ایک چیز سے آپ انہیں آسانی سے پہچان سکتے ہیں٬ جڑواں بچوں سے متعلق چند دلچسپ حقائق اور غلط فہمیاں

ماہرین کےاعداد و شمار کے مطابق، ہر 1,000 حمل میں سے 3 جڑواں بچوں کی پیدائش کے امکانات ہوتے ہیں جو ڈی این اے تک شئیر کرتے ہیں۔ اور اس سب کی وجہ کوئی اور نہیں بلکہ مکمل طور پر سائنسی ہوتی ہے- اس حقیقت کے باوجود کہ حالیہ دنوں میں جڑواں حمل میں اضافہ ہوا ہے، پھر بھی بہت سے حقائق اور تجسس سے بھرپور باتیں موجود ہیں جو لوگ جڑواں بچوں کے بارے میں نہیں جانتے ہیں۔ یہاں کچھ مثالیں ہیں.

کوئی موروثی عنصر موجود نہیں

اکثر لوگ جڑواں بچوں کی پیدائش کو موروثیت سے جوڑتے ہیں کیونکہ ایسے لوگوں نزدیک زیادہ جڑواں بچوں والے خاندانوں میں ایسے بچوں کی پیدائش کا امکان زیادہ ہوتا ہے- لیکن ایسا کوئی سائنسی ثبوت نہیں ہے جو اس بات کی تصدیق کرتا ہو کہ ایک جیسے جڑواں بچوں کے ہونے سے متعلق کوئی موروثی عنصر موجود ہے۔

فنگر پرنٹس

ایک جیسے نظر آنے کے باوجود، جڑواں بچے ایک جیسے فنگر پرنٹس ہرگز نہیں رکھتے۔ اس کی وجہ یہ ہے کہ یہ بچے ماں کی امونٹک تھیلی کے مختلف حصوں کو چھوتے ہیں جس سے ان کی انگلیوں پر مختلف لکیریں بن جاتی ہیں۔

بائیں ہاتھ سے کام کرنے والے جڑواں بچے

ایک اندازے کے مطابق عام طور پر دنیا کی 10 فیصد آبادی بائیں ہاتھ سے کام کرتی ہے جب کہ ایک جیسے جڑواں بچوں کی صورت میں یہ شرح بڑھ کر 22 فیصد ہو جاتی ہے۔

ٹیلی پیتھی صرف فلموں میں

جڑواں بچوں میں ٹیلی پیتھی کے ذریعے بات چیت کرنے کی صلاحیت موجود نہیں ہوتی۔ یہ غلط فہمی صرف فلموں نے بڑے پیمانے پر پھیلائی ہے- البتہ یہ سچ ہے کہ ایک ساتھ بڑھتے ہوئے، جڑواں بچے ایک دوسرے کو اچھی طرح جانتے ہیں اور اکثر ایسا لگتا ہے کہ وہ ایک دوسرے کا دماغ پڑھ سکتے ہیں۔

بہن بھائی کی تلاش

پاڈووا یونیورسٹی کی ایک تحقیق کے مطابق جڑواں بچے رحم میں اپنے بہن بھائی سے رابطہ شروع کر دیتے ہیں۔ وہ یہ 14ویں ہفتے سے کرتے ہیں اور عام طور پر اپنے سے زیادہ اپنے بہن بھائی کو چھوتے ہیں۔

ماں کو فائدہ

جڑواں بچوں کی پیدائش سے ایک بڑا فائدہ خود ماؤں کو بھی ہوتا ہے- جی ہاں ایسی خواتین جو جڑواں بچوں کو جنم دیتی ہیں وہ طویل عمر پائی ہیں بلکہ ان کی زندگی بھی صحت مند گزرتی ہے-

جڑواں بچوں کی پہچان

یقیناً ایک جیسے نظر آنے والے جڑواں بچوں کو الگ الگ پہچاننا تقریباً مشکل ہوتا ہے اور اکثر لوگ یہ بتانے میں غلطی کرجاتے ہیں کہ کس بچے کا کیا نام وغیرہ ہے- لیکن ایک چیز ہے جو اس مشکل کو آسان کرسکتی ہے- اور وہ ہے ناف جو ایک جیسے نظر آنے والے جڑواں بچوں کی ایک دوسرے سے الگ نظر آتی ہے-

< Previous Lajamanu – The Arid Australian Town Where It Keeps Raining Fish NEXT > آج کے دشمن کل کے دوست بھی تھے، کچھ تصاویر جو آپ کو ماضی میں لے جائیں گی