|
پینسل صرف لکھنے یا رنگ بھرنے کے کام نہیں آتی بلکہ اس سے
تو کوئی منفرد عالمی رکارڈ بھی بنایا جاسکتا ہے۔ اب تک پینسلوں کو لکھنے
اور رنگ بھرنے کے لئے استعمال کیا جاتا تھا لیکن کراچی کے بلال آصف سے ان
کو استعمال کیا عالمی ریکارڈ بنانے کے لئے۔
|
|
|
|
جیو نیوز کی رپورٹ کے مطابق رنگ برنگی پینسلوں کی مدد سے وہ مختلف قسم کی
جیولری بنانے کا ہنر پہلے ہی متعارف کروا چکے تھے لیکن اس بار بلال نے
ٹھانی کہ وہ ان پینسلوں کی مدد سے بنائیں گے ایک ایسا منفرد ٹاور جس کو بنا
کر وہ ریکارڈ قائم کر سکیں۔
جس محنت ، لگن اور مہارت سے بلال نے پنسلز سے یہ ٹاور بنایا اسے دیکھنے
والے داد دئیے بنا نہ رہ سکے۔
|
|
|
کئی گھنٹوں کی محنت کہ بعد ساڑھے 12ہزار سے زائد پینسلوں کی مدد سے تیار 9
فٹ 7 انچ بلند یہ ٹاور ایک عالمی رکارڈ ہے جس میں لوگوں اور بچوں نے خاص
دلچسپی لی ہے۔ اس موقع پر بلال کا بھی خوشی کا کوئی ٹھکانہ نہ تھا۔
ملک کا یہ ہونہارسپوت اپنے اس کارنامے سے ملک کا مثبت امیج بین الاقوامی
سطح پر دکھانا چاہتا ہے۔ ارادے جواں ہوں اور عزم پختہ تو کوئی بھی ہدف
ناقابل تسخیر نہیں ہوتا۔ بلال نے پینسل کی مدد سے یہ منفرد ٹاور بنا کر
پاکستان کے لئے عالمی ریکارڈ قائم کردیا ہے۔ |
|
|