کسی کے کان انوکھے تو کسی کے پاؤں٬ بلیوں کی 6 عجیب و غریب نسلیں جو آپ نے کبھی نہیں دیکھی ہوں گی

بلیوں کا شمار دلچسپ جانوروں میں ہوتا ہے جو انسانوں میں ہنسی، پیار اور خوشی لانے کا سبب بنتی ہیں۔ ایک اندازے کے مطابق دنیا بھر میں بلیوں کی تقریباً 100 اقسام پائی جاتی ہیں- لیکن حقیقت یہ ہے کہ ہم ان میں سے نصف کو بھی نہیں جانتے-

Munchkin

جینیاتی تبدیلی کی وجہ سے، منچکن کی ٹانگیں بہت چھوٹی ہیں۔ اس وجہ سے بلیوں کی اس نسل کو ریڑھ کی ہڈی کے مسائل سے بچنے کے لیے خصوصی دیکھ بھال کی ضرورت ہوتی ہے۔ بلیوں کی اس نسل کا نام منچکن قصبے کے نام پر رکھا گیا ہے۔

Devon Rex

یہ ایک چھوٹے سر لیکن چوڑے کانوں والی بلی ہوتی ہے جس کی آنکھیں گول گول اور بڑی بڑی ہوتی ہیں- بلیوں کا اس خاص قسم کا پہلا نمونہ انگلینڈ کی ایک ویران کان سے دریافت ہوا تھا جو وہاں آوارہ گھوم رہی تھی-

Savannah

یہ بلی جنگلی اور گھریلو بلی کا کراس ہے اور ہائبرڈ ہونے کی وجہ سے اس کی فطرت جنگلی ہوتی ہے- یہ ان چند بلیوں میں سے ایک ہے جو پانی سے نفرت نہیں کرتیں بلکہ کچھ زیادہ ہی اس سے لطف اندوز ہوتی ہیں- یہاں تک کہ بعض صورتوں میں غوطہ بھی لگاتی ہیں-

American Curl

اس بلی کے کان بہت عجیب انداز میں گھومے ہوئے ہوتے ہیں- بلی اس کی نسل کا پہلا نمونہ 1981 میں کیلیفورنیا میں روگاس فیملی کے گھر کی چوکھٹ پر نمودار ہوا۔ اس بلی کا رنگ سیاہ تھا اور اس نے جن بچوں کو جنم دیا ان کے کان بھی ایسے ہی گھومے ہوئے تھے-

Abyssinian

اس بلی کا تعلق ایتھوپیا سے ہے اور یہ دنیا کی قدیم ترین نسلوں میں سے ایک ہے۔ اس کی بادام کی شکل والی آنکھیں، پتلے پنجے اور چھوٹی کھال اس بلی کو بہت خوبصورت بناتی ہے، یہ کسی جنگلی جانور کی طرح دکھائی دیتی ہے۔