|
آسمانی کتابوں میں لکھی گئی اس حقیقت کو اب سائنس نے بھی
تسلیم کر لیا ہے کہ جانداروں کو گارے یا چکنی مٹی سے پیدا کیا گیا ہے-
خیال رہے کہ انجیل اور قرآن مجید میں ہزاروں سے قبل ہی اس حقیقت کو ظاہر کر
دیا گیا تھا کہ انسان یا دیگر جانداروں کو گارے یا چکنی مٹی سے تخلیق کیا
گیا ہے-
|
|
|
|
دی نیوز ٹرائب کی شائع کردہ ایک رپورٹ کے مطابق اب نیویارک کی کارنیل
یونیورسٹی کی تحقیق میں اس حقیقت کو سائنسی طور پر بھی تسلیم کر لیا گیا ہے-
تحقیق کے مطابق گارا یا چکنی مٹی ایسی معدنیات کا امتزاج ہوتا ہے جس میں
ننھے مالیکیول اور کیمیکلز موجود ہوتے ہیں٬ اور یہ کیمیکلز اربوں کے
کیمیاوی عمل کے بعد آپس میں مل کر پروٹینز٬ ڈی این اے میں تبدیل ہوکر
بتدریج زندہ خلیات کی شکل میں ڈھل گئے ہیں-
|
|
|
محقق پروفیسر ڈان لیو کے مطابق ابتدائی جغرافیائی تاریخ میں یہ بات سامنے
آئی ہے کہ سمندری کھنکھناتی مٹی یا گارا اربوں برس کے عمل کے بعد حیات کی
بنیاد بنا- |