آکسیجن ماسک صرف 12 منٹ تک ہی کام کرتا ہے اور۔۔ 7 ایسے راز جن پر سے جہاز کا عملہ کبھی بھی پردہ نہیں اٹھاتا

چاہے آپ جہازوں کے ذریعے بہت زیادہ سفر کرتے ہوں لیکن پھر اس ائیر لائن انڈسٹری سے متعلق آپ سب کچھ جاننے کا دعویٰ نہیں کرسکتے- عوام کچھ ایسی چیزوں کو نہیں جانتے جو ایئر لائن کی دنیا میں پردے میں رکھی جاتی ہیں۔ کیونکہ اگر ان باتوں سے پردہ اٹھا دیا جائے تو ائیر لائن کا سفر قدرے مختلف ہوگا-

ایمرجنسی آکسیجن ماسک

ہوائی جہاز میں ایمرجنسی آکسیجن جو مسافر کی نشست پر ہی موجود ہوتا ہے وہ صرف مسافر کو 12 سے 15 منٹ تک ہی آکسیجن فراہم کرسکتا ہے- لیکن گھبرانے کی ضرورت نہیں ہے کہ آکسیجن ختم ہونے سے قبل ہی پائلٹ جہاز کو ایسی محفوظ اونچائی تک لانے میں کامیاب ہوجاتا ہے جہاں پر قدرتی آکسیجن کی فراہمی آسان ہوجاتی ہے-

پائلٹ سوتے بھی ہیں

واقعی یہ سننے میں عجیب لگتا ہے لیکن یہ بات حقیقت ہے کہ پائلٹ دورانِ پرواز اپنی نیند بھی پوری کرتے ہیں- ایسا وہ طویل وقت تک اڑنے والے پروازوں کے دوران کرتے ہیں- اس کے لیے وہ آٹو پائلٹ کے سسٹم کا استعمال کرتے ہیں-

ایک ساتھ کھانا کھانے کی اجازت نہیں

یہ تو سب ہی جانتے ہیں کہ ایک جہاز میں کم سے کم دو پائلٹ ضرور موجود ہوتے ہیں لیکن ان سے متعلق ایک دلچسپ قانون کے بارے میں آپ نہیں جانتے ہوں گے- جی ہاں کچھ ائیر لائنز ایک ساتھ جہاز اڑانے والے دو پائلٹوں اکھٹے کھانا کھانے کی اجازت نہیں دیتیں- ان دونوں کے لیے ضروری ہوتا ہے کہ وہ الگ الگ ریسٹورنٹس میں کھانا کھائیں- یہ اس لیے ہوتا ہے کہ اگر ایک پائلٹ کھانے کی وجہ سے بیمار ہوتا ہے تو دوسرا ہرگز نہ ہو-

موت کی تصدیق

اگرچہ پرواز کے عملے کو بنیادی ابتدائی طبی امداد کی تربیت دی جاتی ہے، یہاں تک کہ یہ مریض کی طبعیت بحال تک کرنے کی بھی صلاحیت رکھتے ہیں لیکن زیادہ تر پروازوں میں عملے کا کوئی بھی ایسا رکن موجود نہیں ہوتا جو کسی شخص کی موت کی تصدیق کر سکے۔

دونوں انجن فیل

ہنگامی صورت حال میں، پائلٹ کبھی بھی اعلان نہیں کرتا کہ جہاز کے دونوں انجن کام کرنے میں ناکام ہو چکے ہیں۔ افراتفری کو روکنے اور صورتحال کو مزید بگاڑنے سے بچنے کے لیے ہمیشہ اس بات کا ذکر کرے گا کہ ایک انجن نے کام کرنا چھوڑ دیا ہے۔

باتھ روم کا لاک

آپ کو یہ جان کر حیرت ہوگی کہ جہاز میں موجود باتھ روم کے دروازے کا لاک باہر سے بھی کھولا جاسکتا ہے- یہ حفاظتی نقطہ نظر کے تحت ہوتا ہے- ایک خفیہ میکینیزم دروازے پر درج پیغام “ سگریٹ نوشی منع ہے“ کے نیچے چھپا ہوتا ہے جس کی مدد سے لاک کھولا جاتا ہے-

روشنیاں مدھم

جہاز کا عملہ رات کے وقت اندرونی لائٹس کو مدھم کر دیتا ہے تاکہ مسافروں کی آنکھیں پہلے ہی اندھیرے میں ایڈجسٹ ہو جائیں، یہ ٹیک آف یا لینڈنگ کے دوران کچھ غلط ہو جانے کے حوالے سے ایک حفاظتی اقدام ہوتا ہے۔