چین: غار میں تعمیر کیا گیا انوکھا اسکول

اگر آپ کے پاس درست سامان موجود ہے تو آپ کہیں بھی اسکول تعمیر کر سکتے ہیں- میری بات پر اگر آپ یقین نہیں تو خود ہی دیکھ لیجیے-

یہ انوکھا اسکول چین میں موجود Dongzhong غار میں واقع ہے- اسکول کا غار میں ہونا٬ ایسا محسوس ہوتا ہے کہ جیسے اسے صرف جگہ کی کمی یا پھر وسائل کی کمی کے باعث اسے یہاں بنایا گیا ہے-

لیکن حقیقت اس کے علاوہ کچھ اور بھی ہے- اس غار میں بنائے گئے اسکول میں کلاس روم کے علاوہ باسکٹ اور دوسرے کھیلوں کے لیے بھی کمرے ہیں-

بے شک بچوں کے لیے ایسے اسکول میں جانا صحیح نہیں ہے- لیکن یہ اس سے بہت بہتر ہے جہاں اسکول کا وجود ہی نہ ہو یا پھر بچے کسی اسکول میں پڑھنے ہی نہ جاتے ہوں-

روزانہ درجنوں بچے اس اسکول میں پڑھنے کے لیے آتے ہیں- اسکول کی تعمیر قدرتی طور پر بہت بڑے طیارے کے ہینگر کے سائز جتنے ایک غار میں کی گئی ہے-

یہ غار پہاڑوں کی ہزاروں سال سے ہونے والی کھدائی٬ ہوا٬ پانی اور موسمیاتی تبدیلیوں کی وجہ سے وجود میں آئی-

اس پرائمری اسکول کی تعمیر 1984 میں کی گئی ہے- اس میں پڑھانے والے اساتذہ کی تعداد 8 اور پڑھنے والے طالبعلم 186 ہیں-

جنوب مغربی چین کے صوبے Guizhou کے ایک گاؤں Miao میں واقع اس پرائمری اسکول میں ایک کھیل کا میدان بھی موجود ہے جہاں بچے ہر طرح کا کھیل٬ کھیلتے ہیں- اس میدان میں کھیلنے کی اجازت صرف وقفے کے دوران ہوتی ہے-

غرض کہ اس اسکول میں ہر طرح کی سہولت مہیا کرنے کی کوشش کی گئی ہے-

ایسا لگتا ہے کہ چین کے بعض حصوں میں اسکولوں کا بحران پایا جاتا ہے٬ جیسے کہ یہ ایک مثال ہمارے سامنے ہے-

سردی کے موسم میں غار کی اندر جو ہوا موجود ہوتی ہے وہ کافی نمی والی اور ٹھنڈی ہوتی ہے جو کہ کافی مشکلات کا باعث بنتی ہے- ایسا ماحول ہوتا ہے کہ جیسے کوئی ریفریجریٹر ہو-