بارش ہوئی اور بچے بیمار ۔۔۔ بارش کے موسم میں بچوں کو بیماریوں سے بچانا چاہتے ہیں تو یہ طریقے استعمال کریں

image
 
ملک میں ان دنوں مون سون سیزن اپنی پوری آب و تاب کے ساتھ جاری ہے اور پورے ملک میں بارشیں بھی ہورہی ہیں، بارش جہاں گرمی کے بعد راحت کا پیغام لاتی ہے وہیں اکثر انتظامیہ کی غفلت اور لاپرواہی کی وجہ سے عوام کیلئے مشکلات کا سبب بن جاتی ہے اور جگہ جگہ گندگی کے ڈھیر بیماریوں کے پھیلاؤ کا سبب بنتے ہیں۔ اگر آپ بھی بارش کے اس موسم میں بیماریوں سے بچنا چاہتے ہیں تو ان چند تدابیر پر عمل کرکے آپ کو بہت فائدہ ہوسکتا ہے۔
 
پیٹ کے امراض
بارش کے موسم میں نمی اور اچانک تپش کی وجہ سے کھانے پینے کی چیزیں خراب ہونے لگتی ہیں کیونکہ ان میں بیکٹیریا پیدا ہوجاتے ہیں اور گندگی کی وجہ سے مکھیاں بھی کھانوں میں بیکٹیریا کی افزائش کا سبب بنتی ہیں- ایسے میں آپ فوڈ پوائزنگ، مروڑ، الٹی ،متلی اور دست کا شکار ہوسکتے ہیں، اس لئے ایسے موسم میں پانی کا استعمال زیادہ کریں لیکن پانی کو ابال کر پئیں، مسالے دار چیزیں کھانے سے پرہیز کریں اور کھلی جانیوالی چیزوں کو بغیر دھوئے قطعی نہ کھائیں۔
 
بخار
بارش کے بعد اکثر لوگوں کو بخار کی شکایت ہوجاتی ہے جو بگڑ کر ٹائیفائیڈ کی شکل اختیار کرلیتا ہے، اس لئے کوشش کریں کہ کھانے سے پہلے ہاتھ صابن سے ضرور دھوئیں اور ابالے بغیر پانی استعمال نہ کریں کیونکہ بارش کے موسم میں ہونیوالا بخار، پیٹ کا درد اور سر درد آپ کو تھوڑی سی بے احتیاطی کی وجہ سے مشکل میں ڈال سکتا ہے۔
 
image
 
یرقان
بارش کے موسم میں صفائی کے فقدان اور نکاسی آب کا نظام خراب ہونے کی وجہ سے اکثر پانی کی لائنوں میں سیوریج کا پانی شامل ہوجاتا ہے اور آلودہ پانی آپ کو یرقان کا مریض بناسکتا ہے، اس لئے بارش کے موسم میں ہی نہیں عام حالات میں بھی گندی جگہوں پر کھانے سے پرہیز کریں اور پانی کرتے وقت صاف برتن کا استعمال کریں۔
 
جسم میں پانی کی کمی
بارش کے موسم میں خراب کھانے اور گندے پانی کی وجہ سے آپ کو الٹیاں آسکتی ہیں اور دست بھی ہوسکتے ہیں جس سے جسم کا پانی تیزی سے کم ہوجاتا ہے اور اگر آپ ایسی صورتحال سے دوچار ہوں تو فوری معالج سے رجوع کریں کیونکہ جسم میں پانی کی کمی کی وجہ سے حالت زیادہ خراب ہوسکتی ہے۔ کوشش کریں کہ ایسی صورتحال سے بچنے کیلئے صفائی کا خیال رکھیں، بدبو پیدا کرنے والے کچرے کو گھر سے دور کریں اور بار بار ہاتھ دھوئیں اور ممکن ہو تو خوشبو کا چھڑکاؤ بھی کریں تاکہ بدبو کی وجہ سے آپ کا معدہ خراب نہ ہو۔
 
image
 
احتیاطی تدابیر
بارش کے موسم میں پانی کا استعمال سب سے زیادہ اہمیت رکھتا ہے، ہمیشہ ابلا ہوا پانی استعمال کریں اور پانی کا اچھے طریقے سے ڈھانپ کر رکھیں، کھانے سے پہلے صابن سے اچھی طرح ہاتھ دھوئیں، باہر کھانے سے گریز کریں، گیلے کپڑوں کا استعمال نہ کریں، کھانستے اور چھینکتے وقت رومال کا استعمال کریں اور کھانے کی چیزوں کو ڈھانپ کر رکھیں، باسی کھانا نہ کھائیں، تلی اور مسالے دار چیزوں سے بھی گریز کریں تو یقیناً آپ بارش کے موسم میں کئی مسائل سے بچ سکتے ہیں۔

Disclaimer: All material on this website is provided for your information only and may not be construed as medical advice or instruction. No action or inaction should be taken based solely on the contents of this information; instead, readers should consult appropriate health professionals on any matter relating to their health and well-being. The data information and opinions expressed here are believed to be accurate, which is gathered from different sources but might have some errors. Hamariweb.com is not responsible for errors or omissions. Doctors and Hospital officials are not necessarily required to respond or go through this page.

YOU MAY ALSO LIKE: