|
|
اگر کبھی آپ کا جانا آسٹریلیا ہو اور وہاں آپ کو کوئی
ایسا آسٹریلین ملے جو دیکھنے میں گوری رنگت اور سنہرے بالوں کے سبب ہو بہو
آسٹریلین نظر آئے مگر جب آپ اس سے اس کا نام دریافت کریں تو وہ اپنے
انگریزی نام کے ساتھ بلوچ لگائے تو یقیناً آپ کو ایسا ہی محسوس ہوگا جیسے
آپ کو سننے میں غلطی ہوئی ہے آسٹریلیا جیسے ملک میں کسی بلوچ کا کیا کام- |
|
لیکن یہ ایک حقیقت ہے کہ آسٹریلوی قوم اپنی
ترقی اور کامیابی کے لیے ایک صوبہ بلوچستان سے تعلق رکھنے والے بلوچ کے
شکرگزار ہیں اور اسی شکرگزاری کے سبب انہوں نے اس کی تصویر اپنے قومی
میوزیم میں بھی لگا رکھی ہے- |
|
بیجہ درویش جاکھرانی بلوچ |
ہندوستان پر قبضے کے بعد انگریزوں کی اگلی منزل آسٹریلیا تھی لیکن کئی
کوششوں کے باوجود آسٹریلیا کے مغرب میں موجود صحراؤں کو عبور کرنے میں بار
بار ناکام رہے- جس کے بعد انگریزوں نے فیصلہ کیا کہ آسٹریلیا کے صحراؤں کو
دریافت کرنے کے لیے انہوں نے ہندوستان سے کچھ شتربان لوگوں کو ان کے اونٹوں
سمیت لے جانے کا فیصلہ کیا تاکہ وہ آسٹریلیا پر قبضہ کر سکیں- |
|
لہٰذا انہوں نے 1890 میں بلوچستان سے تعلق رکھنے والے بیجہ درویش جاکھرانی
بلوچ کی سربراہی میں 50 اونٹوں کے ساتھ ایک قافلہ تیار کیا جو کہ بحری
جہازوں کے ذریعے آسٹریلیا پہنچے- |
|
|
|
بیجہ درویش جاکھرانی
بلوچ کا آسٹریلیا میں کردار |
یہ وہ وقت تھا جب کہ آسٹریلیا آج کے دور کی طرح ترقی
یافتہ نہ تھا۔ یہاں تک کہ ان کا ذرائع آمدورفت کا نظام اتنا خراب تھا کہ
مغربی آسٹریلیا کے صحراؤں کو عبور کرنے کے لیے نہ تو سڑکیں تھیں اور نہ ہی
کوئی راستے تعمیر شدہ تھے- |
|
ان صحراؤں میں زہریلے سانپ اور ایسے زہریلے
پودے ہوتے تھے جو کہ مسافروں کی جان ہی لے لیتے تھے اس موقع پر بیجہ درویش
کی خدمات آسٹریلیا کی اس وقت کی حکومت کے لیے بہت اہم تھیں کیوں کہ انہوں
نے اپنے اونٹوں کی مدد سے نہ صرف آسٹریلیا کے مختلف علاقوں کو ایک دوسرے سے
جوڑ دیا بلکہ وہاں پر تجارت کے راستے بھی کھول دیے- |
|
بیجہ درویش کی آسٹریلیا
میں رہائش |
اس وقت بیجہ کے ساتھ آنے والے کچھ لوگ تو آسٹریلیا میں
ہی سیٹل ہو گئے جب کہ کچھ لوگ واپس ہندوستان آکر آباد ہوگئے جبکہ بیجہ
درویش کے حوالے سے کہا جاتا ہے کہ انہوں نے پہلی شادی ایک خانہ بدوش عورت
سے کی- جس سے اس کا ایک بیٹا بھی ہوا اور دوسری شادی انہوں نے آٹھ بچوں کی
ماں ایک بیوہ آسٹریلین عورت سے کی اور آسٹریلیا میں ہی رہائش اختیار کر لی
اور اپنے لائے اونٹوں کی افزائش نسل شروع کر دی- اس دوران 1954 میں انہوں
نے ایک فلم میں بھی اداکاری کی اور فیل بان کا کردار ادا کیا- |
|
|
|
کام کاج سے
ریٹائرمنٹ |
77 سال کی عمر تک آسٹریلیا جیسے ملک میں
کامیابی سے کاروبار کرنے کے بعد بیجہ نے ریٹائرمنٹ اختیار کر لی اور 1957
میں اچانک دل کا دورہ پڑنے سے انتقال فرما گئے ان کو وہیں آسٹریلیا میں ایک
قبرستان میں دفن کیا گیا- |