|
|
شاہی خاندانوں سمیت ہم سب کی اپنی روزمرہ کی عادات اور
ترجیحات ہوتی ہیں جو ہمیں ایک دوسرے سے الگ ظاہر کرتی ہیں۔ جیسا کہ پرنس
چارلس اب اپنی والدہ ملکہ الزبتھ دوم کے بعد تخت پر براجمان ہو کر بادشاہ
چارلس III بن چکے ہیں تو ہم آپ کو بادشاہ کی روزمرہ کی زندگی کے بارے میں
کچھ ایسی دلچسپ معلومات فراہم کر رہے ہیں جو آپ کو حیران کر دیں گی- |
|
دن میں 5 بار کپڑے بدلتے
ہیں |
نئے برطانوی بادشاہ چارلس کو ان کے خوبصورت اور پرکشش
انداز کے لیے بھی جانا جاتا ہے- اس کا مطلب یہ ہے کہ وہ خود پر بھرپور توجہ
دیتے ہیں- درحقیقت یہ انکشاف بھی ہوچکا ہے کہ چارلس اکثر دن میں 5 بار بھی
کپڑے تبدیل کرتے ہیں- |
|
|
بیڈ اور باتھ روم ساتھ
لے کر چلتے ہیں |
ایک مصنف، جو شہزادی ڈیانا کے قابل اعتماد سوانح نگار
بھی تھے، نے ایک بار ذکر کیا تھا کہ بادشاہ اپنی ٹوائلٹ سیٹ کے ساتھ سفر
کرتے ہیں اور یہ عموماً اس وقت ہوتا ہے جب وہ اپنے دوستوں کے گھروں میں وقت
گزارنے جاتے ہیں، اس کے علاوہ ان کے ساتھ ان کا آرتھوپیڈک بستر بھی ہوتا ہے
اور ساتھ اسکاٹ لینڈ کے قدرتی مناظر پر مشتمل دو تصاویر بھی ان کے ہمراہ
ضرور ہوتی ہیں- یہ تمام سامان ان کے مذکور گھر تک پہنچنے سے ایک روز قبل
وہاں ٹرک کے ذریعے پہنچا دی جاتی ہیں- |
|
|
دوپہر کا کھانا نہیں
کھاتے |
کنگ چارلس جب چاہیں دوپہر کا کھانا چھوڑ دیتے ہیں- ایک
سابق شاہی نمائندے کے مطابق دوپہر کے کھانے کو ایک عیش و آرام کے طور پر
دیکھا جاتا ہے جو ان کے کام کی راہ میں رکاوٹ بنتا ہے، لہٰذا وہ دیر سے
ناشتہ کرتے ہیں۔ اس کے علاوہ ان کے سابق شیف نے انکشاف کیا تھا کہ شاہی
افراد پھل یا ابلے ہوئے انڈے سے لطف اندوز ہوتے ہیں۔ |
|
|
بچوں کے لیے
کتاب بھی لکھی |
انگریز بادشاہ نے بچوں کے لیے ایک کتاب بھی
لکھی ہے جس کا نام دی اولڈ مین آف لوچ نگر ہے۔ یہ کتاب 1980 میں اس وقت
شائع ہوئی جب وہ تیس کی دہائی کے اوائل میں تھے۔ ایسا لگتا ہے کہ وہ پہلے
یہ کہانی اپنے چھوٹے بھائیوں پرنس اینڈریو اور پرنس ایڈورڈ کی تفریح کے
لیے سنایا کرتے تھے جب وہ چھوٹے تھے۔ اس کہانی کو ایک اینیمیٹڈ شارٹ فلم
میں بھی ڈھالا گیا۔ |
|
|
سخت محنتی ہیں |
وہ لوگ جو بادشاہ کے سب سے قریب ہیں اور ان کی
روزمرہ کی زندگی میں شامل ہیں اس بات کی تصدیق کرتے ہیں کہ چارلس مصروف اور
نتیجہ خیز رہنا پسند کرتا ہے۔ حقیقت کے طور پر، صرف 2019 میں انہوں نے 521
قسم مصروفیات مکمل کیں، جن میں 145 سرکاری دورے، تقریبات، کھیل، کنسرٹ اور
چیریٹی ایونٹس شامل ہیں۔ |
|
|
کاشتکاری کا شوق |
بادشاہ چارلس کو ایک طویل عرصے سے نامیاتی کاشتکار کے طور پر بھی جانا جاتا
ہے، اور 35 سالوں سے ایک فارم کے مالک تھے۔ یہاں تک کہ فارم سے حاصل ہونے
والی پیداوار کو ویٹروس ڈچی آرگینک نامی برانڈ شروع کرنے کے لیے استعمال
کیا جاتا تھا، جو سپر مارکیٹوں میں فروخت ہوتا ہے۔ تاہم، 2020 میں یہ
انکشاف ہوا کہ اس وقت کا شہزادہ اپنے فارم کے لیے لیز کی تجدید نہیں کر رہا
تھا۔ وہ مزید 20 سال کاشتکاری کا عہد نہیں کر سکے کیونکہ انہیں اگلا بادشاہ
بننے کی تیاری کرنی تھی۔ |
|