|
|
| |
| دنیا میں بہت سی ایسی دلچسپ چیزیں موجود ہیں جو ناقابل
یقین لگتی ہیں۔ پھر بھی، یہ باتیں اکثر سچ ثابت ہوتی ہیں۔ کیا آپ ایسے لوگ
ہیں جو ایسے حقائق کے بارے میں پڑھ کر لطف اندوز ہوتے ہیں جن پر یقین کرنا
مشکل ہو؟ اگر ایسا ہے تو، یہ یقینی طور پر آپ کے لئے صحیح جگہ ہے! لہٰذا
اپنے دماغ کو اڑا دینے کے لئے تیار ہوں، کیونکہ یہاں 7 عجیب و غریب حقائق
کی فہرست ہے جو عجیب لگتے ہیں لیکن حقیقت میں سچ ہیں- |
| |
| اناج میں پھنسنے سے ہونے والی اموات |
| ہر سال، کئی زرعی کارکن "اناج میں پھنس جانے" سے مر جاتے
ہیں، جو اس وقت ہوتا ہے جب کوئی شخص اناج کے سائیلو میں پھنس جاتا ہے اور
مدد کے بغیر باہر نہیں نکل سکتا۔ سائیلو ایک ایسا دیوقامت کنٹینر یا دھاتی
باکس ہوتا ہے جس میں گندم ذخیرہ کی جاتی ہے- یہ حادثات اس کنٹینر میں اناج
کو محفوظ کرنے کے دوران پیش آتے ہیں۔ |
|
|
| |
| درجہ حرارت تیزی سے تبدیل |
| 22 جنوری 1943 کو، اسپیئر فش، ساؤتھ ڈکوٹا میں درجہ
حرارت صبح 7:32 بجے اچانک منفی 20 ڈگری سینٹی گریڈ سے 7 ڈگری سینٹی گریڈ
میں تبدیل ہوگیا اور 27 ڈگری سینٹی گریڈ کا یہ فرق صرف 2 منٹ میں پیدا ہوا-
اس کے چند گھنٹوں بعد درجہ حرارت ایک مرتبہ پھر 12 ڈگری سینٹی گریڈ سے
دوبارہ وہیں واپس منفی 20 ڈگری سینٹی گریڈ پر چلا گیا اور یہ سب کچھ 27 منٹ
میں ہوا- |
|
|
| |
| مٹر کے سائز کا تابکار کیپسول |
| رواں سال یعنی 2023 میں ہی، آسٹریلیا میں ایک مٹر کے
سائز کا تابکاری شعاؤں پر مشتمل کیپسول اس وقت لاپتہ ہو گیا تھا جب اسے
ہائی وے کے 870 میل کے طویل حصے سے لے جایا جا رہا تھا۔ کیپسول جلنے اور
تابکاری کی بیماری کا سبب بن سکتا تھا۔ تقریباً ایک ہفتے کی مشکل تلاش کے
بعد یہ چھوٹا کیپسول سڑک کے کنارے سے واپس ملا۔ |
|
|
|
|
|
مائیکل جیکسن عوام میں بھیس بدل کر چلتے تھے |
|
مائیکل جیکسن کی عوام میں مقبولیت بعض اوقات ان کے لیے پریشانی کا سبب بھی
بن جاتی تھی- اس سے بچنے کے لیے وہ عموماً مختلف روپ دھار کر عوام کے
درمیان سے گزرتے تھے- |
|
|
|
|
|
دنیا کا قدیم ترین خون |
|
سائبیریا میں، ایک اچھی طرح سے محفوظ شدہ 42,000 سال پرانا گھوڑا پرما
فراسٹ میں دفن پایا گیا۔ یہ اتنی اچھی حالت میں تھا کہ سائنسدان اس سے مائع
خون نکالنے میں کامیاب ہو گئے۔ خیال کیا جاتا ہے کہ یہ اب تک کا سب سے قدیم
خون ہے۔ |
|
|
|
|
|
زمین ہر 26 سیکنڈ میں دھڑکتی ہے |
|
یہ ایک دلچسپ حقیقت ہے کہ زمین بھی انسانی دل کی مانند ہر 26 سیکنڈ میں
دھڑکتی ہے، اگر آپ یہ سوچ رہے ہیں کہ دنیا میں آنے والے زلزلے شاید اسی
دھڑکن کی وجہ سے ہیں تو آپ غلط ہیں کیونکہ ماہرین کا خیال ہے کہ زلزلہ اس
کی وجہ سے نہیں آتے ہیں۔ کم از کم 1960 کی دہائی کے اوائل سے، اس پراسرار
نبض کو متعدد براعظموں میں ریکارڈ کیا گیا ہے۔ |
|
|
|
|
|
تین افراد کی موت |
|
پوڈل نسل کا کتا ایک بار 13 ویں منزل سے گرا اور تین افراد کی ہلاکت کا سبب
بن گیا- ایک بزرگ خاتون جو وہاں سے گزر رہی تھی، ایک اور عورت جو ممکنہ طور
پر مدد کرنے کی کوشش کر رہی تھی اور بس سے ٹکرا گئی، اور ایک آدمی جس نے اس
موت کا مشاہدہ کیا اور اسے دل کا دورہ پڑا۔ |
|
|
|
|
|
سمندری ڈریگن |
|
محققین نے مڈلینڈز کے ایک آبی ذخائر میں 180 ملین سال پرانے اور تقریباً 33
فٹ لمبے "سمندری ڈریگن" کے فوسل کی دریافت کی- محققین نے اس دریافت کو
برطانوی پیالیونٹولوجی کی تاریخ میں سب سے اہم دریافت قرار دیا ہے۔ |
|
|