|
|
| |
| جب ستائيس رمضان کی بابرکت رات میں دنیا کے نقشے پر
پاکستان ایک اسلامی مملکت کے طور پر بن کر ابھرا تھا تو اسی دن سے دشمنوں
کی نظروں میں خار کی طرح چبھنے لگا تھا اور ان کی پوری کوشش تھی کہ وہ اس
ملک کی ترقی کی راہ میں ہر طرح کے روڑے اٹکا دیں- لیکن جس کو اللہ رکھے اس
کو کون چکھے ایسا ہی کچھ ہمارے پیارے پاکستان کے ساتھ بھی ہوا- |
| |
| موجودہ حالات کے سبب
پھیلی مایوسی میں امید کی کرن |
| اس وقت ہماری نئی نسل جو ملکی حالات دیکھ رہے ہیں اور
مہنگائی اور بے روزگاری کے جس طوفان کا سامنا کر رہی ہے اس کے اندر مایوسی
پیدا ہو رہی ہے کیوں کہ اس نے جب سے سر اٹھایا ملک کی معاشی حالت کو مخدوش
پایا تو ان کو یہی لگا کہ شائد یہ ملک ہمیشہ سے ایسا ہی تھا- مگر حقیقت اس
سے بہت برعکس ہے قیام پاکستان کے بعد ہمارا ملک نہ صرف تیزی سے ترقی کر رہا
تھا بلکہ اس کا شمار تیزی سے مستحکم ہونے والے ممالک میں ہوتا تھا- |
| |
| ماضی میں پاکستان کی
ترقی کی ایک جھلک |
| 1: قیام پاکستان کے
امپورٹ ایکسپورٹ کا فرق |
| یہ ایک اخبار کا تراشہ ہے جس کے مطابق قیام پاکستان کے
پہلے چھ مہینے میں 22 کروڑ کا سامان دنیا کو بھیجا گیا جب کہ اس کے مقابلے
میں صرف 13 کروڑ کا سامان بیرون ملک سے منگوایا گیا جو کہ اس بات کا ثبوت
ہے کہ پاکستان کا ایکسپورٹ امپورٹ کے مقابلے میں زیادہ تھا جو کہ بڑی ترقی
کو ظاہر کر رہا تھا اور اس وقت ہندوستان کے مقابلے میں بہت بہتر تھا- |
|
|
| |
| 2: اپنی بسیں خود بنا
رہے تھے |
| یہ اشتہار 1955 کا تھا جو یہ ظاہر کر رہا ہے کہ پاکستان
والے اپنی بسوں کی باڈیاں خود بنانے لگے تھے اور باہر کے ملکوں سے بسیں
منگوانے کے بجائے خود اپنے ملک میں بیڈ فورڈ نامی کمپنی کے تعاون سے بسیں
بنا رہے تھے- |
|
|
| |
| 3: خواتین کے لیے
ٹرانسپورٹ کی علیحدہ سہولت |
| اسلام کے نام پر قائم اس ملک میں خواتین کی اہمیت کو بہت
شروع ہی سے محسوس کر لیا گیا تھا یہی وجہ ہے کہ ان کی ٹرانسپورٹ کا بھی
علیحدہ انتظام کیا گیا تھا- |
|
|
| |
| 4: خواتین کے
ساتھ ساتھ طالب علموں کی بھی پروا |
| یہ تیس پیسے والا رعائتی ٹکٹ، کے ٹی سی KTC کی
بسوں میں، طالب علموں کو فروخت کیا جاتا تھا۔ طالب علم کسی بھی سرکاری یا
پرائیویٹ بس میں کراچی کے ایک کونے سے دوسرے کونے تک، 30 پیسے میں سفر کر
سکتے تھے- |
|
|
| |
| 5: عوام کے لیے
سستی رہائش کا انتظام |
| ماضی میں پاکستانی عوام کے لیے معیاری اور سستی
رہائش کا انتظام کرنا بھی حکومت اپنی ذمہ داری سمجھتی تھی جس کی جھلک ناظم
آباد کی رہائشی اسکیم سے مل سکتی ہے- |
|
|
|
|
|
6: قیمتوں پر حکومت کا کنٹرول |
|
اس ملک پاکستان میں جکومت کا کام صرف مہنگائی میں اضافہ کرنا نہیں ہوتا تھا
بلکہ وہ ملک کی عام اشیائے ضرورت کی قیمتوں پر کنٹرول بھی کرتی تھی تاکہ
عوام کو فائدہ مل سکے- |
|
|
|
|
|
یہ تھا ہمارا پیارا وطن جو کہ ترقی کی راہ پر تیزی سے گامزن تھا پھر یوں
ہوا کہ کچھ ناعاقبت اندیشوں نے ملک کو دیوالیہ کرنے تک پہنچا دیا ہے دعا
یہی ہے کہ اللہ تعالی اس ملک پر اپنا کرم کریں اور اس کو محفوظ رکھیں- |