موٹر سائیکل دنیا بھر میں سب سے زیادہ تفریح والی اور تیز
رفتار سواری سمجھی جاتی ہے- موٹر سائیکل سے محبت رکھنے والا ہر شخص تیز
رفتار بائیک کی سواری کرنا چاہتا ہے- یہاں ہم دنیا کی چند تیز رفتار موٹر
بائیک کا ذکر کر رہے ہیں جن کو تیز رفتار بنانے کے لیے مختلف ٹیکنالوجیز
استعمال کی گئی ہیں-
|
Dodge Tomahawk
اس ہیوی بائیک میں 500bhp (انجن کی طاقت کی پیمائش BHP یعنی Brake
Horsepower یونٹ کے ذریعے ہوتی ہے) کا وائپر انجن V10 نصب ہے- یہ موٹر
بائیک 300 میل فی گھنٹہ کی رفتار سے دوڑنے کی صلاحیت رکھتی ہے- |
|
MTT Streefighter
اس موٹر بائیک میں ٹربائن انجن ٹیکنالوجی استعمال کی گئی ہے٬ جبکہ اس بائیک
میں 420bhp کی طاقت والا انجن نصب ہے- یہ بائیک 250 میل فی گھنٹہ کی رفتار
سے دوڑ سکتی ہے-
|
|
MTT Turbine Superbike (Y2K Superbike)
یہ ایک سپر بائیک ہے جس میں Rolce Royce ٹربائن انجن نصب ہے- اس انجن کو
ملنے والی طاقت 320bhp ہے جبکہ یہ بائیک 230 میل فی گھنٹہ کی رفتار سے
دوڑنے کی صلاحیت رکھتی ہے-
|
|
Suzuki Hayabusa
سوزوکی کمپنی کی یہ موٹر بائیک 197bhp یعنی 1349cc ہے- اس بائیک کی زیادہ
سے زیادہ رفتار 200 میل فی گھنٹہ تک رہتی ہے- لیکن اس کے حالیہ ماڈل کی
رفتار محدود جو کہ زیادہ سے زیادہ 186 میل فی گھنٹہ تک ہے-
|
|
Kawasaki Ninja ZX-14
کاواساکی کمپنی کی پیش کردہ اس موٹر سائیکل میں DOHC انجن ٹیکنالوجی
استعمال کی گئی ہے- اس بائیک کا انجن 1352CC ہے جو کہ 190bhp بنتا ہے- یہ
ہیوی بائیک 190 میل فی گھنٹہ کی رفتار سے دوڑنے کی صلاحیت رکھتی ہے-
|
|
BMW S1000RR
یہ ایک سپر بائیک ہے جس میں DOHC ٹیکنالوجی استعمال کی گئی ہے- یہ خوبصورت
موٹر بائیک 2009 کی عالمی چمپئین شپ میں متعارف کروائی گئی- اس بائیک میں
نصب انجن 999cc ہے اور یہ بائیک اس وقت 186 میل فی گھنٹہ کی رفتار سے دوڑ
سکتی ہے-
|
|
MV Agusta F4 CC
اس بائیک میں 1078cc کا انجن نصب ہے جو کہ 200bhp کی طاقت فراہم کرتا ہے-
یہ موٹر بائیک 190 میل فی گھنٹہ کی رفتار سے دوڑنے کی صلاحیت رکھتی ہے-
|
|
Honda CBR1100XX Blackbird
ہنڈا اپنی منفرد موٹر سائیکلوں کے باعث دنیا بھر میں مشہور ہے- ہنڈا کا
متعارف کردہ یہ ماڈل 1996 سے قابل استعمال ہے اور اس میں DOHC ٹیکنالوجی
استعمال کی گئی ہے- اس بائیک میں 1137cc کا انجن نصب ہے جس کی طاقت 150bhp
ہے- یہ بائیک 180 میل فی گھنٹہ کی رفتار سے دوڑ سکتی ہے-
|
|
Yamaha YZF R1
ہنڈا کے بعد دوسرا مشہور نام یاماہا کا سمجھا جاتا ہے- یہ موٹر بائیک
یاماہا کی معروف ترین اسٹریٹ موٹر سائیکلوں میں سے ایک ہے- اور اس میں بھی
DOHC ٹیکنالوجی کا استعمال کیا گیا ہے- اس میں نصب انجن 179bhp یعنی 998cc
ہے- اور یہ بائیک 170 میل فی گھنٹہ کی رفتار سے دوڑ سکتی ہے-
|
|
Aprilia RSV 1000 R
اس پرکشش موٹر بائیک میں 141bhp کی طاقت والا V2 انجن نصب ہے جبکہ اس کے
دوڑنے کی صلاحیت 168 میل فی گھنٹہ ہے-
|
|
VIEW PICTURE GALLERY
|
|