|
|
| |
| آج کل ہر انسان کسی نہ کسی پریشانی کا شکار ہے جس کے لیے
ہر فرد اپنے انداز میں اپنی اس کیفیت سے نکلنے کی کوشش کرتا ہے کوئی لمبی
واک کرتا ہے تو کوئی موسیقی سنتا ہے کچھ افراد تو اس عالم میں ماہرین
نفسیات سے بھی رجوع کرنے پر مجبور ہو جاتے ہیں- |
| |
| جس طرح دنیا بھر میں ڈيمانڈ اور سپلائی کا اصول ہوتا ہے
تو لوگوں کو آج کل کے دور میں پریشانی سے بچانے اور ڈپریشن سے نکالنے کا
کام بھی ایک منافع بخش صنعت کی حیثیت اختیار کرتا جا رہا ہے جس کے لیے لوگ
نت نئے طریقے اختیار کرکے لوگوں کو ڈپریشن سے نکال رہے ہیں- کوئی یوگا
کرواتا ہے تو کوئی مختلف نفسیاتی سیشن کرتے ہیں مگر آج ہم آپ کو ایک انوکھی
کمپنی کے بارے میں بتائيں گے جو ایک عجیب انداز میں لوگوں کو ذہنی دباؤ سے
نکالتی ہے- |
| |
| لوگوں کو پریشانی سے
نجات دلوانے والی کمپنی |
| حال ہی میں روس کی پریکارٹڈ نامی کمپنی کا سوشل میڈیا پر
بہت شہرہ سننے میں آرہا ہے اس کمپنی کا دعویٰ ہے کہ آج کل کے دور میں لوگوں
کو پریشانی اور ذہنی دباؤ سے نجات دلانے کا علاج ان کے پاس موجود ہے- |
|
|
|
|
| |
| یہ کمپنی 47 لاکھ بھارتی روپے کی خطیر رقم جو پاکستانی
کرنسی میں 1 کروڑ 26 لاکھ سے زائد کی رقم بنتی ہے کے عوض لوگوں کو اپنی
خدمات فراہم کرتی ہے جس کے لیے یہ ایک انوکھا طریقہ استعمال کرتی ہے۔ اپنی
انسٹا گرام پوسٹ کے ذریعے اس کمپنی کی مالک کا کہنا ہے کہ جو افراد علاج کے
لیے ان کے پاس آتے ہیں ان لوگوں کو علاج کے غرض سے وہ باقاعدہ زمین میں ایک
قبر بنا کر اور اس شخص کو ایک تابوت میں 20 منٹ سے لے کر 60 منٹ تک دفن کر
دیا جاتا ہے- |
| |
| کمپنی کی مالکہ کا کہنا ہے کہ یہ طریقہ مکمل محفوظ ہے
اور اس وقت کے دوران تابوت میں دفن شخص کو خاص موسیقی سنائی جاتی ہے اور
قبر میں شمعیں بھی جلائی جاتی ہیں - |
| |
| ذہنی دباؤ اور پریشانی
سے نجات کا دعویٰ |
| اس کمپنی کی مالکہ کا یہ کہنا ہے کہ قبر میں
داخل ہونے والا شخص اپنی وصیت کر کے قبر میں جاتا ہے اور اس دوران درحقیقت
اس بیمار شخص کے اندر کے خوف ختم ہو جاتے ہیں اور وہ مٹی تلے قبر میں یہ
وقت صرف اپنے ساتھ گزارتا ہے جس سے اس کو دنیا کے مسائل کا مقابلہ کرنے کی
طاقت حاصل ہوتی ہے اور وہ ایک بدلا ہوا انسان بن کر قبر سے نکلتا ہے - |
|
|
|
|
| |
| آن لائن
سہولیات بھی میسر |
| پریکارٹڈ نامی کمپنی کی مالکہ کا یہ بھی کہنا
ہے کہ جو افراد آن لائن علاج کی سہولت حاصل کرنا چاہیں ان کو وہ 12 لاکھ
بھارتی روپے کے عوض آن لائن علاج تجویز کرتی ہیں جس میں قبر میں دفن تو
نہیں کیا جاتا تاہم مریض کا موسیقی اور روشنیوں سے علاج کیا جاتا ہے- |
| |
| آخر میں یہ ہی کہہ سکتے ہیں کہ یہ انوکھا طریقہ
علاج اس نظریہ کے تحت کام کرتا ہے کہ موت ایک حقیقت ہے اور جس انسان کو موت
کا یقین ہو اس کا دنیا کی چیزوں کو کھو دینے کا ڈر نکل جاتا ہے اور وہ
بہادر ہو کر بڑی سے بڑی مشکل کا مقابلہ کرنے کے لیۓ تیار ہو جاتا ہے - |