سچ تو یہ ہے(۶۵واں حصہ)

منظر۴۵۵
بشیراحمدگدھاگاڑی گھرمیں لے آتاہے۔ دروازے کے ساتھ ریڑھی کھڑی کرکے رک جاتاہے۔ سمیرااوراریبہ کمرے میں بیٹھی ہیں۔
سمیرا۔۔۔۔ابوآگئے ہیں میں جاکران کی مددکرتی ہوں
اریبہ۔۔۔۔توکھانابنانے کاانتظام کر میں تیرے ابوکے پاس جاتی ہوں
بشیراحمدریڑھی پربیٹھاہے اریبہ ایک جھاڑن اورایک جھاڑو لے کربشیراحمدکے پاس پہنچ جاتی ہے
اریبہ۔۔۔۔آج توآپ ریڑھی پرہی بیٹھ گئے
بشیراحمد۔۔۔۔بس ایسے ہی بیٹھ گیا
وہ ریڑھی سے اترکرگدھا کوریڑھی سے الگ کرنے لگ جاتاہے
اریبہ۔۔۔۔مولوی صاحب نے آپ کوبلوایاتھا کیامیں پوچھ سکتی ہوں وہ کیاکہہ رہے تھے
بشیراحمد۔۔۔۔ویسے تومیں وہ بات پھرکبھی بتانا اب تونے پوچھ ہی لیاہے توبتادیتاہوں
اریبہ۔۔۔۔۔میں سمیراکوبھیج دیتی تویہ خاص بات نہ جانے کب سننے کوملتی اچھاوہ بات ہے کیا
بشیراحمد۔۔۔۔سمیرا کارشتہ آیاہے
اریبہ۔۔۔۔رشتے توآپ کے بھائی تلاش کررہے ہیں ہماراتوکوئی ایساپروگرام بھی نہیں ہے
بشیراحمد۔۔۔۔ان کے رشتے بھی آئے ہیں
اریبہ۔۔۔۔آپ کیاچاہتے ہیں
بشیراحمد۔۔۔۔۔ہم نے فرض اداکرنابھی توہے اب اﷲ تعالیٰ نے سبب بنادیاہے توفرض اداکردیں
اریبہ۔۔۔۔وہ لوگ ہیں کون
بشیراحمد۔۔۔۔۔یہ بھی بتادوں گا ابھی نہیں
اریبہ۔۔۔۔۔سمیراسے بھی پوچھ لیتے ہیں
٭٭٭٭٭٭٭٭٭
منظر۴۵۶
عبدالمجیدکے گھرکے باہرفقیربابااورعبدالمجیدایک چارپائی پرایک دوسرے کی طرف منہ کرکے بیٹھے ہیں۔
فقیربابا۔۔۔۔۔آپ نے مجھ سے کوئی سوال کرناہے کوئی بات پوچھنی ہے تومیری طرف سے اجازت ہے
عبدالمجید۔۔۔۔۔میں نے آپ کی دونوں باتوں پرعمل کیا مجھے تواس میں کوئی فائدہ نظرنہیں آیا
فقیربابا۔۔۔۔جب آپ نے اپنی بیوی کواس کی مرضی کاکھانابنانے کی اجازت دی توکیاوہ خوش ہوئی تھی
عبدالمجید۔۔۔۔جی باباجی وہ خوش ہوئی تھی
فقیربابا۔۔۔۔۔میں نے آتے ہی تجھے مبارک باددی ہے
عبدالمجید۔۔۔۔۔یہ تونہیں بتایا کہ کس چیزکی مبارک باددی ہے
فقیربابا۔۔۔۔تجھے کسی کوکہنابھی نہیں پڑا تیرابیٹا تیرے گھرآگیاہے توکہتاہے تیراکوئی فائدہ نہیں ہوا
عبدالمجید۔۔۔۔اس نے توسب مہمانوں کے سامنے روناشروع کردیا
فقیربابا۔۔۔۔اتنے دنوں سے اس نے اپنے دکھ چھپائے ہوئے تھے اس دن وہ اپنے دکھوں کونہ چھپاسکا اوررونے لگ گیا
عبدالمجید۔۔۔۔۔دکھ تومجھ کوہے وہ میرانافرمان ہے میرے آگے زبان چلاتاہے
فقیربابا۔۔۔۔۔۔وہ آپ کی ہربات مانتاہے یہاں تک کہ وہ تیرے کام کی وجہ سے کھانابھی چھوڑ دیتاہے اورتوہے کہ ہرایک سے کہتاہے میرابیٹانافرمان ہے
عبدالمجید۔۔۔۔۔وہ میرے آگے زبان چلاتاہے
فقیربابا۔۔۔۔وہ زبان نہیں چلاتا وہ آپ کواپنی مجبوری بتاتاہے کیایہ جھوٹ ہے کہ آپ نے دکاندارکاقرض دیناہے اورآپ وہ قرض ادانہیں کرسکتے
عبدالمجید۔۔۔۔۔یہ سچ ہے کہ میں نے دکاندارکاقرض دیناہے
فقیربابا۔۔۔۔۔جب آپ کے بیٹے نے آپ سے کہا کہ دکاندارنے ادھاردینے سے انکارکردیاہے توآپ نے اسے گھرسے نکال دیا اس میں آپ کے بیٹے کاکیاقصورتھا
عبدالمجیدخاموش رہتاہے
فقیربابا۔۔۔۔جانتے ہو کھیتوں میں آپ کی غیرموجودگی میں کون کام کرتارہاہے
عبدالمجید۔۔۔۔۔۔میں اس کونہیں چھوڑوں گا
فقیربابا۔۔۔۔چھوڑا توآپ نے اسے پہلے بھی نہیں
عبدالمجیدحیرانی سے دیکھنے لگ جاتاہے
فقیربابا۔۔۔۔۔وہ کوئی اورنہیں تیراوہی نافرمان بیٹاہے بیوی پر بچوں پرشک کرنا چھوڑ دو جب تک پکاثبوت نہ ہو اپناردعمل ظاہرنہ کرو اچھاسوچو اﷲ سے بہتری کی دعاکرتے رہاکرو میں نے جوسمجھاناتھا وہ سمجھادیا جوبتاناتھا وہ بتادیا مزیدکوئی اورسمجھائے گا
فقیرباباچارپائی سے اترکرکھڑاہوجاتاہے
فقیربابا۔۔۔۔قدم بڑھاتے ہوئے۔۔۔۔۔۔تیرے بھائی تیرے دشمن نہیں ہیں خیرخواہ ہیں
فقیربابا۔۔۔۔دوقدم اوربڑھاکر۔۔۔۔۔اپنے بھائیوں سے گھروالوں سے بدگمانی چھوڑ دو
٭٭٭٭٭٭٭٭٭
منظر۴۵۷
رات کاکھاناکھانے کے بعدسعیداحمد، بشریٰ، عارف اورعبدالحق چہل قدمی کررہے ہیں۔
رحمتاں۔۔۔۔سعیداحمدسے۔۔۔۔۔ان لوگوں کی طرف سے کوئی جواب آیا
سعیداحمد۔۔۔۔میں نے تیرے ذمہ بھی ایک کام لگایاتھا اس کاکیاہوا
رحمتاں۔۔۔۔وہ کام ابھی تک تونہیں ہوا
سعیداحمد۔۔۔۔جوکام خودکرناتھا وہ کیانہیں دوسروں کے جواب کابے چینی سے انتظارہے۔
رحمتاں۔۔۔۔آپ ہی پوچھ لیں
سعیداحمد۔۔۔۔۔اپنے بیٹوں سے۔۔۔۔۔تم دونوں کسی طرح کی لڑکیوں سے شادی کروگے
عبدالحق۔۔۔۔آپ بھائی کی شادی کریں میں توابھی کام بھی کوئی نہیں کرتا
رحمتاں۔۔۔۔۔ہم چاہتے ہیں ہمارے دونوں بیٹوں کی شادیاں ایک ہی دن میں ہوجائیں
عارف۔۔۔۔۔لڑکیاں شوہر ساس سسرکی عزت کرنے والی ہوں شوہرکی آمدنی دیکھ کرگھرکے اخراجات کریں دوسروں کی باتوں میں آکراپنے شوہریاگھروالوں سے بدگمان نہ ہوجائیں
سعیداحمد۔۔۔۔۔عبدالحق تم کیاچاہتے ہو
عبدالحق ۔۔۔۔۔بھائی ٹھیک کہہ رہے ہیں
رحمتاں۔۔۔۔۔دونوں بھائی مشورہ کرکے بتادینا کہ جہیزمیں کیاکیالوگے
عارف۔۔۔۔۔امی مجھے جہیزکے نام پرایک سوئی بھی نہیں چاہیے
عبدالحق۔۔۔۔۔جہیزمیں بھی نہیں لوں گا
رحمتاں۔۔۔۔۔تم دونوں یہ کیسی باتیں کررہے ہو جہیزکے بغیربھی کوئی شادی ہوتی ہے
سعیداحمد۔۔۔۔۔ہمارے دونوں بیٹے ٹھیک کہہ رہے ہیں جہیزکے بغیرشادی ہوسکتی ہے بلکہ شادی جہیزکے بغیرہی ہونی چاہیے
رحمتاں۔۔۔۔۔باپ بیٹوں میں ا تفاق ہے تومیں کیاکرسکتی ہوں
سعیداحمد۔۔۔۔۔یہ بھی بتادو لڑکیاں امیرخاندان سے ہوں یاغریب خاندان سے
عبدالحق۔۔۔۔اس سے کوئی فرق نہیں پڑتا
رحمتاں۔۔۔۔۔لوگوں کوکیاجواب دیں گے جب جہیزکے بغیردلہنیں لے آئیں گے
سعید۔۔۔۔۔لوگ توباتیں بنانے کاکوئی نہ کوئی جوازبنالیتے ہیں
سعیداحمد۔۔۔۔عارف ،عبدالحق سے۔۔۔۔۔تمہای ماں تمہارے لیے ایک گھرمیں لڑکیاں دیکھ آئی ہے
٭٭٭٭٭٭٭٭٭
منظر۴۵۸
رحمتاں اوراس کی تینوں بڑی بیٹیاں دوچارپائیوں پربیٹھی ہیں۔
رحمتاں۔۔۔۔۔ہم تم تینوں بہنوں کے لیے رشتے تلاش کررہے تھے دوبہنوں کے رشتے آئے ہیں
صابراں۔۔۔۔کون ہیں وہ کیاکرتے ہیں
رحمتاں۔۔۔۔۔مولوی صاحب نے یہ تونہیں بتایا
صابراں کی بہن۔۔۔۔۔یہ رشتے مولوی صاحب نے بتائے ہیں توآپ کوہاں کردینی چاہیے
رحمتاں۔۔۔۔تمہای کوئی شرطیں یامطالبات ہیں تووہ بتادو تمہارے ابونے مولوی صاحب کوبتانے ہیں
صابراں۔۔۔۔امی ہم جوچاہتی ہیں وہ بتاچکی ہیں اس کے علاوہ ہمیں کچھ نہیں چاہیے
صابراں کی دوسری بہن۔۔۔۔۔امی پہلے آپ کوان کے گھرجاناچاہیے
٭٭٭٭٭٭٭٭٭
منظر۴۵۹
عبدالمجیدایک بڑی کھال سے نکلنے والی چھوٹی کھال کے سنگم میں بیٹھاہے۔ وہ اپنے کھیتوں کی طرف دیکھ رہاہے۔ اس کے ساتھ کھالوں کے کونے میں مٹی کاڈھیرلگاہواہے۔ سعیداحمدآجاتاہے۔ اس کودیکھ کرعبدالمجیدکھڑاہوجاتاہے
عبدالمجید۔۔۔۔بھائی جا ن آپ یہاں
سعیداحمد۔۔۔۔۔ہمسائے میں کسی کام سے آیاتھا سوچا آپ سے بھی ملتاجاؤں
عبدالمجید۔۔۔۔۔گھرچلتے ہیں چائے بھی پی لیں گے باتیں بھی کرلیں گے
سعیداحمد۔۔۔۔ادھرہی بہترہے میں زیادہ دیرنہیں رک سکتا
عبدالمجید۔۔۔۔۔میں توچاہتاہوں آپ کی خدمت ہوجائے
سعیداحمد۔۔۔۔۔فقیربابانے آپ سے دوباتیں کی تھیں
عبدالمجید۔۔۔۔۔میں نے دونوں باتوں پرعمل کردیاہے
سعیداحمد۔۔۔۔اپنی جگہ تبدیل کرتے ہوئے۔۔۔۔کیسے عمل کیاہے
عبدالمجید۔۔۔۔۔ایک بات کے بارے میں پہلے ہی بتاچکاہوں میں نے رشتہ داروں کی دعوت بھی کرلی ہے
(۳۶۹)
سعیداحمد۔۔۔۔آپ فقیرباباکی باتوں کوسمجھے نہیں
عبدالمجید۔۔۔۔جیسافقیربابانے کہا میں نے ویساہی کیا
سعیداحمد۔۔۔۔۔فقیربابانے دونوں باتیں اس لیے کہی ہیں کہ وہ آپ کوسمجھاناچاہتے ہیں کہ رشتہ داروں سے تعلق توڑنانہیں جوڑناچاہیے نہ آپ رشتہ داروں کواپنے گھرمیں آنے سے روکیں اورنہ ہی بیوی بچوں کورشتہ داروں کے گھرجانے سے روکیں خوشی اورغمی کے موقعوں پرتوہرگزنہ روکیں
عبدالمجید۔۔۔۔فقیربابانے یہ تونہیں کہا
سعیداحمد۔۔۔۔۔ہربات کہی نہیں جاتی آپ بچوں کے کپڑے یاجوتے خریدنے جائیں توبچوں کوساتھ لے جائیں آپ جتنی قیمت والاسوٹ خریدیں یہ آپ کااختیارہے بچوں سے کہیں کہ وہ کپڑوں کارنگ اورجوتوں کاڈیزائن پسندکرلیں میرے بھائی اس سے بچے خوش ہوجائیں گے جب بچے خوش ہوتے ہیں تواﷲ بھی خوش ہوتاہے میں نے گھربھی جاناہے امیدہے آپ میری باتیں سمجھ گئے ہوں گے
٭٭٭٭٭٭٭٭٭
منظر۴۶۰
نورالعین مویشی باندھنے کی جگہ پرمٹی ڈال کرسانس لینے کے لیے کھڑی ہے۔ بشریٰ آتی ہے اورتغاری اٹھالیتی ہے۔
نورالعین۔۔۔۔اسے واپس کرنے نہ آنا میں افضل کوبھیج دوں گی وہ لے آئے گا
بشریٰ۔۔۔۔۔۔میں اسے اپنے گھرتونہیں لے کرجارہی
نورالعین۔۔۔۔۔توپھرکہاں لے کرجارہی ہیں
بشریٰ۔۔۔۔تومٹی ڈال ڈال کرتھک گئی ہے میں نے کہا دوچارتغاریاں میں بھی ڈال دوں
نورالعین۔۔۔۔۔۔جومٹی میں نے ڈالناتھی وہ ڈال دی
اس کے ساتھ ہی وہ مٹی پھیلانے لگ جاتی ہے
بشریٰ۔۔۔۔۔تونے اپنے بیٹے سے پوچھاہے؟
نورالعین۔۔۔۔ہاتھ کی مددے مٹی پھیلاتے ہوئے۔۔۔۔۔اس جمعرات کوآئے گا توپوچھ لوں گی آپ نے اپنے بیٹوں سے پوچھ لیاہے
بشریٰ۔۔۔۔دونوں بیٹوں سے پوچھ لیاہے
نورالعین۔۔۔۔۔کیاکہتے ہیں وہ
بشریٰ۔۔۔۔۔وہ دونوں شادی کرنے کے لیے مان گئے ہیں
نورالعین۔۔۔۔۔پھرکب جارہی ہیں رشتے لے کر
بشریٰ۔۔۔۔۔آپ اپنے بیٹے سے پوچھ لیں اس کے بعدطے کریں گی کہ کب اورکس وقت جاناہے
نورالعین۔۔۔۔۔جہیزکے بارے میں کیاسوچاہے جہیزمیں کیاکیالیں گی
بشریٰ۔۔۔۔۔میرے دونوں بیٹوں نے جہیزلینے سے صاف انکارکردیاہے اورکہاہے کہ ایک سوئی بھی جہیزکے نام پرہمارے گھرنہیں آئے گی
نورالعین۔۔۔۔۔لوگ توا س کامطالبہ کرتے ہیں اورآپ کے بیٹے ہیں کہ انکارکرچکے ہیں
بشریٰ۔۔۔۔ان کے باپ بھی اپنے بیٹوں سے اتفاق کرتے ہیں
٭٭٭٭٭٭٭٭٭
منظر۴۶۱
عبدالمجیدرات کے وقت اپناایک بازوپنے ماتھے پررکھ کرلیٹاہواہے۔ باربارکمرے کی چھت کی طرف دیکھتاہے۔ اسے خیال آتاہے۔ اس کابیٹااحمدبخش دس سال کاہے سکول جانے کے لیے تیارکھڑاہے اپنے باپ سے پیاربھرے اندازمیں بیس روپے مانگتاہے عبدالمجیداسے ڈانٹ دیتاہے اس کے بعدعبدالمجیداپنی آنکھیں بندکرلیتاہے اپنابازو اپنے ماتھے سے اتارکرچارپائی پررکھ لیتاہے دائیں کروٹ لیٹ جاتاہے آنکھیں کھول کرسامنے کی طرف دیکھتاہے۔ اس کوپھرخیال آنے لگتاہے اس کے گھرسے رشتہ دارواپس جارہے ہیں۔ راشدہ اپنے رشتہ داروں کودروازے تک چھوڑنے جاتی ہے۔ واپس آکرعبدالمجیدکوپلیٹ میں زردہ چاول ڈال کردیتی ہے۔ پھراپنے دوسال کے عبدالرحیم کواپنے ہاتھ سے چاول کھلانے لگ جاتی ہے عبدالمجیدچاول کے دوچمچ کھانے کے بعدکہتاہے کیاضرورت تھی اتناخرچہ کرنے کی تازہ پانی پلادیناتھا پھران کودروازے تک چھوڑنے بھی چلی گئی ویسے تیرے رشتہ دارجب چاہتے ہیں آجاتے ہیں آئندہ کوئی آیاتومجھ سے براکوئی نہ ہوگا اس کاخیال ختم ہوجاتاہے وہ اپنی کروٹ بدلتاہے۔ راشدہ کمرے میں آتی ہے عبدالمجیدلیٹاہواہے اس کی آنکھیں کھلی ہوئی ہیں
راشدہ۔۔۔۔ابھی تک آپ سوئے نہیں
عبدالمجید۔۔۔۔۔عجیب سی بے چینی ہے سونے کی کوشش کرتاہوں نیندہے کہ مجھ سے دورہوتی جارہی ہے
٭٭٭٭٭٭٭٭٭