|
|
| |
| آسمان سے بارش میں پانی برستے ہوئے تو سبھی نے دیکھا
ہوگا اور کبھی اولوں کی صورت میں آسمان سے برف کا برسنا بھی کوئی انہونی
بات نہیں ہے- لیکن اگر آسمان سے سرخ رنگ کے خون کی برسات شروع ہو جائے اور
اس سے اردگرد ہر طرف خوں رنگ سیلاب آجائے تو اس سے نہ صرف دیکھنے والے
خوفزدہ ہو جاتے ہیں بلکہ اللہ سے گناہوں کی معافی مانگتے ہوئے اس بارش کو
آسمان سے اترنے والا عذاب سمجھ بیٹھتے ہیں- |
| |
| ایک ایسا
علاقہ جہاں تین بار خون کی بارش ہوئی |
| بھارت کا علاقہ اس حوالے سے ایک انفرادیت کا
حامل ہے کہ اس جگہ پر زندگی میں تین بار شدید ترین خونی بارش ہو چکی ہے- یہ
بارش پہلی بار 1896 میں ہوئی اس کے بعد دوسری بار 2001 میں ہوئی اور تیسری
بار 2012 میں یہ بارش دیکھنے میں آئی- |
|
|
|
اس بارش میں آسمان سے سرخ رنگ کا پانی برستا ہے جس کے بارے میں کوئی بھی یہ
بتانے سے قاصر ہے کہ اس بارش کی حقیقی وجہ کیا ہے؟ |
|
|
|
اس بارش کے نتیجے میں درختوں پر بھورے رنگ کی تہہ سی جم جاتی ہے اور جس
زمین پر یہ بارش برستی ہے وہ بنجر ہو جاتی ہے- |
|
|
|
|
| |
| بارش کے برسنے کے مختلف
نظریات |
| اس بارش کے ہونے کا حقیقی سبب اگرچہ کوئی بھی بتانے سے
قاصر ہے مگر اس کے باوجود اس علاقے کے کوچن یونیورسٹی آف سائنس اینڈ
ٹیکنالوجی کے سائنسدانوں نے اس حوالے سے مختلف نظریات پیش کیے جو کچھ اس
طرح سے ہیں- |
| |
| آسمان سے گرنے والے شہاب
ثاقب کے سبب |
| سائنسدانوں کا یہ ماننا ہے کہ آسمان سے
ٹوٹنے والے تارے جن کو شہاب ثاقب بھی کہتے ہیں جب زمین کے مدار میں سے
گزرتے ہیں تو فضا کی ہوا کو آلودہ کرنے کا سبب بنتے ہیں جس کی وجہ سے آسمان
سے خوں رنگ بارش ہوتی ہے۔ اس نظریہ کے حوالے سے سوال یہ ہوتا ہے کہ اگر
ایسا ہوتا ہے تو یہ واقعہ صرف کیرالہ میں ہی کیوں ہوتا ہے؟ |
| |
| پودوں کے
اسپورز کی وجہ سے |
| ان سائنسدانوں نے جو دوسرا نظریہ پیش کیا وہ
یہ تھا کہ اس علاقے میں اگنے والے مختلف الجی پودوں کے اسپورز ایک خاص موسم
میں اتنی بڑی مقدار میں پیدا ہوتے ہیں جو کہ بارش کے پانی میں شامل ہو کر
اس کے رنگ کو سرخ کر دیتے ہیں جس کی وجہ سے ایسی بارش ہوتی ہے- مگر سوال یہ
ہے کہ اسپورز تو ہر سال پیدا ہوتے ہیں تو ایسی بارش بھی ہر سال ہونی چاہیے
مگر حقیقت اس سے قطعی مختلف ہے- |
| |
|
|
| |
| یہ کسی دوسرے
سیارے کی مخلوق کی وجہ سے ہے |
| تیسرا نظریہ جو ان سائنسدانوں نے پیش کیا اس کی
حقیقت تو کسی بھی حوالے سے قابل قبول نہیں ہے وہ اس طرح سے ہے کہ یہ اسپورز
جو اس بارش میں شامل ہوتے ہیں وہ کسی دوسرے سیارے کا خون ہوتا ہے جو کسی
وجہ سے بارش میں شامل ہوجاتا ہے اور اس کو سرخ کرنے کا سبب بنتا ہے- |
| |
| تاہم ان تمام نظریات کے جواب میں وہاں کے
رہائشی افراد کا یہ کہنا ہے کہ خون والی بارش کی وجہ کوئی سائنسی نہیں ہے
بلکہ اس کا تعلق ایسے حالات سے ہے جس کے بارے میں عقلی طور پر ثابت نہیں
کیا جا سکتا ہے- |