|
|
| |
| سردی کے موسم میں گرم پانی کا حصول ایک نعمت سے کم نہیں
ہوتا ہے فجر کے وقت اٹھ کر نلکا کھولیں اور اس میں سے آنے والا ٹھنڈا برف
پانی روح تک کو جما دیتا ہے اور آج کل کے دور میں گیس کی کمی کے سبب اور اس
کے بند ہونے کے سبب گیزر بھی کام نہیں کرتا ہے- ایسے وقت میں اگر بغیر گیزر
لگائے نلکے سے گرم پانی آئے تو بندہ سجدہ شکر میں ہی گر جاتا ہے- |
| |
| بغیر گیزر
پانی کو گرم رکھنے والا ٹینک |
| پاکستان کے نوجوانوں کی صلاحیتوں سے انکار
نہیں کیا جا سکتا ہے مگر مسئلہ یہ ہے کہ درست سر پرستی نہ ملنے کے سبب
ہمارے نوجوانوں کا ٹیلنٹ منفی رخ کی جانب مڑ جاتا ہے۔ |
| |
| آج ہم آپ کو پاکستان کے ایسے ہی باصلاحیت
نوجوان سے ملا رہے ہیں جن کا تعلق لاہور سے ہے اور انہوں نے اسمارٹ شیلڈ
والے ایسے واٹر ٹینک بنائے ہیں جو کہ سردی میں پانی گرم اور گرمی میں پانی
کو گرم رکھنے کی صلاحیت رکھتے ہیں- |
|
|
|
|
| |
| اسمارٹ شیلڈ واٹر ٹینک |
| اس واٹر ٹینک کی خصوصیت یہ ہوتی ہے کہ عام پلاسٹک کے
واٹر ٹینک کے اوپر ایک خاص شیلڈ چڑھا دی جاتی ہے یہ شیلڈ انسولیٹر مٹیریل
پر مشتمل ہوتی ہے جو کہ گرمی اور سردی کو ٹینک سے باہر نہیں جانے دیتے ہیں- |
| |
| اس کی وجہ سے گرمی کے موسم میں یہ پانی کو ٹھنڈا رکھتا
ہے جب کہ سردی کے موسم میں یہ پانی کو گرم رکھتا ہے اس ٹینک میں اگر ایک
بار گیزر سے پانی کو گرم کر کے بھر دیا جائے تو یہ چار دن تک اس کے درجہ
حرارت کو برقرار رکھتا ہے- |
| |
| جس کی وجہ سے گیس کے استعمال کی شرح میں بھی کافی کمی
ہوتی ہے جب کہ اس کے ساتھ ساتھ اس شیلڈ کی وجہ سے پلاسٹک کے اس ٹینک کی
زندگی میں بھی دگنا اضافہ ہوتا ہے اور اس کی زندگی بڑھ جاتی ہے- |
| |
| اس ٹینک کے اندر واٹر پروف فائبر سے پلاسٹک کے ٹینک کو
پوری طرح کور کر دیا جاتا ہے اور اس کے بعد اس کے اوپر المونیم لپیٹ دیا
جاتا ہے جس کی وجہ سے ٹینک کے اندر موجود درجہ حرارت ایک طویل وقت تک
برقرار رہتا ہے- |
| |
|
|
| |
| اس ٹینک میں کوئي بہت ہائی فائی
ٹیکنالوجی کا استعمال نہیں کیا جاتا ہے اس وجہ سے اس کی فٹنگ بھی عام واٹر
ٹینک ہی کی طرح ہوتی ہے اس کے ساتھ ساتھ اس کی قیمت بھی عام ٹینک کے مقابلے
میں بہت زيادہ نہیں ہے جبکہ اس کے ذریعے 30 فی صد تک توانائی کی بھی بچت کی
جا سکتی ہے- |