لیکن آپ کو کوئی مردہ رشتہ دار خواب دکھا دے، اس کا مطلب یہ نہیں کہ وہ
سچا خواب ہے۔ ایسے میں گنہگار مردہ بھی خواب دکھا سکتا ہے۔ اس کی اہم ترین
نشانی یہ ہوتی ہے کہ اس خواب میں کچھ زندہ رشتہ دار بھی ہونگے۔ تو ایسے
خواب پر عمل کرنا ٹھیک نہیں۔ اس خواب میں موجود زندہ رشتہ دار بھی جہنمی
ہونگے۔ اگر خواب میں صرف ایک اکیلا مردہ ہی ہے تو وہ نیک مردہ ہی ہوتا ہے۔
اگر خواب میں کسی زندہ رشتہ دار کو ہی دیکھا ہے تو اس میں پھر دو اقسام
شامل ہیں، ایک یہ کہ اللہ نے دیکھایا ہے یا پھر کسی شیطان نے۔ لیکن یہ مت
سمجھنا کہ شیطان کا خواب جھوٹا ہی ہوتا ہے۔ اس میں بھی اتنی صداقت ہوتی ہے۔
کیونکہ جو کام اللہ کرسکتا ہے وہ شیطان بھی کرسکتا ہے۔ فرق صرف اتنا ہوتا
کہ اللہ پیدا کرتا ہے اور جان لیتا ہے۔ شیطان یہ کام نہیں کرسکتا۔ ایسے
خوابوں میں کہ زندہ رشتہ دار ہیں لیکن وہ آپ کو دیکھا کیا رہے ہیں یہ
سمجھنا آپ کاکام ہے۔ اگر کچھ ایسی بات یا کام کرتے ہیں خواب میں جو آپ کے
خیال میں ٹھیک نہیں ہے تو خواب میں موجود زندہ رشتہ دار جہنمی ہونگے۔ بعض
دفعہ ایسا بھی ہوتا ہے کہ تعویزات کرکے اللہ کو مجبور کردیا جاتا ہے تو
اللہ مجبوراً خواب میں جو بات بتائے گا وہ ٹھیک ضرور ہوگی لیکن جن زندہ
لوگوں کی موجودگی خواب میں ہوگی وہ تمام جہنمی ہونگے۔ ایسے خوابوں میں مردہ
کبھی نہ آئے گا، چاہے وہ نیک ہو یا گنہگار۔ ان پر عمل کرنے سے اللہ آپ سے
قیامت کے دن سوال نہیں کرے گا کیونکہ آپ بےقصور ہوگے۔سوال زندہ رشتہ داروں
سے ہی کیا جائے گا کیونکہ ان کے اعمال ہی ایسے ہونگے۔
اگر کوئی جن ایسا خواب دیکھائے جو محض مذاق قسم کا ہو، تو آپ کی آنکھ
بائیں، الٹے طرف سے کھلے گی ایسے میں بعض دفعہ فرضی خواب بھی آجاتے ہیں۔ ان
کو نظر انداز کرنا چاہیے۔ لیکن اللہ پہ یہ طاقت ہوتی ہے کہ وہ کوئی بھی
خواب آپ کو دکھائے تو آنکھ بائیں جانب سے بھی کھل سکتی ہے اور دائیں جانب
سے بھی۔ بس خواب کو سمجھنا آپ کا کام ہے۔
کاشف فاروق، لاہور سے۔ ایم ایس سی روحانیات سپائرلجؤل سائنس
|