بادلوں کو چھوتے بلند ترین پُل

پُل ایک ایسی عمارت یا تعمیر ہوتی ہے جو آمد و رفت میں رکاوٹ بننے والی کسی چیز جیسے کہ دریا٬ گھاٹی٬ سڑک یا سمندر وغیرہ کو پار کرنے کے لیے بنائی جاتی ہے تاکہ آمد و رفت میں آسانی پیدا کیا جاسکے- آج ہم اپنے اس آرٹیکل میں جن پُلوں کا ذکر کر رہے ہیں وہ دنیا کے بلند ترین پُل ہیں اور یہ اتنی بلندی پر واقع ہیں کہ بعض اوقات بادل بھی ان سے نیچے دکھائی دیتے ہیں-

فرانس کے علاقے Millau میں تعمیر کیے گئے اس پل کو Millau Viaduct کے نام سے جانا جاتا ہے- اس پل کو دنیا کے بلند ترین پل ہونے کا اعزاز حاصل ہے- اس پل کی بلندی 343 میٹر (1125 فٹ) اور لمبائی 342 میٹر ( 1122 فٹ ) ہے- اس پل کا افتتاح 2004 میں کیا گیا -

Russky Bridge کے نام سے مشہور یہ پل روس کے علاقے Vladivostok میں واقع ہے- یہ پل 320.9 میٹر ( 1053 فٹ ) بلند ہے جبکہ اس کی لمبائی 1104 میٹر (3622 فٹ) ہے- اس پل کو 2012 میں عوام کے لیے کھولا گیا-

چین کے علاقے Changshu میں بنایا گیا یہ شاندار پل Sutong Bridge ہے اور یہ پل 1088 میٹر ( 3570 فٹ ) لمبا ہے- اس پل کی بلندی 306 میٹر ( 1,004 فٹ ) ہے- اس پل کا افتتاح 2008 میں کیا گیا-

Akashi-Kaikyo Bridge کے نام سے مشہور یہ پل جاپان کے علاقے Kobe میں تعمیر کیا گیا ہے- اس پل کی بلندی 298.3 میٹر ( 979 فٹ ) ہے جبکہ یہ پل 1991 میٹر ( 6532 فٹ ) لمبا ہے- اس پل کو عام عوام کے لیے 1998 میں کھولا گیا-

ہانگ کانگ میں تعمیر کردہ یہ پل Stonecutters Bridge کے نام سے جانا جاتا ہے- اس پل کا افتتاح 2009 میں کیا گیا- اس پل کی بلندی 298 میٹر ( 798 فٹ ) ہے جبکہ یہ پل 1018 میٹر ( 3340 فٹ ) لمبا ہے-

Yi Sun-sin Bridge نامی یہ پل ساؤتھ کوریا کے علاقے Yeosu میں تعمیر کیا گیا ہے- اور اس کا افتتاح بھی گزشتہ سال یعنی سنہ 2012 میں کیا گیا ہے- اس پل کی بلندی 270 میٹر ( 890 فٹ ) ہے جبکہ اس کی لمبائی 1545 میٹر ( 5069 فٹ ) ہے-

چین کے علاقے Jingzhou میں تعمیر کیا گیا یہ پل Jingyue Bridge کے نام سے مشہور ہے- اس پل کا افتتاح 2010 میں کیا گیا- یہ پل 265 میٹر (869 فٹ ) بلند ہے جبکہ 816 میٹر ( 2677 فٹ ) لمبا ہے-

ڈنمارک کے علاقے Slagelse میں تعمیر کیا گیا یہ پل Great Belt East Bridge کے نام سے جانا جاتا ہے- اس پل کو عوام کے لیے 1998 میں کھولا گیا- اس پل کی بلندی 254 میٹر ( 833 فٹ ) ہے جبکہ اس کی لمبائی 1624 میٹر ( 5328 فٹ ) ہے-

Zhongxian Huyu Expressway Bridge کے نام سے جانا جانے والا یہ پل بھی چین میں ہی تعمیر کیا گیا ہے- چینی علاقے Huangshi میں واقع اس پل کو 2010 میں کھولا گیا- اس پل کی بلندی 247.5 میٹر ( 812 فٹ ) ہے جبکہ اس کی لمبائی 460 میٹر ( 1510 فٹ ) ہے-

حال ہی میں چین نے ایک اور بلند پل کا افتتاح کیا ہے جو کہ چینی علاقے Jiujiang میں تعمیر کیا گیا ہے- 2013 میں کھولے جانے والے اس پل کی بلندی 244.3 میٹر ( 802 فٹ ) ہے جبکہ اس پل کی لمبائی 818 میٹر ( 2684 فٹ ) ہے-

VIEW PICTURE GALLERY