دنیا کی سب سے خوبصورت بندرگاہیں

دنیا میں موجود کچھ بندرگاہیں نہایت مصروف ہوتی ہیں اور ان پر دن رات سامان کی نقل و حمل جاری رہتی ہے- یہ بندرگاہیں ترقی یافتہ ممالک کی ہوتی ہیں- لیکن انہیں مصروف ترین بندرگاہوں میں سے چند بندرگاہیں ایسی بھی ہیں جو اپنے محل وقوع اور منظم طریقے سے دیکھ بھال کے باعث نہایت منفرد اور خوبصورت ہیں- یہاں دنیا بھر کی چند خوبصورت بندرگاہوں کے بارے میں بتایا جارہا ہے-

Port of Montreal
کینیڈا کی یہ بندرگاہ صرف خوبصورت ہی نہیں بلکہ دنیا کی سب سے بڑی بندرگاہ ہے- یہ کینیڈا کی دوسری مصروف ترین بندرگاہ ہے- یہ بندرگاہ سینٹ لارنس دریا پر واقع ہے- یہ بندرگاہ دوسرے بڑے شہروں کا داخلی راستہ بھی ہے جیسے کہ ٹورنٹو٬ ڈیٹرائٹ اور کلیو لینڈ وغیرہ- اس بندرگاہ سے سالانہ 26 ملین ٹن سامان کی آمد و رفت ہوتی ہے-

Port of Kobe
یہ خوبصورت بندرگاہ جاپان کے شہر اوساکا کی ہے- یہ سمندری بندرگاہ Rokko پہاڑ کے دامن میں واقع ہے-

Port of Barcelona
بارسلونا کی یہ خوبصورت بندرگاہ دنیا کی قدیم بندرگاہوں میں سے ایک ہے- اس کا ہسپانوی نام Puerto de Barcelona ہے اور اس کی تاریخ 2000 سالہ ہے- یہ بندرگاہ اسپین کی معیشت میں ایک اہم تجارتی مقام رکھتی ہے- 9ویں بڑی کنٹینر بندرگاہ کا اعزاز رکھنے والی اس بندرگاہ کا 2008 میں تجارتی حجم 2.57 ملین TEU تھا-

Port of Miami
میامی کی یہ بندرگاہ دنیا کی سب سے بڑی کروز جہاز بندرگاہ ہے- یہاں دنیا کی بہت بڑی بڑی کروز جہاز کمپنیوں کے ہیڈ کوارٹرز ہیں- یہ منافع بخش بندرگاہ امریکہ کے Biscayne Bayon Dodge جزائر پر واقع ہے- یہ بندرگاہ میامی شہر کے مرکز سے منسلک ہے جو کہ پوٹ بلیورڈ کے ذریعے ہے- 2011 میں یہ بندرگاہ 1 لاکھ 76 ہزار نوکریوں کا باعث بنی- میامی کی معیشت پر اس بندرگاہ کے باعث سالانہ 18 ارب ڈالر اقتصادی اثرات مرتب ہوئے-