کنگ چارلس کے ملازمین ان کو پیمپرڈ پرنس کے نام سے پکارتے ہیں٬ وجہ ایسی جس کو جان کر آپ بھی حیران رہ جائيں

ملکہ الزبتھ کے انتقال کے بعد ایک طویل عرصہ تک بطور ولی عہد اپنا کردار نبھانے کے بعد بلاآخر بادشاہ کا منصب سنبھالنے میں کامیاب ہوئے اور اس وقت برطانوی شاہی خاندان کی باگ دوڑ کی انہوں نے باقاعدہ طور پر سنبھال لی ہے-

کنگ چارلس جو اپنی ماں کے بہت لاڈلے بیٹے اور شہزادے تھے ان کے ملازمین ان کی کچھ شاہی عادات کے سبب ان کو پیمپرڈ پرنس کے نام سے پکارتے ہیں جن میں سے کچھ عادات کے بارے میں ہم آپ کو آج بتائیں گے-

کنگ چارلس کی شاہی عادات

کنگ چارلس کے قریبی ملازمین کا یہ کہنا ہے کہ وہ اپنا کوئی بھی کام اپنے ہاتھ سے کرنے کے عادی نہیں ہیں اور اس کے لیے کلی طور پر اپنے ملازمین پر انحصار کرتے ہیں-

1: صبح کا آغاز

صبح جاگتے ہی کنگ چارلس کو نہ صرف اپنا پاجامہ اور کپڑے استری شدہ چاہیے ہوتے ہیں بلکہ ان کی ایک خاص عادت یہ بھی ہے کہ ان کو اپنے جوتوں کے تسمے بھی استری شدہ چاہیے ہوتی ہیں جو ان کے ملازمین ان کے جاگنے سے قبل کر لیتے ہیں-

ان کے جاگنے کے بعد ان کے باتھ ٹب کا نلکا ایک خاص طریقے سے سیٹ ہونا چاہیے تاکہ ان کو اس کو چلانے میں کسی قسم کی دشواری نہ ہو اور ان کے جاگنے سے قبل ان کے باتھ ٹب میں ایک خاص درجہ حرارت پر ملازمین پانی پہلے ہی بھر دیتے ہیں جو نہ بہت زيادہ ٹھنڈا ہوتا ہے اور نہ ہی زیادہ گرم، ٹب کو آدھا پانی سے بھرا جاتا ہے-

اس کے بعد ان کے ٹوتھ برش پر ایک انچ ٹوتھ پیسٹ بھی ان کے ملازمین ہی لگا کر رکھتے ہیں تاکہ ان کو صرف دانت صاف کرنے کی زحمت کرنی پڑے-

2: کھانا

ناشتے میں کنگ چارلس گھر کی بنی ہوئی ڈبل روٹی کھاتے ہیں اس کے علاوہ ان کے ناشتے میں تازہ پھل اور پھلوں کے جوس شامل ہوتے ہیں۔ ان کو کھانے میں ایک خاص درجہ حرارت پر گرم شدہ پنیر اور بسکٹ بھی چاہیے ہوتے ہیں جس کے لیے ان کا اسٹاف ایک گرم ٹرے ہمہ وقت ان کے کھانے کے دوران حاضر رکھتا ہے تاکہ ان کا کھانا ان کے مطلوبہ درجہ حرارت پر ہی گرم رہے-

3: سفر

کنگ چارلس سفر کے لیے کہیں بھی جائيں ان کی ٹوائلٹ سیٹ ان کے ہمراہ سفر کرتی ہے اور وہ کسی بھی جگہ پر کسی اور کی ٹوائلٹ سیٹ استعمال نہیں کرتے ہیں- اس کے علاوہ وہ خاص گلینیکس ویلوٹ کے ٹوائلٹ پیپر ہی استعمال کرتے ہیں جو بہت نرم ہوتے ہیں-

سفر کے دوران کنگ چارلس کے کھانے پینے کا لنچ باکس بھی ان کے ساتھ سفر کرتا ہے جس میں ان کا مطلوبہ کھانا موجود ہوتا ہے اوروہ اس کے علاوہ باہر کا کچھ بھی نہیں کھاتے ہیں-

اس لنچ باکس میں چھ اقسام کی شہد، ڈرائی فروٹ، خاص قسم کا دلیہ ہوتا ہے اس کے علاوہ ان کی گاڑی کے ہمراہ ان کے ضرورت کے سامان سے بھری ہوئی ایک وین بھی ان کے ساتھ سفر کرتی ہے جس میں ان کا بیڈ، کپڑے یہاں تک کہ ان کا اپنا فوٹو گرافر بھی ہوتا ہے-

کنگ چارلس کے یہ تمام لوازمات ان کو ان کے ملازمین کی نظر میں حد درجہ پیمپرڈ پرنس یعنی نازک شہزادہ بناتے ہیں اب جبکہ چارلس بادشاہت کی ذمہ داری بھی سنبھال چکے ہیں تو امید ہے کہ ان کے نخرے وقت کے ساتھ کچھ اور بھی بڑھ جائيں گے-

< Previous عیدالاضحیٰ: دنیا کے مختلف ممالک میں کونسے جانور زیادہ قربان کیے جاتے ہیں؟ NEXT > کچھ تو گڑبڑ چھپی ہے، ان تصاویر میں موجود غلطیاں ڈھونڈنے والا سوپر سے بھی اوپر ذہین قرار - جوابات