پانڈے کا تحفظ

ایک بڑے اور ذمہ دار ملک کے طور پر چین نے ہمیشہ حیاتیاتی تنوع کے تحفظ کو نمایاں اہمیت دی ہے اور چینی خصوصیات کے حامل حیاتیاتی تنوع کے تحفظ کا راستہ اختیار کیا ہے۔ 2012سے ملک نے اپنے تحفظ کے نظام کو بہتر بنانے، 30 سے زائد قوانین اور ضوابط کو نافذ اور ترمیم کرنے، قومی سطح پر محفوظ جنگلی حیات اور پودوں کی فہرست پر نظر ثانی اور ایڈجسٹ کرنے، قومی ماحولیاتی ریڈ لائن کو محدود کرنے اور متعدد قومی پارکس کے قیام کو فروغ دینے کے لئے مسلسل کوششیں کی ہیں۔

موثر اقدامات اور پالیسیوں کی وجہ سے، جنگلی حیات کے اچھے معیار کے حامل علاقوں کی تعداد میں نمایاں اضافہ ہوا ہے ، اور نایاب اور خطرے سے دوچار جنگلی حیات کی آبادی کی ایک بڑی تعداد، جیسے جائنٹ پانڈا، ہائی نان بلیک کریسٹڈ گبون اور سائکس ریوولوٹا، یا ساگو پام، تیزی سے بڑھ رہی ہے.چین نے 16 علاقوں کو قومی بوٹینیکل گارڈن کے طور پر بھی آگے بڑھانے کا منصوبہ جاری کیا ہے۔چینی حکام کے نزدیک2035 تک، ملک تقریباً 10 قومی نباتاتی باغات قائم کرنے کی کوشش کرے گا تاکہ کلیدی ریاستی تحفظ کے تحت 80 فیصد سے زیادہ جنگلی پودوں اور 70 فیصد سے زیادہ نایاب اور خطرے سے دوچار جنگلی پودوں کو مؤثر طریقے سے محفوظ کیا جا سکے، اور نسبتا جامع قومی بوٹینیکل گارڈن سسٹم قائم کیا جا سکے۔

ان کوششوں میں جائنٹ پانڈا کا تحفظ بھی کلیدی اہمیت رکھتا ہے۔چین میں 67 جائنٹ پانڈا نیچر ریزرو قائم کیے گئے ہیں جبکہ جنگلی پانڈا کی آبادی بڑھ کر تقریبا 1900 ہو گئی ہے۔ملک کی نیشنل فارسٹری اینڈ گراس لینڈ ایڈمنسٹریشن کے مطابق چین نے جائنٹ پانڈا کے تحفظ کے لیے 20 ممالک کے 26 اداروں کے ساتھ تعاون کیا ہے ۔ملک میں جائنٹ پانڈا رہائش گاہ کے تحفظ کا نظام تیزی سے بہتر ہو رہا ہے ، اور جنگلی آبادی میں مسلسل اضافہ ہو رہا ہے۔ 2021 میں جائنٹ پانڈا نیشنل پارک کے باضابطہ قیام کے بعد سے ، پارک پر مرکوز ایک تحفظ کا نظام تیار کیا گیا ہے ، جس سے کل محفوظ علاقے کو 1.39 ملین ہیکٹر سے بڑھا کر 2.58 ملین ہیکٹر کردیا گیا ہے۔اسی طرح دنیا بھر میں موجود پانڈا کی آبادی اس وقت 757 تک پہنچ چکی ہے اور آبادی کے ڈھانچے میں مسلسل بہتری آ رہی ہے۔

چین ویسے بھی ایک جدید تہذیب کی ترقی کو تیز کر رہا ہے جس میں انسانیت اور فطرت ہم آہنگی کے ساتھ مل جل کر رہتے ہیں۔ اس اقدام نے نئے مواقع پیدا کیے ہیں اور جائنٹ پانڈا کے تحفظ کی کوششوں میں نئی رفتار پیدا کی ہے۔رہائش گاہوں کا معیار براہ راست جنگلی جائنٹ پانڈا کی بقا اور افزائش نسل سے جڑا ہوا ہے۔گزشتہ برسوں کے دوران، چین نے قدرتی جنگلات کے تحفظ، جنگلات کی بحالی اور چراگاہ کی بحالی، جنگلی حیات کے تحفظ اور قدرتی ذخائر کے قیام جیسے بڑے ماحولیاتی اقدامات کے ذریعے جنگلی جائنٹ پانڈا آبادی اور ان کی رہائش گاہوں کے تحفظ کو مسلسل مضبوط کیا ہے۔

تکنیکی مدد میں مسلسل ترقی کے ساتھ ، جائنٹ پانڈا کی آبادی میں نمایاں اضافہ ہوا ہے۔ اہم تکنیکی چیلنجز ، جیسے افزائش نسل اور بیماری کی روک تھام ، کو کامیابی سے حل کیا گیا ہے۔ان کوششوں کی بدولت جینیاتی تنوع میں مسلسل اضافہ ہوا ہے ، تحفظ سے وابستہ تحقیق ، عوامی آگاہی کی کوششوں کے لئے مضبوط حمایت فراہم کی گئی ہے۔چینی حکام پر عزم ہیں کہ جائنٹ پانڈا نیشنل پارک کی ترقی جاری رکھی جائے گی اور جائنٹ پانڈا کے لئے ایک عالمی معیار کی تحقیق اور تعاون پلیٹ فارم قائم کیا جائے گا. یہ پلیٹ فارم بڑے پیمانے پر تعاون اور تبادلوں کو فعال طور پر فروغ دے گا ، عالمی شراکت داروں کے ساتھ مل کر جائنٹ پانڈا کے تحفظ کی کوششوں کو گہرا اور مضبوط بنائے گا۔