خواتین مردوں سے 5 سال زیادہ زندہ رہتی ہیں… وہ 6 طاقتیں جو صرف خواتین میں پائی جاتی ہیں

ہر خاتون کو ایک حیرت انگیز خاتون قرار دیا جائے تو کچھ غلط نہ ہوگا- ضروری نہیں ہے کہ ہر خاتون کے اندر بہت زیادہ حیرت انگیز صلاحیتیں پائی جاتی ہوں لیکن پھر چند قدرتی طاقتیں ایسی ضرور ہیں جو تمام خواتین میں موجود ہوتی ہیں جبکہ مرد ان سے محروم ہوتے ہیں- ان طاقتوں نے ماہرین کو بھی حیران و پریشان کر رکھا ہے-

ذائقہ زیادہ اچھے انداز میں محسوس کرتی ہیں

خواتین میں یہ صلاحیت موجود ہوتی ہے کہ وہ کسی چیز کا ذائقہ مردوں کے مقابلے میں زیادہ بہتر انداز میں محسوس کرسکتی ہیں- اس کی وجہ یہ ہے کہ ان کی زبان پر ذائقہ محسوس کرنے والے حصے (fungiform papillae) زیادہ ہوتے ہیں-

لڑکیوں کے دل کی صحت بہتر ہوتی ہے

خواتین میں دل کی بیماری مردوں کے مقابلے میں کم ہی پائی جاتی ہے- اس کی وجہ یہ ہے کہ خواتین کے جسم میں ایسے ہارمونز پائے جاتے ہیں جو دل کی حفاظت کرتے ہیں-

خواتین زیادہ جوان نظر آتی ہیں

اوسطاً خواتین مردوں سے کم عمر نظر آتی ہیں۔ اس کی وجہ یہ ہے کہ مردوں کی جلد خواتین کے مقابلے میں 25 فیصد زیادہ موٹی ہوتی ہے- جس سے چہرے کی لکیریں اور عمر کے نشانات ظاہر ہونے کا خطرہ ہوتا ہے-

خواتین مردوں سے زیادہ زندگی پاتی ہیں

خواتین مردوں کے مقابلے میں تقریباً پانچ سال زیادہ زندہ رہتی ہیں۔ ماہرین کا خیال ہے کہ اس حقیقت کی وجہ یہ ہے کہ خواتین اپنی زندگی میں مردوں کے مقابلے میں زیادہ صحت مند رویوں میں مشغول رہتی ہیں۔

خواتین میں برداشت کی صلاحیت زیادہ ہوتی ہے

ہوسکتا ہے کہ مرد حضرات خواتین کے مقابلے میں زیادہ طاقتور ہوں لیکن حقیقت یہ ہے کہ خواتین کے پٹھوں میں کچھ خاص طاقتیں ہوتی ہیں- یہ زیادہ وقت تک مضبوط اور صحت مند رہتے ہیں جس کی وجہ سے خواتین میں برداشت کی صلاحیت زیادہ ہوتی ہے-

خواتین کا دماغ مختلف ہوتا ہے

مردوں کے دماغ کا نظام آگے سے پیچھے کی جانب چلتا ہے جو مختلف طریقوں سے آپس میں منسلک ہوتا ہے- لیکن خواتین میں یہ سسٹم بائیں سے دائیں جانب ہوتا ہے- ماہرین کا ماننا ہے کہ شاید اسی خصوصیت کی وجہ سے خواتین ایک ہی وقت میں مختلف کام سرانجام دے پاتی ہیں-