بغیر بجلی کے چلے اور کھانا بھی گرم کرے- دنیا کا پہلا وائرلیس مائیکرو ویو اوون جسے کہیں بھی چلایا جاسکتا ہے

آج کے دور میں مائیکرو ویو اوون سمیت دیگر پرتعیش آلات استعمال کرتے وقت سب سے بڑا خوف بجلی کے بل میں اضافے کا رہتا ہے کیونکہ آئے روز یونٹ کی قیمت بڑھا دی جاتی ہے جس کا اثر پورے بل پر ہی ظاہر ہوتا ہے-

تاہم حال ہی میں جاپانی کمپنی کی جانب سے ایک ایسا وائرلیس مائیکروو ویو اوون متعارف کروایا جو بیٹریوں پر کام کرتا ہے- اور آپ ان بیٹریوں کو نہ صرف چارج کرسکتے ہیں بلکہ ضرورت پڑنے پر تبدیل بھی کرسکتے ہیں- ان بیٹریوں کی بدولت کسی حد تک بجلی کا بل میں بچت کی جاسکتی ہے جس کی وجہ اس کا ہر وقت بجلی کے ساتھ منسلک نہ ہونا ہے-

دلچسپ بات یہ ہے کہ یہ پورٹ ایبل وائرلیس اوون ہے یعنی آپ جب پکنک پر جائیں تو بھی اسے اپنے ساتھ رکھ سکتے ہیں اور گرما گرم کھانے سے لطف اندوز ہوسکتے ہیں-

جاپانی کمپنی کا MW001G اوون بغیر کسی تار کے 500 واٹ کی توانائی فراہم کرتا ہے اور 8 منٹ میں آپ کا کھانا گرم کردیتا ہے-

اس اوون کا وزن تقریباً 19.4 پونڈ (8.8 کلوگرام) ہے، اس لیے اسے آسانی سے کام کی جگہ، کیمپ سائٹ یا چارجنگ پوائنٹ تک لے جایا جا سکتا ہے، لیکن اس کے لیے کندھے کی بیلٹ خریدنا ضروری ہے۔

مائکروویو فی الحال صرف جاپان میں دستیاب ہے، اور اس کی قیمت ¥110,000 ($840) مقرر کی گئی ہے، لیکن اس میں ٹیکس، بیٹری اور چارجر کی قیمت شامل نہیں ہے۔

آٹھ لیٹر کی اسٹوریج کے ساتھ اس اوون کے نچلا حصہ ہموار ہے جس کی وجہ سے اس کی صفائی اور دیکھ بھال آسان ہے-

پورٹ ایبل ہونے کی وجہ یہ حادثے یا ایمرجنسی کے لیے بھی بہترین ہے جہاں فوری کھانا تیار کیا جاسکے-

مائکروویو میں دو 40V لتیم آئن بیٹری پیک کے لیے جگہ ہے، لیکن اسے کام کرنے کے لیے صرف ایک کی ضرورت ہوتی ہے، اس لیے دوسری بیٹری کو بیک اپ کے طور پر استعمال کیا جا سکتا ہے۔

جب دونوں بیٹریوں کو استعمال کیا جائے تو یہ مائیکروو ویو آپ کو 11 لنچ باکس یا 20 کپ کافی کے دوبارہ گرم کرنے کی صلاحیت رکھتا ہے-

اسے 500W اور 350W پاور فراہم کرنے کے درمیان بھی تبدیل کیا جا سکتا ہے، یہ اس وقت کے لیے ہے جب صارف اپنے چارج کو محفوظ کرنا چاہتا ہے۔

یہ مائیکرو وویو ایسے افراد کے لیے بھی بڑی سہولت کا سبب ہے جو اپنی فون کی بیٹریوں سے پریشان رہتے ہیں- اس مائیکرو وویو میں پورٹ ایبل یو ایس بی موبائل چارجر بھی موجود ہے-

کمپنی کا کہنا ہے کہ فی الحال اسے جاپان میں متعارف کروایا گیا تاہم جلد ہی اسے پوری دنیا میں متعارف کروا دیا جائے گا-

< Previous ہمارے خیالات بھی محفوظ نہیں٬ ایلون مسک کی تیار کردہ کمپیوٹر چپ انسانی دماغ پڑھ سکتی ہے؟NEXT > انسانی جسم میں چھپی قدیم وائرس کی باقیات جن سے کینسر کا علاج ممکن٬ تہلکہ خیز انکشافات