|
|
| |
| ہماری زمین ایک خوبصورت اور دلکش جگہ ہے جو ہمیں اکثر
اپنے دلچسپ رازوں سے حیران کرنے سے باز نہیں آتی۔ یہ شاندار پہاڑوں، حیرت
انگیز آتش فشاں، شاندار دریا، نہ ختم ہونے والے صحراؤں اور بہت کچھ کا گھر
ہے۔ پھر بھی اس بات سے کوئی فرق نہیں پڑتا ہے کہ ہمارا سیارہ کتنا ہی
خوبصورت ہے، ہمیں کبھی نہیں بھولنا چاہیے کہ فطرت کتنی خطرناک ہو سکتی ہے۔ |
| |
| The Danakil Desert,
Eritrea |
| اس صحرا کا درجہ حرارت 50 ڈگری سینٹی گریڈ تک ہوتا ہے اب
آپ اس سے اندازہ لگا سکتے ہیں کہ یہاں کتنی شدید گرمی ہوتی ہوگی جس میں کسی
انسان کا وقت گزارنا آسان نہیں ہے- اس کے علاوہ یہاں متعدد آتش فشاں اور
کئی ایسے گڑھے موجود ہیں جن سے زہریلی گیسیں خارج ہوتی ہیں- یوں تو لوگ اسے
زمین پر موجود جہنم قرار دیں گے لیکن پھر بھی دنیا بھر سے بہت سے ایڈونچر
کے شوقین افراد یہاں جانا چاہتے ہیں- بس یہ بات ذہن میں رکھیں کہ تجربہ کار
گائیڈ کے بغیر خود ہی صحرائے ڈانکیل کی سیر کرنا سختی سے منع ہے۔ |
|
|
| |
| Mount Washington, USA |
| ماؤنٹ واشنگٹن کی چوٹی زمین کی سطح پر تیز ترین ہواؤں کا
عالمی ریکارڈ رکھتی ہے۔ یہاں سب سے زیادہ ریکارڈ کی گئی رفتار 203 میل فی
گھنٹہ (327 کلومیٹر فی گھنٹہ) ہے۔ تاہم، تیز ہوائیں اس علاقے میں واحد
تشویش کا باعث نہیں ہیں - منجمد درجہ حرارت جو کہ منفی40 ڈگری تک گر سکتا
ہے اور مسلسل بھاری برف باری ماؤنٹ واشنگٹن کو ایک انتہائی خطرناک جگہ
بناتی ہے۔ اپنی معمولی اونچائی کے باوجود — 6,288 فٹ (1,917 میٹر) — ماؤنٹ
واشنگٹن دنیا کی مہلک ترین چوٹیوں میں سے ایک ہے۔ |
|
|
| |
| Sinabung Volcano,
Indonesia |
| یہ ایک فعال آتش فشاں ہے جو انڈونیشیا کے جزیرے سماٹرا
پر واقع ہے۔ یہاں پھٹنے کے واقعات کثرت سے ہوتے ہیں، قریبی شہر اور دیہات
پہلے ہی کئی بار لاوے اور راکھ میں مکمل طور پر ڈھک چکے ہیں جیسے کہ 2010،
2013، 2014 اور 2015 میں۔ تازہ ترین دھماکہ 27 فروری 2016 کو ہوا تھا۔ اس
پھٹنے سے آتش فشاں گیس، پتھروں اور راکھ کا ایک مہلک بادل بن گیا۔ اور کوئی
نہیں جانتا کہ کل وہاں کیا ہوگا۔ |
|
|
|
|
|
lha da Queimada Grande (Snake Island),
Brazil |
|
برازیل کے ساحل سے دور کہیں چھپا ہوا یہ جزیرہ کرہ ارض کی سب سے خطرناک جگہ
کے طور پر پہچانا جاتا ہے۔ اس کی وجہ بہت سادہ ہے — یہ جگہ دنیا کے سب سے
زہریلے سانپوں میں سے ایک بوتھروپس سے بھری ہوئی ہے۔ محققین کا اندازہ ہے
کہ جزیرے پر فی مربع میٹر کے لگ بھگ پانچ سانپ رہتے ہیں۔ لوگوں کی مہلک
شکاریوں کے ہاتھوں موت کے گھاٹ اترنے کی کئی کہانیاں ہیں۔ ان کہانیوں میں
سے ایک لائٹ ہاؤس کیپر کی بھی ہے جس پر سانپوں نے حملہ کیا اور وہ مر گیا۔ |
|
|
|
|
|
Madidi National Park, Bolivia |
|
پہلی نظر میں، یہ جگہ بہت خوبصورت لگتی ہے، لیکن یہ اصل میں بہت خطرناک ہے.
کیوں؟ کیونکہ یہ دنیا کے سب سے زیادہ زہریلے اور جارحانہ حیوانات کا گھر ہے-
اس پارک میں اگنے والے کسی بھی پودے سے رابطہ شدید خارش اور چکر کا باعث بن
سکتا ہے۔ کوئی بھی کٹ، یا چھوٹا سا زخم بھی جان لیوا یا پھر کم سے کم شدید
تکلیف کا باعث بن سکتا ہے۔ |
|
|