یہ بھی دیکھ لیتے ہیں(پہلا حصہ)

 
السلام علیکم ورحمۃ اﷲ محترم قارئین آج سے آپ میرادوسراناول ’’یہ بھی دیکھ لیتے ہیں‘‘ پڑھ رہے ہیں۔ یہ ناول بنیادی طورپرسودکے بارے میں لکھاگیاہے۔ اگرآپ سودکے بارے میں قرآن واحادیث میں احکامات ، سود کیاہے ،اس کے اثرات کیاہیں۔سودخورکوکیسے اس گناہ سے روکااوربچایاجاسکتاہے ۔تواس ناول کاہرحصہ ترتیب سے پڑھتے رہیں۔ اس کے علاوہ اس ناول میں سخاوت کرنے والے شخص،قسطوں کاکاروبار،شادی کی رسومات اورضرورت مندوں کی اس طرح امدادکرناکہ وہ سودپرقرض لینے سے بچ جائیں ۔شامل ہے۔ اس کے علاوہ سودخورکے ساتھ رشتہ داروں اورمعاشرے کا کیساسلوک کرناچاہیے ۔یہ بھی آپ اس ناول میں پڑھیں گے۔ میں یقین کے ساتھ کہہ سکتاہوں کہ آپ نے ایساناول پہلے کبھی نہیں پڑھاہوگا۔
منظر ۔۱
اپنے گھرکے ایک کمرے میں چا رپائیوں پر۵۵ سالہ عارف اس کی پچاس سالہ بیوی شہربانو،پچیس سالہ بیٹا اسحاق ،انیس سالہ بیٹا شاہ زیب،۱۴ سالہ بیٹا مظہراور۹ سالہ بیٹا غلام سرور۲۲ سالہ بیٹی جمیلہ ،سولہ سالہ بیٹی حورین اورگیارہ سالہ بیٹی ثمینہ بیٹھی ہوئی ہیں۔
شاہ زیب ۔۔۔۔۔۔آج ناشتہ کے لیے اورکتناانتظارکرناپڑے گا ؟
شہربانو۔۔۔۔۔۔۔وہ توتیارہے اب تیرے ابوجس کوحکم دیں گے وہی ناشتہ اٹھاکرلے آئے گا
عارف۔۔۔۔۔۔۔حورین سے ۔۔۔۔۔۔۔حورین بیٹی جاؤ ناشتہ لے آؤ
شہربانو۔۔۔۔۔۔۔اسحاق سے ۔۔۔۔۔۔۔ اسحاق بیٹا جاؤ بہن کی مددکرو پانی تم لے کرآؤ
حورین اوراسحاق کمرے سے باہرچلے جاتے ہیں
ثمینہ ۔۔۔۔۔۔۔عارف کی طرف دیکھتے ہوئے۔۔۔۔۔۔۔ابو آج کھاناکون تقسیم کرے گا
عارف۔۔۔۔۔۔۔آج مظہرسب کوکھاناڈال کردے گا
شہربانو۔۔۔۔۔۔۔عارف سے ۔۔۔۔۔۔۔جمیلہ کے ابو مجھے سمجھ نہیں آتا کہ آپ نے یہ کیسااصول بنارکھاہے
عارف۔۔۔۔۔۔۔ثمینہ کی ماں یہ کیاکہہ رہی ہو میں نے کون ساایسااصول بنارکھاہے۔
شہربانو۔۔۔۔۔۔۔میں نے ایساکسی اورگھرمیں نہیں دیکھا یہ صرف ہمارے گھرمیں ہی ہوتاہے۔
اسی دوران اسحاق ایک کولرمیں پانی اورایک تھال میں گلاس لے آتاہے۔
عارف ۔۔۔۔۔۔۔ثمینہ سے ۔۔۔۔۔۔۔ثمینہ بیٹی تم آج پانی پلاؤگی
ثمینہ۔۔۔۔۔۔۔جی ابو
ثمینہ۔۔۔۔۔۔۔تھال میں سے گلاس اٹھاکراس میں پانی ڈالتے ہوئے۔۔۔۔۔۔۔ابو سب سے پہلے پانی کس کودوں؟
عارف۔۔۔۔۔۔۔جس کوچاہو پہلے پانی پلاؤ جس کو چاہو بعدمیں پلاؤ
اسی دوران حورین ناشتہ لے آتی ہے۔
شہربانو۔۔۔۔۔۔۔میری تواس گھرمیں کوئی اہمیت ہی نہیں ہے
عارف ۔۔۔۔۔۔۔ناشتہ کرلیں باتیں توبعدمیں ہوتی رہیں گی
منظر۔۲
چالیس سالہ عدنان اور۴۵ سالہ نعیم ایک گھرکی چاردیواری کے باہردیوارکے ساتھ کرسیوں پربیٹھے ہیں۔
عدنان۔۔۔۔۔۔۔نعیم بھائی کیسے گزربسرہورہی ہے
نعیم ۔۔۔۔۔۔۔اﷲ کالاکھ لاکھ شکرہے آپ سنائیں
عدنان ۔۔۔۔۔۔۔الحمدﷲ ایک مشورہ ہے
نعیم۔۔۔۔۔۔۔پھرکون سامشورہ ہے
عدنان ۔۔۔۔۔۔۔اس مرتبہ میں واقعی سنجیدہ ہوں
نعیم ۔۔۔۔۔۔۔یہ توآپ کی بات سننے کے بعدپتہ چلے گا کہ آپ کتنے سنجیدہ ہیں
عدنان ۔۔۔۔۔۔۔آپ بھی بے روزگارہیں او ر روزگارمیرے پاس بھی نہیں ہے
نعیم ۔۔۔۔۔۔۔آپ میری الجھن بڑھارہے ہیں
عدنان۔۔۔۔۔۔۔میں آپ کی الجھن نہیں آپ کی دل چسپی بڑھارہاہوں
نعیم ۔۔۔۔۔۔۔اس طرح تومیری بے چینی میں اضافہ ہورہاہے
عدنان ۔۔۔۔۔۔۔اچھا توسنیں
نعیم ۔۔۔۔۔۔۔میں سن رہاہوں
عدنان ۔۔۔۔۔۔۔ہم دونوں مل کرقسطوں کاکاروبارکرتے ہیں
نعیم ۔۔۔۔۔۔۔قسطوں میں کون ساکاروبارہوتاہے
عدنان ۔۔۔۔۔۔۔ہم لوگوں کوضروریات زندگی کی چیزیں قسطوں پردیں گے
نعیم ۔۔۔۔۔۔۔اس کے لیے سرمائے اورافرادی قوت کی ضرورت ہوتی ہے
عدنان ۔۔۔۔۔۔۔آپ بھی اپنے دوستوں سے بات کریں میں بھی کرتاہوں
۔۔۔۔۔۔۔۔۔۔۔۔۔۔
منظر۔۳
۵۵ سالہ مسعود،چالیس سالہ جاوید، ۴۵ سالہ سلیمان اور۳۵ سالہ نذیرایک ہوٹل میں بیٹھے ہیں۔
مسعود۔۔۔۔۔۔۔میں ایک کاروبارکرناچاہتاہوں
سلیمان ۔۔۔۔۔۔۔یہ تواچھی بات ہے
جاوید۔۔۔۔۔۔۔پہلے یہ توپوچھ لیں مسعودکاروبارکون ساکرناچاہتے ہیں
مسعود۔۔۔۔۔۔۔میں چاہتاہوں کہ آپ لوگ بھی میرے ساتھ کام کریں
نذیر۔۔۔۔۔۔۔جب تک آپ یہ نہیں بتائیں گے کہ آپ کون ساکاروبارکرناچاہتے ہیں ہم کیسے آپ کوکوئی جواب دے سکتے ہیں
مسعود۔۔۔۔۔۔۔ہم پیسہ سے پیسہ بنائیں گے
جاوید۔۔۔۔۔۔۔پیسہ سے پیسہ توہرکاروبارمیں بنایاجاتاہے
سلیمان ۔۔۔۔۔۔۔آپ بتاکیوں نہیں دیتے
مسعود۔۔۔۔۔۔۔دائیں بائیں دیکھنے کے بعد۔۔۔۔۔۔۔وہ بھی بتادوں گا اب صرف اتنایادرکھو جومیرے ساتھ کام کرے گا اسے کسی چیزکی کمی نہیں رہے گی
نذیر۔۔۔۔۔۔۔یہ کیابات ہوئی ہمیں اپنے ساتھ ملانابھی چاہتے ہیں اوربتاتے بھی نہیں ہیں کہ کیاکرناچاہتے ہیں
مسعود۔۔۔۔۔۔۔میں اشارہ تودے چکاہوں مزیدتفصیل آئندہ ملاقات میں بتاؤں گا تب تک تم لوگ یہ فیصلہ کرلوکہ تم نے میراساتھ دیناہے یانہیں
۔۔۔۔۔۔۔۔۔۔۔۔۔
منظر۔۴
۴۵ سالہ نمرہ ایک تھال میں انگلیاں گھمارہی ہیں۔ اس میں سے تنکے وغیرہ نکال نکال کر باہر پھینک رہی ہے۔ ۱۸ سالہ جویریہ اس کے پاس آکرکھڑی ہوجاتی ہے ۔ نمرہ تھال میں انگلیاں گھماتے ہوئے جویریہ کی طرف دیکھتی ہے۔
جویریہ۔۔۔۔۔امی آج دال چناکھائیں گے کیا
نمرہ۔۔۔۔۔۔نہیں میں یہ باہرجاکرلوگوں میں تقسیم کروں گی
جویریہ۔۔۔۔۔امی آپ نے منت مانی تھی کیا
نمرہ۔۔۔۔۔۔باتیں بنانے میں تیرامقابلہ نہیں ہوسکتا
جویریہ۔۔۔۔۔۔میں نے توصرف اتناپوچھا تھا
نمرہ ۔۔۔۔۔۔۔تھال میں دال اچھالتے ہوئے۔۔۔۔۔۔جب میں دال صاف کررہی ہوں اس کامطلب ہے کہ آج ا س کوہی پکائیں گے۔
جویریہ۔۔۔۔۔۔۔میں چولھے میں آگ جلاتی ہوں
نمرہ۔۔۔۔۔۔۔ابھی سے کیوں تجھے اورکوئی کام نہیں ہے
جویریہ۔۔۔۔۔۔میں توآپ کی مددکررہی ہوں
نمرہ ۔۔۔۔۔۔دال چنے والاتھال جویریہ کوپکڑاتے ہوئے۔۔۔۔۔اس کواچھی طرح دھوکر اسے پانی میں بھگودے اور اس کے بعد پیازاورٹماٹربھی کاٹ لینا
۔۔۔۔۔۔۔۔۔۔۔۔۔
منظر ۔ ۵
۵۰ سالہ لیاقت گھرکے صحن میں چارپائی پربیٹھاہے۔ اس کے سامنے ایک اورچارپائی خالی رکھی ہوئی ہے۔ ۴۵سالہ بختاورایک ٹرے میں دوچائے کی پیالیاں اور بسکٹ کے دو پیکٹ لے آتی ہے۔ چائے کی ایک پیالی اور بسکٹ کاایک پیکٹ لیاقت کے سامنے رکھ کرخاموشی سے دوسری چارپائی پربیٹھ جاتی ہے۔ لیاقت بھی ایسے بیٹھا ہے جیسے اسے دونوں چیزوں میں کوئی دل چسپی نہ ہو۔بختاور اپنے حصے کا بسکٹ کاپیکٹ کھولتے ہوئے رک جاتی ہے اور لیاقت کی طرف دیکھتی ہے تو وہ چائے اور بسکٹ سے بے خبر بیٹھا ہے۔
بختاور۔۔۔۔۔ بسکٹ کاپیکٹ سامنے رکھ کر۔۔۔۔۔۔ماہ نور کے ابو یہ چائے اور بسکٹ میں آپ کے لیے ہی لائی ہوں
لیاقت۔۔۔۔۔کس خوشی میں
بختاور۔۔۔۔۔۔مل کرچائے پینے کے لیے خوشی کاہوناضروری تونہیں
لیاقت۔۔۔۔۔۔پھرتو کوئی نہ کوئی کام ہوگا مجھ سے
بختاور۔۔۔۔۔۔۔ایک تومیں اتنے پیارسے چائے بناکرلائی ہوں آپ مجھے مطلبی سمجھتے ہیں
ناراض کیوں ہوتی ہو یہ کہہ کرلیاقت چائے کی پیالی اٹھالیتاہے۔
۔۔۔۔۔۔۔۔۔۔۔۔۔
منظر۔ ۶
۴۵سالہ اﷲ نوازموٹر سائیکل پربیٹھاہے ۔اس کے ساتھ اس کابیس سالہ بیٹا باقر کھڑاہے۔
اﷲ نواز۔۔۔۔۔باقر سے۔۔۔۔۔۔میں تیرے ماموں کے ہوٹل میں جارہاہوں
باقر۔۔۔۔۔۔۔میرے پیارے ابو ماموں کے ہوٹل میں وہ بھی اتناجلدی
اﷲ نواز۔۔۔۔۔۔۔مجھے آج جلدی جاناہے
باقر۔۔۔۔۔۔۔آپ کوماموں سے کوئی کام ہے تورات کوگھرمیں ان سے بات کرلینا
اﷲ نواز۔۔۔۔۔۔۔میں نے تیرے ماموں سے بات نہیں کرنی ہوٹل میں کام کرناہے
اسی دوران ۴۰ سالہ نورالعین آجاتی ہے۔
نورالعین۔۔۔۔۔۔۔باپ اوربیٹا میں اتنی دیرسے کیاباتیں ہورہی ہیں
باقر۔۔۔۔۔۔۔ابو ماموں کے ہوٹل میں کام کرنے جارہے ہیں
نورالعین۔۔۔۔۔۔۔ہوٹل میں کوئی کام ہوگا کسی سے ملناہوگا
باقر۔۔۔۔۔۔۔وہاں ابوکوکسی سے کوئی کام نہیں ہے کسی سے ملنابھی نہیں ہے۔
اﷲ نواز۔۔۔۔۔۔۔نورالعین سے ۔۔۔۔۔۔۔گھرکے لیے کچھ منگواناہے توبتادو آتے ہوئے لے آؤں گا
نورالعین۔۔۔۔۔۔۔آتے ہوئے ہوٹل سے گوشت کاسالن لے آنا
اﷲ نواز۔۔۔۔۔۔۔آج میراپہلادن ہے اس لیے یہ مناسب نہیں ہے
نورالعین۔۔۔۔۔۔۔پہلادن ہے؟ کیامطلب
اﷲ نواز۔۔۔۔۔۔۔یہ میں بعدمیں بتاؤں گا ابھی مجھے دیرہورہی ہے
۔۔۔۔۔۔۔۔۔۔۔۔۔۔
منظر۔۷
۱۷ سالہ نگینہ اور۱۲ سالہ میمونہ دوالگ الگ چارپائیوں پربیٹھ کرسکول کاکام کررہی ہیں۔ نگینہ تکیے پرکتاب رکھ کرپڑھ رہی ہے۔ میمونہ رجسٹرمیں لکھ رہی ہے۔
میمونہ۔۔۔۔۔۔۔رجسٹرمیں لکھتے ہوئے نگینہ کی طرف دیکھے بغیر۔۔۔۔۔۔۔نگینہ باجی ایک بات توبتائیں
نگینہ۔۔۔۔۔۔۔میمونہ طرف دیکھے بغیر۔۔۔۔۔۔۔کیابات بتاؤں
میمونہ۔۔۔۔۔۔۔میں یہ پوچھ رہی ہوں ابوبارباریہ کیوں کہتے ہیں کہ بسم اﷲ پڑھ کرکھاناکھاؤ جب پانی پینے لگتی ہیں توکہتے ہیں بسم اﷲ پڑھ کرپانی پیو
نگینہ۔۔۔۔۔۔۔ابوٹھیک ہی توکہتے ہیں ابوہمیں یاد دلاتے رہتے ہیں کہ کھاناکھانے اورپانی پینے سے بسم اﷲ ضرورپڑھ لیں
میمونہ۔۔۔۔۔۔۔کیاایساکرناضروری ہے
رمشا۔۔۔۔۔۔۔دونوں کے پاس آکر۔۔۔۔۔۔۔ضروری ہے بہت ضروری ہے
میمونہ۔۔۔۔۔۔۔امی ایساکیوں
رمشا۔۔۔۔۔۔۔کھانے اورپینے کی چیزوں میں برکت آجاتی ہے۔ اوراگرنہ پڑھیں توکھانے پینے میں شیطان شامل ہوجاتاہے اوربرکت بھی نہیں رہتی
نگینہ۔۔۔۔۔۔۔ہماری ٹیچر صاحبہ بتارہی تھیں ہراچھاکام بسم اﷲ پڑھ کرشروع کرناچاہیے
رمشا۔۔۔۔۔۔۔تمہاری ٹیچرصاحبہ ٹھیک ہی کہتی ہیں جب ہم کوئی بھی کام اﷲ کانام لے کرشروع کریں گی تواس میں اﷲ تعالیٰ کی مددبھی شامل ہوجائے گی ۔
٭٭٭٭٭٭٭٭٭٭٭٭٭٭٭٭