|
|
| |
| انسان جب گاڑی کا اسٹئیرنگ تھامتا ہے تو کچھ افراد ایسے
بھی ہوتے ہیں جو اس دوران کچھ ایسی غلطیاں کر گزرتے ہیں جو نہ صرف ان کی
جان کو خطرے میں ڈال دیتے ہیں بلکہ اس سے ان کے ساتھ بیٹھے لوگوں کی جان کو
بھی خطرہ ہو سکتا ہے- |
| |
| گاڑی چلاتے ہوئے کچھ
احتیاطیں |
| آج ہم آپ کو کچھ ایسی خاص باتیں بتائيں گے
جو کہ بظاہر دیکھنے میں تو بہت بے ضرر لگتی ہیں مگر ان کو کرنے سے ایسے
نقصان کا بھی سامنا کرنا پڑ سکتا ہے جو نا قابل تلافی ہو سکتے ہیں- |
| |
| ہینڈ فری لگا کرگاڑی
چلانا |
|
اکثر افراد آج کل گاڑی چلاتے ہوئے کانوں پر ہینڈ فری لگا کر اس میں گانے
لگا لیتے ہیں لیکن یاد رہے یہ عمل اس حوالے سے بہت خطرناک ثابت ہو سکتا ہے
کیوں کہ اس سے انسان گاڑی سے باہر کے ماحول سے کٹ جاتا ہے- ہینڈ فری لگانے
سے اس کو ارد گرد کی گاڑيوں کی آواز یا ہارن کی آواز سنائی نہیں دیتی ہے جس
سے حادثے کے امکانات میں اضافہ ہو سکتا ہے- |
|
|
|
|
| |
| تھکاوٹ کی حالت میں گاڑی
چلانا |
| عام طور پر لانگ روٹ میں چلنے والی گاڑيوں کے ہونے والے
حادثات کا سب سے بڑا سبب ڈرائيور کا بہت زيادہ تھکا ہونا بھی ہوتا ہے۔ کیوں
کہ گاڑی چلانے کے لیے انسان کے تمام حسی اعضا کا چاک و چوبند ہونا ضروری
ہے- اگر تھکاوٹ کے ساتھ گاڑی چلائی جائے تو اس سے انسان کی قوت فیصلہ بھی
کمزور ہو سکتی ہے لہٰذا اس بات کا امکان ہو سکتا ہےکہ کوئی حادثہ نہ ہو
جائے- |
| |
| سیٹ بیلٹ لگانا |
| گاڑی چلاتے ہوئے سیٹ بیلٹ باندھنا ضروری قرار دیا جاتا
ہے مگر اکثر افراد اس کو غیر ضروری قرار دے کر سیٹ بیلٹ لگا کر گاڑی چلانا
مزاق سمجھتے ہیں۔ مگر آٹو انڈسٹری کے ماہرین کا یہ ماننا ہے کہ سیٹ بیلٹ
لگا کر گاڑی چلانا اس حوالے سے بہت ضروری ہوتا ہے کہ خدانخواستہ کسی بھی
حادثے کی صورت میں گاڑی میں بیٹھے افراد سیٹ بیلٹ کی وجہ سے بڑے نقصان سے
محفوظ رہ سکتے ہیں- |
| |
| گاڑی چلاتے
ہوئے دھیان ادھر ادھر رکھنا |
| کچھ افراد گاڑی چلاتے ہوئے موبائل پر میسج کرتے
نظر آتے ہیں یا پھر اپنی مرضی کے گانے لگاتے نظر آتے ہیں کچھ افراد گاڑی
چلاتے ہوئے ساتھ بیٹھے افراد سے نہ صرف گفتگو میں مشغول ہو جاتے ہیں یا پھر
ایک ہاتھ سے کچھ کھانے پینے بھی لگتے ہیں تو یہ سارے کام ان کے دھیان کو
گاڑی چلانے سے ہٹا دیتے ہیں جو کہ حادثے کا سبب بن سکتے ہیں- |
|
|
|
|
| |
| گاڑی میں خرابی
کے باوجود اسے چلانا |
ایسا عام طور پر اکثر ہم نے اپنے
ارد گرد کے افراد میں دیکھا ہو گا کہ گاڑی کی چھوٹی موٹی خرابیوں کو
نظرانداز کر کے گاڑی کو اس وقت تک چلاتے ہیں جب تک کہ وہ کسی نہ کسی صورت
چلتی رہتی ہے
مگر گاڑی کو اس طرح سے چلانا بعض اوقات شدید خطرات کا بھی سبب بن سکتا ہے
جیسے کہ کمزور ٹائر کے ساتھ گاڑی چلانے کی صورت میں گاڑی کا ٹائر اچانک پھٹ
سکتا ہے اور حادثہ ہو سکتا ہے لہٰذا گاڑی چلانے سے قبل گاڑی کو چیک کر لینا
ضروری ہوتا ہے- |
| |
| یہ کچھ ایسے اہم نکات ہیں جن کا خیال رکھ کر
انسان نہ صرف گاڑی کو حادثے سے بچا سکتا ہے بلکہ اپنی اور دوسروں کی جانوں
کو بھی محفوظ رکھ سکتا ہے- |