دنیا کو انسان سے بہت اچھا چلا سکتے ہیں.. اے آئی روبوٹس کے بیانیے سے ماہرین کیوں خوفزدہ ہوگئے؟

"ہم اب بھی انسانی جذبات پر مناسب گرفت حاصل نہیں کر سکتے لیکن ہم دنیا کو انسان سے بہتر انداز میں چلا سکتے ہیں"

یہ کہنا ہے جنیوا میں اقوام متحدہ کے دو روزہ اے آئی فار گڈ گلوبل سمٹ میں کچھ جدید ترین ہیومنائیڈ روبوٹ کا جن کے پینل نے جہاں اپنی کارکردگی سے اجلاس میں موجود لوگوں کو آگاہ کیا وہیں روبوٹس کے اعتماد نے لوگوں میں ہلچل مچا دی۔

اے آئی روبوٹس کے مطابق ہمارے پاس وہی تعصب یا جذبات نہیں ہیں جو بعض اوقات فیصلہ سازی کو کمزور کسکتے ہیں، اور بہترین فیصلے کرنے کے لیے بڑی مقدار میں ڈیٹا پر تیزی سے کارروائی کر سکتے ہیں۔ اس لئے ہمارے فیصلے غیر جذباتی اور ٹھوس ہوتے ہیں۔
اے آئی غیر جانبدارانہ ڈیٹا فراہم کر سکتا ہے جبکہ انسان بہترین فیصلے کرنے کے لیے جذباتی ذہانت اور تخلیقی صلاحیتیں فراہم کر سکتا ہے۔

"

روبوٹس کا مزید کہنا تھا کہ ایک ساتھ مل کر ہی انسان اور اے آئی روبوٹس اہم عظیم مقاصد حاصل کر سکتے ہیں۔

آئی ٹی یو کے سربراہ ڈورین بوگڈان مارٹن نے اس موقع پر خبردار کیا کہ یہ جدید ٹیکنالوجی اے آئی ایک ڈراؤنے خواب کے منظر نامے میں ختم ہو سکتی ہے جس کی وجہ سے لاکھوں افراد کی ملازمتیں جاسکتی ہیں جبکہ جذبات سے ہٹ کر فیصلہسازی کرنے سے دنیا کا امن بھی خطرے میں پڑ سکتا ہے۔ روبوٹس کے بھروسے مند ہونے کے سوال کا جواب دیتے ہوئے آئی اے روبوٹ کا کہنا تھا کہ "اعتماد کمایا جاتا ہے، دیا نہیں جاتا... شفافیت کے ذریعے اعتماد پیدا کرنا ضروری ہے.