|
|
| |
| میڈیکل سائنس اس بات پر متفق ہیں کہ موٹاپا کئی بیماریوں
کا پیش خیمہ ہو سکتا ہے اس وجہ سے ہر انسان جو صحت مند زندگی کا خواہشمند
ہو اس کو چاہیے کہ وہ وزن کو کنٹرول میں رکھے۔ |
| |
| ایک بار وزن میں اضافہ ہو جائے تو اس کو
دوبارہ سے کم کرنا جوئے شیر لانے کے مترادف ہوتا ہے سخت ترین ڈائٹنگ اور
ایکسرسائز کے باوجود بھی یہ وزن کم نہیں ہو پاتا ہے کبھی ارادے کی کمزوری
آڑے آتی ہے اور کبھی انسان اپنے گھر والوں کے سامنے مجبور ہو جاتا ہے اور
ڈائٹنگ ختم کرنے پر مجبور ہو جاتا ہے- |
| |
| گھر والوں
کو چھوڑ کر وزن کم کرنے کی کوشش |
| برائن او کیفی جس کی عمر 34 سال تھی گزشتہ
15 سال سے وزن کم کرنے کی کوشش کر رہا تھا اور ہر بار اس کی یہ کوشش ناکامی
سے دوچار ہو رہی تھی وہ ہر بار جتنا وزن کم کرنے کی کوشش کرتا اتنا ہی اس
کے وزن میں اضافہ ہو جاتا- |
|
|
|
آئرلینڈ سے تعلق رکھنے والا برائن جس کا وزن 338 پاونڈ تھا گول مول جسم والا برائن
ہر ممکن کوشش کر چکا تھا مگر ہر بار ناکامی سے دوچار ہو رہا تھا مگر اس بار اس نے
وزن کم کرنے کے لیے ایک بڑا قدم اٹھانے کا فیصلہ کیا- |
|
|
|
|
| |
| وزن کم کرنے کے لیے سب
چھوڑ دیا |
| برائن نے اس موقع پر اپنی جاب چھوڑ کر اسپین کے ایک
چھوٹے سے گاؤں میں بسیرا کر لیا اس نے یہ فیصلہ اپنے گھر والوں سے بھی
پوشیدہ رکھا اور خاموشی سے سب کچھ چھوڑ کر الگ ہو گیا- |
| |
| سات ماہ تک اس نے ایک پرسکون اور سخت ترین زندگی گزاری
جس کے نتیجے میں وہ 137 پونڈ وزن کم کیا سات ماہ کے بعد وزن کم کرنے میں
کامیاب ہونے کے بعد جب وہ ایک دن اچانک اپنے گھر والوں سے ملا تو ان کے لیے
یہ یقین کرنا مشکل ہو گیا کہ یہ برائن ہی ہے- |
| |
| برائن کا اس موقع پر یہ کہنا تھا کہ ان سات ماہ کے دوران
اس نے ہر روز پانچ گھنٹے تک سخت ترین ایکسرسائز کی اور جب اس کے وزن میں
خاطر خواہ کمی واقع ہو گئی تو اس نے گھر واپسی کا فیصلہ کیا اس موقع پر اس
کا یہ ماننا تھا کہ وزن کم کرنے کے لیے سب سے اہم چیز ذہنی یکسوئی ہوتی ہے
جس کا استعمال اس نے تنہائی کے اس وقت میں کیا اور اپنے مقصد میں کامیابی
حاصل کی- اس کی گھر واپسی کی ویڈيو دیکھتے دیکھتے سوشل میڈيا پر وائرل ہو
گئی |
| |
| وزن میں اضافے
کی وجوہات |
| اس موقع پر برائن کا یہ بھی کہنا تھا کہ اس کے
وزن میں اضافہ اس وقت ہوا جب کہ اس کی عمر بیس سال کے لگ بھگ تھی اور اس کا
بنیادی سبب اس کا غیر صحت مند طرز زندگی، آؤٹنگ اور باہر کا کھانا تھا- |
| |
|
|
| |
| برائن کا یہ بھی کہنا تھا کہ سال 2017 مین جب
وہ گریجوئشن کے بعد لندن گیا تھا تب بھی اس نے پانچ مہینوں کے دوران 70
پونڈ وزن کم کیا تھا مگر پھر ماسٹرز کرنے کے دوران اس کے وزن میں دوبارہ سے
اضافہ ہو گیا تھا- |
| |
| برائن کا اس موقع پر یہ بھی کہنا تھا کہ اس کو
یقین ہے کہ اب وہ اپنے اس وزن کو برقرار رکھ پائے گا اور اس میں کسی قسم کا
اضافہ نہیں ہونے دے گا- |