ایسے جانور جو اختتام کے قریب ہیں

جانور بھی ہماری دنیا کا ہی ایک حصہ ہیں- ان جانوروں کی لاتعداد اقسام دنیا میں پائی جاتی ہیں- مگر ان جانوروں کی کچھ نایاب اقسام بھی ہیں جو کہ اب اختتام کے قریب ہیں- ان نسلوں کی تعداد کو انگلیوں پر باآسانی گنا جاسکتا ہے- یہاں ان جانوروں کا ذکر کیا جارہا ہے جو اس وقت شدید خطرے سے دوچار ہیں-

Javan Rhinoceros
یہ گینڈے کی ایک نایاب نسل ہے جو کہ انڈونیشیا اور ویتنام میں پائی جاتی ہے- ان کے سینگ کافی قیمتی ہوتے ہیں جس کی وجہ سے ان کا شکار زیادہ کیا جاتا ہے- اس وقت دنیا میں گینڈوں کی یہ نسل اتنی نایاب ہوچکی ہے کہ ان کی تعداد 60 سے بھی کم رہ گئی ہے-

Vaquita
Vaquita ڈولفن کی ایک نادر نسل ہے- یہ صرف کیلیفورنیا کے سمندر میں پائی جاتی ہیں- اس کی نسل کو لاحق خطرات کی دو وجوہات ہیں- ایک وجہ اس کی محدود وسعت اور دوسرا اس کا آسانی سے ماہی گیر کے جال میں پھنس جانا ہے- اس وقت ان کی تعداد صرف 200 سے 300 تک رہ گئی ہے-

Cross River Gorilla
بن مانس کی یہ نایاب نسل نائجیریا اور کمیرون کی جنگلات میں پائی جاتی ہے- ان کے زیادہ شکار کی وجہ ان کا گوشت ہے- اگرچہ 1980 سے ان کی تعداد میں کمی ہورہی ہے لیکن اب بھی ان کی کچھ نسلیں باقی ہیں- یہ تعداد میں 300 سے بھی کم ہیں-

Sumatran Tiger
انڈونیشیا میں پایا جانے والا یہ نایاب شیر لاکھوں سال سے صرف سماٹرا میں ہی رہتا ہے- انسانوں میں اضافہ کے باعث اب اس کا بچنا مشکل ہوتا جا رہا ہے- ان کی کل تعداد 600 سے بھی کم ہے- ان میں سے 100 ایسے شیر ہیں جو کہ محفوظ علاقوں کی سرحدوں سے باہر رہتے ہیں-