دنیا کے چند سب سے خطرناک کھیل

دنیا میں زیادہ تر لوگ نسبتاً آسان اور محفوظ کھیل کھیلتے ہیں٬ جن میں کسی بھی قسم کے نقصان کا اندیشہ نہ ہو-تاہم چند لوگوں کے نزدیک خون یا آنسو بہائے بغیر کچھ حاصل نہیں ہوتا اور اسی لیے وہ ایسے کھیل کا انتخاب کرتے ہیں جو کہ دیکھنے والوں کو تو محظوظ کرتے ہیں لیکن نہایت خطرناک ہوتے ہیں اور بعض اوقات جان لیوا بھی ثابت ہوتے ہیں- یہاں چند ایسے ہی کھیلوں کی فہرست دی جارہی ہے جو کہ دنیا کے سب سے خطرناک کھیل ہیں- مندرجہ ذیل کھیلوں میں حصہ لینے سے قبل اس بات کا یقین کرلیں کہ کیا آپ اس کھیل میں مہارت رکھتے ہیں-

Running of the Bulls
اس کھیل میں بیل دوڑائے جاتے ہیں اور ہر سال اس دوڑ کے نتیجے میں 200 سے 300 افراد زخمی ہوجاتے ہیں- زیادہ تر لوگ دوڑ کے دوران گرنے کے باعث زخمی ہوتے ہیں- 1910 میں Pamplona میں 15 افراد اس کھیل میں ہلاک ہوگئے تھے- آخری ہلاک ہونے والا شخص Daniel Gimeno تھا جو کہ 2009 میں اپنی جان سے ہاتھ دھو بیٹھا-

Shallow diving
اس کھیل میں غوطہ خور نہایت اونچائی سے پیٹ کے بل ایک چھوٹے سوئمنگ پول میں چھلانگ لگاتا ہے- اس سوئمنگ پول کے ارد گرد زمین ہوتی ہے اسی وجہ سے اونچائی سے نیچے کی جانب سوئمنگ پول کے بارے میں اندازہ درست ہونا ضروری ہوتا ہے ورنہ یہ چھلانگ نقصان کا باعث بھی بن سکتی ہے-

Cave Diving
غاروں میں غوطہ خوری تکنیکی غوطہ خوری ہی کی ایک قسم ہے- اس غوطہ خوری کے لیے SCUBA کے آلات کے استعمال میں مہارت ہونا ضروری ہے- یہ آلات مصنوعی یا پھر قدرتی طور پر وجود میں آئے غاروں میں غوطہ خوری کے دوران استعمال کیے جاتے ہیں- کیونکہ یہ غاریں جزوی طور پر پانی سے بھری ہوتی ہیں- برطانیہ میں غاروں میں غوطہ خوری ایک بہت عام کھیل ہے- اس کھیل کے لیے بہت زیادہ پریکٹس کی ضرورت ہوتی ہے کیونکہ کھیل کے دوران خطرات بہت زیادہ ہوتے ہیں-

Mountaineering
Mountaineering یا پہاڑوں پر چڑھنا ایک کھیل بھی ہے اور شوق بھی- پہاڑ پر چڑھنے کے لیے راستے کے انتخاب کا انحصار موسم پر ہوتا ہے- اس کھیل میں تجربے٬ athletic صلاحیت اور تکنیکی معلومات کا ہونا ضروری ہے کیونکہ ان ہی کی بدولت آپ اپنی حفاظت کر سکتے ہیں- پہاڑ پر چڑھنے کے لیے آپ کو برف اور چٹانوں کے بارے میں علم ہونا چاہیے-