کیا واقعی زرافے گونگے ہوتے ہیں٬ چند انوکھے جانوروں کی منفرد خصوصیات اور حقائق

جانوروں کی دنیا حیرت انگیز مخلوقات سے بھری ہوئی ہے۔ چاہے وہ دیوہیکل پانڈا ہو، زہریلے کاٹنے والے ممالیہ جانور ہوں یا پھر ایسے جانور جن پر ہر کسی پیار آتا ہے- ہر جانور کچھ نہ کچھ منفرد خصوصیات کا مالک ہوتا ہے- چند عجیب جانوروں کی غیر معمولی خصوصیات سے متعلق آج ہم آپ کو اپنے اس آرٹیکل میں بتائیں گے-

زرافہ

زرافے کی گردن کی مخصوص شکل کی وجہ سے اکثر افراد بات پر یقین رکھتے ہیں کہ یہ جانور آوازیں نہیں نکال سکتے۔ تاہم، ویانا یونیورسٹی کے سائنسدانوں نے دریافت کیا ہے کہ زرافے گنگنا کر بات چیت کرتے ہیں، خاص طور پر بہت کم فریکوئنسی میں آواز نکالتے ہیں جو سننا انتہائی مشکل ہوتا ہے-

کوالا

کوالا جانوروں کی خاص قسم marsupial کے خاندان سے تعلق رکھنے والا واحد ایسا جانور ہے جس کی انگلیوں کے نشانات بھی پائے جاتے ہیں، جیسے گوریلا اور چمپینزی (پریمیٹ)۔ سائنسدان اب بھی اس وجوہات تلاش کرنے کی کوشش کر رہے ہیں۔

سمندری مخلوق

Axolotls نامی یہ سمندری مخلوق پوری زندگی کبھی بالغ نہیں ہوتی جبکہ اس کی ساری زندگی پانی میں ہی گزر جاتی ہے اور یہ تمام عمر لاروا کے مرحلے پر ہی رہتی ہے- اکثر افراد اسے مچھلی سمجھتے ہیں جبکہ حقیقت یہ نہیں ہے-

مگ پائیز

پہلے یہ تصور کیا جاتا تھا کہ صرف بندر ہی بنیادی طور پر، خود کو آئینے میں پہچان سکتے ہیں۔ لیکن میگپیز ایسا پرندہ ہے جو نہ صرف خود کو پہچان سکتا ہے بلکہ وہ اپنے اور اپنے عکس میں درمیان موجود فرق کو بھی جان سکتے ہیں-

اود بلاؤ

سوتے وقت الگ ہونے سے بچنے کے لیے، ایک ہی قبیلے یا خاندان (ماں اور بچہ) سے تعلق رکھنے والی اود بلاؤ ایک دوسرے کا ہاتھ پکڑ کر سوتی ہیں۔ یہ طریقہ انہیں شکاریوں کے حملوں سے بھی بچاتا ہے۔

راج ہنس

راج ہنس اپنی غذا سے ہی اپنے سنہرے اور خوبصورت پر یا پنکھ حاصل کرتے ہیں جبکہ وہ یہ غذا انتہائی منفرد طریقے سے کھاتے ہیں- اپنی منفرد شکل والی چونچوں کی وجہ سے، راج ہنس پانی میں خوراک تلاش کرنے کے لیے اپنے سر کو الٹا کرتے ہیں۔

لیمور

لیمور جسے انگریزی زبان میں Lorises کہا جاتا ہے یہ جزیرے بورنیو سے تعلق رکھنے والا جانور ہے- یہ ایک ایسا زہر خارج کرتا ہے جو انتہائی تکلیف دہ ہوتا ہے- تاہم یہ زہر عام انسانوں کے لیے مہلک ثابت نہیں ہوتا-