|
|
| |
| گھوڑا گھاس سے دوستی کرے گا تو کھائے گا کیا؟ یہ مثال تو
اکثر آپ نے سنی ہوگی کیونکہ یہ حقیقت ہے کہ اگر واقعی گھوڑا گھاس سے دوستی
کرے گا تو بھوکا مرجائے گا لیکن دنیا میں ایسے بے شمار مناظر دیکھنے میں
آتے ہیں جہاں مختلف جانور ایسے جانوروں سے دوستی کرلیتے ہیں جو حقیقت میں
ان کی خوراک ہوتے ہیں۔ |
| |
| حال ہی میں ایک ویڈیو منظر عام پر آئی ہے جس میں شیر کو
کھانے کیلئے دیئے جانیوالے بکرے سے دوستی کرکے کھیلتے ہوئے دکھایا گیا ہے۔
اس سے پہلے بھی سوشل میڈیا پر کئی جانوروں کی محبت نے لوگوں کو متاثر کیا
ہے۔ |
| |
| حیرت کی بات تو یہ ہے کہ شیر کے بچوں کو مادہ چمپینزی نے
پالا تو کہیں پر شیرنی کو نیولے کے بچے کی دیکھ بھال کرتے ہوئے دیکھا گیا۔ |
|
|
|
|
| |
| آپ کو یہ جان کر مزید حیرت ہوگی کہ بھیڑیا جو بکریاں
کھانے کیلئے مشہور ہے وہ بھی بکری کے بچوں کا دوست بن چکا ہے۔ایک ہنس بیمار
گھوڑے کا تیمار دار ہے اور کسی کو بھی گھوڑے کے قریب پھٹکنے کی اجازت نہیں
دیتا۔ |
| |
| کہیں پر بلی بطخ کے بچوں کو کھالنے کے بعد ماں بن کر پال
رہی ہے تو گوشت خور جانوروں کی مرغوب غذاء شتر مرغ اور زیبرا دوستی کرکے
شکاریوں سے ایک دوسرے کو تحفظ فراہم کررہے ہیں۔ |
| |
| اب آتے ہیں شیر اور بکرے کی دوستی پر تو جناب قصہ کچھ
یوں ہے کہ سائبیریا کے چڑیا گھر میں بھوکے شیر کے پنجرے میں خوراک کے طور
پر بکرے بھیجے گئے لیکن حیرانی کی بات تو یہ ہے کہ شیر نے ایک بکرے سے
دوستی کرلی اور اس کو کھانے کے بجائے دونوں پنجرے میں کھیلتے نظر آتے ہیں۔ |
| |
|
|
| |
| ہوا کچھ یوں کہ یہ شیر کئی دنوں سے اداس اداس
تھا اور جب اس کے پنجرے میں بکروں کو چھوڑا گیا تو اس نے بھوک مٹانے کیلئے
باقی بکروں کو کھا لیا لیکن ایک کو چھوڑ دیا اور اس کو دوست بنالیا۔ بکرا
بھی جان بچنے اور شیر سے دوستی پر خوش اور شیر کو بھی بھوک ختم ہونے کے بعد
ایک اچھا دوست مل گیا ہے۔ |