نہ بھاری لہنگے نہ تلے والی شیروانی - شادی ایسی بھی ہوتی ہے، فوج سے جڑے جوڑوں کی یادگار شادیاں

عام طور پر شادی کا خیال آتے ہی زرق برق لباس اور خوب دھوم دھام ذہن میں آنے لگتی ہے جس میں دلہن نے سرخ رنگ کا عروسی لباس پہنا ہوگا اور اس کا دولہا خوابوں کے شہزادے کی طرح سنہری اچکن اور سر پر کلاہ پہنے ڈھول باجوں کے ساتھ بارات لے کر آئے گا-

کچھ انوکھی شادیاں جو یادگار بن گئيں

انسان کا تعلق کسی بھی پیشے سے ہو شادی کے دن کو وہ روایتی انداز میں ہی منانا پسند کرتا ہے مگر روایت سے ہٹ کر اگر آپ کا تعلق فوج سے ہو اور آپ اپنے اس پیشے کو شادی کے دن بھی نہ بھولیں اور عروسی لباس کے بجائے شادی کے موقع پر اپنی وردی پہننے کو ترجیح دیں تو یہ شادی نہ صرف یادگار ہو جائے گی بلکہ یہ جوڑے بھی دوسروں کے لیے ایک مثال بن جائيں گے- ایسے ہی پاک آرمی سے جڑے کچھ جوڑوں کے بارے میں ہم آپ کو بتائيں گے جن میں دولہا اور دلہن دونوں کا تعلق ایک ہی شعبے سے ہے اور انہوں نے اپنی شادی کے موقع پر عام روائتی ملبوسات زیب تن کرنے کے بجائے اپنے یونیفارم کو ترجیح دی-

آرمی جوڑا جو ایک مثال بنا گیا

یہ جوڑا کیپٹن ثنا ناصری اور میجر حارث کا تھا جن کی شادی سال 2015 میں ہوئی اور انہوں نے اپنی شادی کے موقع پر اپنا یونیفارم پہنا ان کی تصویر دیکھ کر بے ساختہ دیکھنے والے ماشا اللہ کہنے پر مجبور ہو گئے- ان کا یہ منفرد انداز صرف ان کی شادی تک ہی نہ رہا بلکہ جب اللہ نے اس خوبصورت جوڑے کو ایک پیرے سے بیٹے سے نوازہ تب بھی انہوں نے نہ صرف خود یونیفارم میں تصویر بنوائی بلکہ اپنے بیٹے کو بھی آنے والے وقت کے لیے تیار کرنے کا اشارہ دیا- پاک آرمی کا یہ ننھا کمانڈو بھی آنے والے وقت میں اپنے ماں باپ کی طرح ایک نہ ایک دن ایسے ہی یونیفارم میں ملک کے تحفظ کا حلف اٹھائے گا-

میجر عقبہ ملک اور عائشہ خان

یادگار شادیوں میں سے ایک شادی میجر عقبہ ملک اور عائشہ خان کی بھی تھی جو کہ سال 2018 میں انجام پائی- میجر عقبہ کا شمار پاکستان نے واحد آرمی آفیسر کے طور پر ہوتا ہے جن کا انتخاب رائل ملٹری اکیڈمی سینڈہرسٹ میں بطور پلاٹون کمانڈر کے طور پر کیا گیا- اپنی شادی کے موقع پر ایک جانب تو عائشہ خان پری سے کم نہیں لگ رہی تھیں تو دوسری طرف میجر عقبہ بھی اپنے یونیفارم میں شہزادے لگ رہے تھے-

اس جوڑے کے علاوہ بھی کچھ اور آرمی کے جوان ہیں جن کی بیویاں اگرچہ سویلین ہیں مگر وہ جب دولہا بنے تو اپنے یونیفارم میں وہ شہزادے سے کم نہیں لگ رہے تھے-

پاک فضائیہ کا جوان اپنی شادی کے موقع پر

ائیر فورس کا ایک اور جوان اپنی زندگی شروع کرتے ہوئے

پاکستان نیوی کا یونیفارم بھی شاندار ہے

پاکستان آرمی کے جوان دنیا کے بہترین ترین فوج کی نمائندگی کرنے والے

جب دولہا دلہن ایک ہی جیسے یونیفارم میں ہوں

پاکستان آرمی کا یہ جوڑے ایک مثال ہیں اور اس بات کا ثبوت ہیں کہ ہماری فوج کے جوان ملک کی حفاظت کے اس سفر میں تنہا نہیں ہیں بلکہ ان کا پورا خاندان ان کے شانہ بشانہ موجود ہے-

< Previous پاکستانی والدین کے بچوں کو ڈرانے کے چند دلچسپ انداز NEXT > سینے سے گرینیڈ نکالنے کا مشکل ترین آپریشن جسے خوشی کا جھٹکا قرار دیا گیا