سوئیڈن: ماضی کی شاندار گاڑیوں کا قبرستان

سوئیڈن میں ایک ایسا گھنا جنگل موجود ہے جہاں بیتے دور کی شاندار کلاسک گاڑیوں کا ایک مکمل قبرستان موجود ہے اور ایسا معلوم ہوتا ہے جیسے اس گاڑیوں کے قبرستان کو بھول چکے ہیں- اور اس وقت ان گاڑیوں کی تعداد تقریباً 1000 کے لگ بھگ ہے-

اس جنگل کو ماضی میں گاڑیوں کے اسکریپ یارڈ کے طور پر استعمال کیا جاتا رہا ہے اور یہ گاڑیاں 1950 کے بعد یہاں لائی گئیں تھیں- لیکن اب ان گاڑیوں کو یہاں لانے والے افراد انہیں یہاں زنگ لگنے کے لیے چھوڑ چکے ہیں-
 

یہ سکریپ یارڈ دو بھائیوں نے مل کر بنایا تھا اور وہ اس جنگل میں جنگ عظیم دوئم کے دوران فوجیوں کی جانب سے ترک کی جانے والی گاڑیوں کو ذخیرہ کیا کرتے تھے- لیکن اب اس مقام کو نظر انداز کیا جارہا ہے-

ان زنگ آلود کلاسک گاڑیوں میں اپنے وقت مشہور گاڑیاں اوپل٬ فورڈز٬ وولوز٬ بوئیک٬ Audis, Saabs اور Sunbeam شامل ہیں- اور یہ گاڑیاں اب قدرتی طور پر بڑھنے والے اس جنگل میں دھنستی جارہی ہیں-

جنگل کے گھنے درختوں کے درمیان گاڑیوں کے ڈھانچے اور کائی سے لپٹے اسٹئیرنگ ویل اور سیٹیں دکھائی دیتی ہیں-

گاڑیوں کا یہ قبرستان سوئیڈن کے ایک کان کنی شہر Bastnas میں واقع ہے-

ایک اندازے کے مطابق ان زنگ آلود گاڑیوں کی قیمت 1 لاکھ پاؤنڈ ہے-

54 سالہ فوٹوگرافر Svein Nordrum نے اس گھنے جنگل کے اندر جا کر ان لاوارث گاڑیوں کی تصاویر حاصل کیں -