چار ٹانگوں والی بچی کی پیدائش، بچے اضافی اعضاﺀ کے ساتھ کب اور کیوں پیدا ہوتے ہیں؟

ہم اکثر ایسے بچوں کی پیدائش سے متعلق حیران کن خبریں سنتے رہتے ہیں جن کے جسم کے ساتھ اضافی اعضاﺀ لگے ہوتے ہیں- جیسے کہ کسی بچے کے دو سر ہوتے ہیں یا پھر تین ہاتھ یا پھر دو تین یا چار ٹانگیں وغیرہ- ایسا ہی ایک واقعہ حال میں بھارت میں بھی سامنے آیا ہے-

گزشتہ دنوں انڈیا میں ایک ایسی بچی کی پیدائش ہوئی جس کی چار ٹانگیں ہیں-

بھارتی ریاست مدھیہ پردیش کے ضلع گوالیار میں آرتی کمپو نامی خاتون نے ایک بچی کو جنم دیا جس کی دو کے بجائے 4 ٹانگیں ہیں۔ تاہم ڈاکٹروں نے خاتون اور بچی دونوں کو ہی صحت مند قرار دیا ہے جبکہ ڈاکٹروں کے مطابق بچی کا پیدائش کے وقت اس کا وزن 2.3 کلو گرام تھا۔

اسپتال کے سپرینٹنڈنٹ ڈاکٹر آر کے ایس دھکد کا کہنا ہے کہ دونوں اضافی ٹانگیں غیر فعال ہیں۔ بچی کا طبی معائنہ کیا جارہا ہے، اگر بچی میں کوئی اور بیماری نہ ہوئی اور بچی صحتمند ہوئی تو اس کی اضافی دو ٹانگیں آپریشن کے ذریعے ہٹا دی جائیں گی۔

اضافی اعضاﺀ ہوتے کیوں ہیں؟

اب سوال یہ اٹھتا ہے کہ اضافی اعضاﺀ کے ساتھ بچوں کی پیدائش کے واقعات جنم کیوں لیتے ہیں- اگر ہم آپ پہلے صرف اسی بچی کے اضافی اعضاﺀ کی وجہ کے بارے میں بات کریں تو ڈاکٹر کے مطابق اسے جسمانی بیماری اسچیو پاگس ہے جس سے اس کے جسم میں پیدائش کے وقت دو اضافی ٹانگیں بھی جڑ گئیں-

ماہرین کے مطابق یہ ایک پیدائشی عارضہ ہوتا ہے جس میں بچے کے اضافی اعضاﺀ بننا شروع ہوجاتے ہیں اور یہ اعضاﺀ صرف بیرونی ہی نہیں بلکہ بعض جسم کے اندر بھی بن جاتے ہیں- اضافی اعضاﺀ اس وقت بنتے ہیں جب وہ ایک ایسے عمل سے گزرتے ہیں جو حقیقیت میں جڑواں بچوں کے بننے کا عمل ہوتا ہے- لیکن بدقسمتی سے یہ اعضاﺀ بچے کے جسم سے الگ نہیں ہو پاتے-

اس کی ایک وجہ جینیاتی لائن میں مسلسل افزائش نسل کے بار بار ہونے کی علامت بھی ہوسکتی ہے- اس علاوہ ڈاکٹر بچوں میں پیدائش نقائص ایک وجہ ماؤں میں خوراک کی کمی یا پھر مختلف قسم کی وٹامن کی کمی کو بھی قرار دیتے ہیں-

< Previous خالی گھر چوروں کے لیے خزانہ... 5 کام جو آپ کے خالی گھر کو چوروں سے محفوظ رکھ سکتے ہیں NEXT > کینو، فروٹر اور مالٹا کے درمیان موجود پہچان کا ایسا فرق جو آپ کو دھوکے سے بچائے گا