دانش رحمان
تاریخ اشاعت 5 دسمبر 2025
پاکستان کے ڈیجیٹل اور شوبز ورلڈ کی سب سے پیاری جوڑی ربیکا خان اور حسین نے بالآخر شادی کے مقدس رشتے میں بندھ کر لاکھوں مداحوں کے دل جیت لیے۔ یہ شادی نہ صرف سوشل میڈیا پر ٹاپ ٹرینڈ بنی بلکہ 2025 کی سب سے زیادہ دیکھی جانے والی تقریب ثابت ہوئی۔ ربیکا جو ٹک ٹاک انسٹاگرام اور یوٹیوب پر کروڑوں فالوورز کی مالکن ہیں جہاں ان کے 6.3 ملین انسٹاگرام فالوورز اور 3 ملین یوٹیوب سبسکرائبرز ہیں اور حسین جو اپنی خوبصورت آواز اور ملی نغموں کی وجہ سے مشہور ہوئے دونوں نے اپنی محبت کی کہانی کو ایک خوبصورت انجام دیا۔ شادی کی تقریب کراچی کے ایک پرتعیش ہال میں ہوئی جہاں شوبز سٹارز سیاستدانوں اور سوشل میڈیا انفلوئنسرز کی بھرمار تھی۔ ربیکا کی دلہن والی شکل نے سب کو حیران کر دیا جبکہ حسین کی شرمیلی مسکراہٹ اور باراتیوں کا جوش دیکھنے والا تھا۔
شادی کی ابتدا جون 2025 میں نکاح کی سادہ مگر خوبصورت تقریب سے ہوئی جو کراچی میں صرف قریبی رشتہ داروں اور دوستوں تک محدود رہی۔ نکاح کے فوراً بعد دونوں نے اپنے انسٹاگرام پر ایک مشترکہ پوسٹ شیئر کی جس میں ربیکا نے سرخ جوڑے میں حسین کا ہاتھ تھامے تصویر لگائی اور کیپشن لکھا میرا حسین میری جنت۔ یہ پوسٹ چند گھنٹوں میں دس ملین سے زائد لائکس حاصل کر گئی۔ بارات کی تقریب نومبر کے آخر میں کراچی میں منعقد ہوئی جہاں ربیکا نے معروف ڈیزائنر کا بنایا ہوا گولڈن اور کریم کلر کا لیہنگا پہنا جو مکمل ہاتھ کے کام اور زرڈوزی سے آراستہ تھا۔ دلہن کا میک اپ ایک مشہور آرٹسٹ نے کیا جبکہ ہیئر اسٹائل سادہ بن میں سجایا گیا۔ حسین نے سیاہ شیروانی میں اتنی خوبصورتی دکھائی کہ لڑکیوں نے کمنٹس میں لکھا ہمارا دلہا۔
تقریب میں شوبز کی تقریباً تمام بڑی شخصیات موجود تھیں جن میں دانانیر مبین کنول اعجاز اور بہت سے ٹک ٹاکرز شامل تھے۔ ربیکا کی بہن نے بطور سسٹر آف دی برائیڈ بھرپور ڈانس پرفارمنس دی شادی کی خاص بات یہ رہی کہ دونوں نے اپنی تقریب کو مکمل طور پر پاکستانی روایات کے مطابق رکھا مایوں رسم جوتا چھپائی اور دودھ پلائی سب کچھ ہوا مگر سب کچھ حد درجہ خوبصورت اور شائستہ انداز میں۔ ربیکا نے ایک انٹرویو میں بتایا کہ ہم نے شادی کو سادہ رکھنے کی کوشش کی کی مگر پیار کرنے والوں نے اسے یادگار بنا دیا۔ حالیہ دنوں میں رخصتی کی تقریب بھی ہوئی جو سب سے جذباتی لمحات سے بھرپور تھی۔ رخصتی میں ربیکا کو والدین اور بہن بھائیوں نے روتے ہوئے وداع کیا جب وہ حسین کی گاڑی کی طرف بڑھیں۔ یہ ویڈیوز سوشل میڈیا پر وائرل ہوگئیں اور مداحوں نے اسے پاکستانی روایات کی خوبصورت جھلک قرار دیا۔ رخصتی کے بعد والیمہ بھی کراچی میں ایک ہوٹل میں ہوا جہاں ربیکا نے پاؤڈر پنک کلر کا خوبصورت گاؤن پہنا جو مغربی اور پاکستانی فیوژن کا شاہکار تھا۔
حسین نے آف وائٹ شیروانی میں دلہا بن کر سب کا دل جیت لیا۔ والیمہ میں سب سے خوبصورت لمحہ وہ تھا جب دونوں نے اسٹیج پر آ کر اپنا پہلا مشترکہ گانا گایا جس کے بول تھے اب ہم ایک ہو گئے۔ یہ گانا فوراً یوٹیوب پر ٹرینڈنگ نمبر ون پر آ گیا۔ مداحوں نے اسے ربیکا حسین کا آفیشل ویڈنگ سانگ قرار دے دیا۔ شادی کی ویڈیوز اور تصاویر نے سوشل میڈیا پر طوفان مچا دیا جہاں ربیکا حسین ویڈنگ ٹرینڈ کرتا رہا۔
ربیکا اور حسین کی محبت کی کہانی بھی دلچسپ ہے۔ دونوں کی ملاقات 2023 میں ایک ٹک ٹاک ایونٹ میں ہوئی تھی۔ پہلے تو دوستی پھر گھنٹوں فون کالز اور آخر کار دونوں نے فیصلہ کیا کہ زندگی ایک دوسرے کے ساتھ گزاریں۔ ربیکا نے ایک لائیو سیشن میں بتایا کہ حسین کی سب سے بڑی خوبی اس کی عاجزی اور اللہ سے محبت ہے جو مجھے سب سے زیادہ پسند آئی۔ حسین نے بھی کہا کہ ربیکا کی ہر مشکل میں میرا ساتھ دینے والی فطرت نے مجھے اس سے شادی کا فیصلہ کرنے پر مجبور کیا۔ دونوں نے شادی سے پہلے کئی خیراتی پروگرامز بھی کیے جن میں غریب بچیوں کی شادیوں میں مدد اور یتیم بچوں کے لیے کھانا تقسیم کیا۔
اب یہ جوڑی اپنی نئی زندگی کا آغاز کر رہی ہے ربیکا نے حال ہی میں اپنی نئی ویڈیو میں بتایا کہ اب ہم دونوں مل کر یوٹیوب چینل چلائیں گے جہاں ہماری روزمرہ زندگی شادی کی تیاریاں اور گھریلو مزے سب شیئر کریں گے۔ شوبز انڈسٹری میں یہ شادی ایک مثال بن گئی ہے کہ سوشل میڈیا کی چمک دمک کے باوجود پاکستانی اقدار اور روایات کو کیسے زندہ رکھا جا سکتا ہے۔ ربیکا اور حسین نے ثابت کر دیا کہ سچی محبت اور اچھے کردار والے لوگ جہاں بھی ہوں دل جیت لیتے ہیں۔
|