پاکستانی شہری حج کے لیے پیدل مکہ پہنچ گیا

پاکستان کا ایک شہری حج ادا کرنے کے لئے 6387 کلومیٹر کا پیدل سفر کر کے مکہ مکرمہ پہنچ گیا۔ عرب ٹی وی کے مطابق، سینتیس سالہ کھرل زادہ اپنے غیر معمولی سفر کے دوران ایران، عراق اور اردن کے راستے ہوتے ہوئے پہلی اکتوبر کو مکہ پہنچے۔

جہاں پاکستانی کمیونٹی اور دیگر مسلمان ملکوں کے حاجیوں نے ان کا شاندار استقبال کیا۔ اس موقع پر سعودی حکام اور امام کعبہ کے نمائندے بھی موجود تھے۔
 

کھرل نے دورانِ گفتگو بتایا کہ انہوں نے اپنے سفر کا آغاز تین مہینے پہلے کراچی سے کیا۔

وہ اس سے پہلے بھی امن کی اہمیت اجاگر کرنے کی خاطر پاکستان میں دو مرتبہ لانگ مارچ کر چکے ہیں۔

رائے کا کہنا تھا کہ ان کا پیدل حج کی غرض سے مکہ مکرمہ آنے کا مقصد دنیا کو امن کا پیغام دینا تھا۔

‘میں اپنی اس کاوش کے ذریعے ہر سطح پر دہشت گردی کی مذمت کرنا چاہتا تھا، میں دنیا میں امن او مساوات چاہتا ہوں’۔

کھرل کا کہنا تھا کہ وہ یورپی یونین کی طرز پر مسلم دنیا کا اتحاد چاہتے ہیں۔

اس سے پہلے دو ہزار سات میں انہوں نے کراچی سے خیبر تک 1242 میل طویل امن مارچ 85 دنوں میں مکمل کیا تھا۔