|
|
| |
| زندگی اور موت اللہ کے ہاتھ میں ہے جو رات قبر میں آنی
ہے اس سے باہر ایک سانس لینا بھی ممکن نہیں ہے۔ انسان کی زندگی کا یہ وہ
معاملہ ہے جو اللہ تعالیٰ نے اپنے ہاتھ میں رکھا ہے اور اس میں تبدیلی کا
اختیار انسان کے پاس نہیں ہے مگر ہر انسان کی یہ خواہش ہوتی ہے کہ اللہ کسی
حادثے سے اس کو محفوظ رکھیں اور یہی ہر انسان کی دعا بھی ہوتی ہے- |
| |
| حادثے کے وقت اوسان خطا ہو جانا |
| مگر عام حالات میں یہی دیکھا گیا ہے کہ اگر
انسان کسی اتفاقی حادثے یا ایکسیڈنٹ کا سامنا کرتا ہے تو اس کے نتیجے میں
اس کے اوسان خطا ہو جاتے ہیں اور وہ اس وقت میں اللہ سے مدد مانگنے کے
بجائے چیخنا چلانا شروع کر دیتا ہے۔ |
|
|
اس وقت میں وہ یہ بھول جاتا ہے کہ اگر اس کا نقصان ہوا ہے تو اس نقصان کے
باوجود بہت سارے حوالوں سے اللہ نے اس پر کرم بھی کیا ہے اور اس آزمائش میں
بھی اللہ کی کوئی نہ کوئی حکمت ہوگی
ترکی کا ایک ایسا انسان جس نے مثال قائم کی- |
|
|
|
|
| |
| مگر حالیہ دنوں میں سوشل میڈيا پر ایک انسان کے ردعمل کے
بہت چرچے ہو رہے ہیں تفصیلات کے مطابق ترکی کے علاقے عیدن میں ایک شخص کی
گاڑی کو حادثہ پیش آیا جس کے نتیجے میں اس کی مہنگی ترین گاڑی بری طرح
متاثر ہوئی اور تباہ ہو گئی- |
| |
| اس وقت میں جب ریسکیو والوں نے موقع پر پہنچ کر اس شخص
کو اس گاڑی میں سے نکالا اور اس کی جان بچائی تو اس موقع پر اس شخص نے فوری
طور پر جو سب سے پہلا کام کیا اس کام نے اسے سوشل میڈيا پر ہیرو بنا دیا- |
| |
| اس شخص کا نام تو ظاہر نہیں ہوا مگر اس
حادثے میں بتایا جا رہا ہے کہ سات سے آٹھ افراد موت کے منہ سے بال بال بچے
اور جب اس شخص کو گاڑی سے نکالا گیا تو اس نے سب سے پہلے تباہ حال گاڑی میں
سے جائے نماز نکالی اور جائے نماز بچھا کر اسی گاڑی کے قریب کھڑے ہو کر سب
سے پہلے شکرانے کے نفل ادا کیے کہ اللہ تعالیٰ نے اسے اس خطرناک حادثے سے
محفوظ رکھا اور اس کی جان بچا لی اس کے بعد اس نے باقی کوئی کام کیا- |
| |
|
|
| |
| بے شک اللہ شکر
ادا کرنے والے کو پسند کرتا ہے |
| یہ بات تو قرآن و حدیث سے بھی ثابت ہے کہ جو
شخص اللہ کا ہر حال میں شکر ادا کرتا ہے اللہ اس سے نہ صرف راضی ہوجاتا ہے
بلکہ دین اور دنیا دونوں کے خزانے ایسے انسان کے لیے کھول دیتا ہے تاکہ وہ
اس کی نعمتوں سے مزید مستفید ہو اور مزید شکر ادا کر سکے- |