|
قرآن مجیدمیں متعدّدایسی آیات ہیں جو واضح طورپربتاتی ہیں
کہ ہمیں کون سے کام کرنے چاہئیں اور کن کاموں کو نہیں کرنا چاہیئے۔ لیکن ہم
میں سے بہت کم لوگ آیات ربانی کو سمجھ کر پڑھنے کی کوشش کرتے ہیں۔ ذیل میں
ایسی ہی منتخب آیات بمعہ ترجمہ پیش کی جارہی ہیں۔ اللہ تعالی ہمیں یہ سلسلہ
پڑھنے، عمل کرنے اور دوسروں تک پہنچانے کا فریضہ ادا کرنے کی توفیق عطا
فرمائے (آمین)
(گزشتہ سے پیوستہ)
سورة نمبر[17] بنی اسر ائیل :
پندرہواں پارہ :
١٥٤۔ سورة الإسراء(بنی اسرائیل)، آیت 23 - 24:وَقَضَىٰ رَبُّكَ أَلَّا
تَعْبُدُوا إِلَّا إِيَّاهُ وَبِالْوَالِدَيْنِ إِحْسَانًا ۚ إِمَّا
يَبْلُغَنَّ عِندَكَ الْكِبَرَ أَحَدُهُمَا أَوْ كِلَاهُمَا فَلَا تَقُل
لَّهُمَا أُفٍّ وَلَا تَنْهَرْهُمَا وَقُل لَّهُمَا قَوْلًا كَرِيمًا -وَاخْفِضْ
لَهُمَا جَنَاحَ الذُّلِّ مِنَ الرَّحْمَةِ وَقُل رَّبِّ ارْحَمْهُمَا
كَمَا رَبَّيَانِي صَغِيرًا -
اور تمہارے پروردگار نے ارشاد فرمایا ہے کہ اس کے سوا کسی کی عبادت نہ کرو
اور ماں باپ کے ساتھ بھلائی کرتے رہو۔ اگر ان میں سے ایک یا دونوں تمہارے
سامنے بڑھاپے کو پہنچ جائیں تو اُن کو اُف تک نہ کہنا اور نہ انہیں جھڑکنا
اور اُن سے بات ادب کے ساتھ کرنا=اور عجزو نیاز سے ان کے آگے جھکے رہو اور
ان کے حق میں دعا کرو کہ اے پروردگار جیسا انہوں نے مجھے بچپن میں (شفقت
سے) پرورش کیا ہے تو بھی اُن (کے حال) پر رحمت فرما=
١٥٥- سورة الإسراء(بنی اسرائیل)، آیت26-27: وَآتِ ذَا الْقُرْبَىٰ حَقَّهُ
وَالْمِسْكِينَ وَابْنَ السَّبِيلِ وَلَا تُبَذِّرْ تَبْذِيرًا - إِنَّ
الْمُبَذِّرِينَ كَانُوا إِخْوَانَ الشَّيَاطِينِ ۖ وَكَانَ الشَّيْطَانُ
لِرَبِّهِ كَفُورًا -
اور رشتہ داروں اور محتاجوں اور مسافروں کو ان کا حق ادا کرو۔ اور فضول
خرچی سے مال نہ اُڑاؤ = کہ فضول خرچی کرنے والے تو شیطان کے بھائی ہیں۔ اور
شیطان اپنے پروردگار (کی نعمتوں) کا کفر ان کرنے والا (یعنی ناشکرا) ہے=
١٥٦- سورة الإسراء(بنی اسرائیل)، آیت28-29:: وَإِمَّا تُعْرِضَنَّ عَنْهُمُ
ابْتِغَاءَ رَحْمَةٍ مِّن رَّبِّكَ تَرْجُوهَا فَقُل لَّهُمْ قَوْلًا
مَّيْسُورًا - وَلَا تَجْعَلْ يَدَكَ مَغْلُولَةً إِلَىٰ عُنُقِكَ وَلَا
تَبْسُطْهَا كُلَّ الْبَسْطِ فَتَقْعُدَ مَلُومًا مَّحْسُورًا -
اور اگر تم نے اپنے پروردگار کی رحمت (یعنی فراخ دستی) کے انتظار میں جس کی
تمہیں امید ہو ان (مستحقین) کی طرف توجہ نہ کرسکو اُن سے نرمی سے بات کہہ
دیا کرو = اور اپنے ہاتھ کو نہ تو گردن سے بندھا ہوا (یعنی بہت تنگ) کرلو
(کہ کسی کچھ دو ہی نہیں) اور نہ بالکل کھول ہی دو (کہ سبھی دے ڈالو اور
انجام یہ ہو) کہ ملامت زدہ اور درماندہ ہو کر بیٹھ جاؤ =
١٥٧- سورة الإسراء(بنی اسرائیل)، آیت35 : وَأَوْفُوا الْكَيْلَ إِذَا
كِلْتُمْ وَزِنُوا بِالْقِسْطَاسِ الْمُسْتَقِيمِ ۚ ذَٰلِكَ خَيْرٌ
وَأَحْسَنُ تَأْوِيلًا -
اور ناپ تول کر دو، تو پورا ناپو اور صحیح ترازو سے تول کر دو، یہ بہتر ہے
اور انجام بھی اس کا اچھا ہے =
١٥٨- سورة الإسراء(بنی اسرائیل)، آیت53: وَقُل لِّعِبَادِي يَقُولُوا
الَّتِي هِيَ أَحْسَنُ ۚ إِنَّ الشَّيْطَانَ يَنزَغُ بَيْنَهُمْ ۚ إِنَّ
الشَّيْطَانَ كَانَ لِلْإِنسَانِ عَدُوًّا مُّبِينًا -
اور (اے رسول) میرے بندوں سے فرماؤ، وہ بات کہیں جو سب سے اچھی ہو بیشک
شیطان ان کے آپس میں فساد ڈالتا ہے، بیشک شیطان آدمی کا کھلا دشمن ہے =
١٥٩- سورة الإسراء(بنی اسرائیل)، آیت 78: أَقِمِ الصَّلَاةَ لِدُلُوكِ
الشَّمْسِ إِلَىٰ غَسَقِ اللَّيْلِ وَقُرْآنَ الْفَجْرِ ۖ إِنَّ قُرْآنَ
الْفَجْرِ كَانَ مَشْهُودًا -
سورج کے ڈھلنے سے رات کے اندھیرے تک (ظہر، عصر، مغرب، عشا کی) نمازیں اور
صبح ( فجر)کو قرآن پڑھا کرو۔ کیوں کہ صبح کے وقت قرآن کا پڑھنا موجب حضور
(ملائکہ) ہے =
١٦٠- سورة الإسراء(بنی اسرائیل)، آیت79: وَمِنَ اللَّيْلِ فَتَهَجَّدْ بِهِ
نَافِلَةً لَّكَ عَسَىٰ أَن يَبْعَثَكَ رَبُّكَ مَقَامًا مَّحْمُودًا -
اور بعض حصہ شب میں بیدار ہوا کرو (اور تہجد کی نماز پڑھا کرو) ۔ = اور کسی
وقت رات میں تہجد پڑھا کرو، جو تیرے لیے زائد چیز ہے، قریب ہے کہ تیرا رب
مقام محمود میں پہنچا دے =
١٦١ - سورة الإسراء(بنی اسرائیل)، آیت110: قُلِ ادْعُوا اللَّـهَ أَوِ
ادْعُوا الرَّحْمَـٰنَ ۖ أَيًّا مَّا تَدْعُوا فَلَهُ الْأَسْمَاءُ
الْحُسْنَىٰ ۚ وَلَا تَجْهَرْ بِصَلَاتِكَ وَلَا تُخَافِتْ بِهَا وَابْتَغِ
بَيْنَ ذَٰلِكَ سَبِيلًا -
کہہ دو، الله کہہ کر، یا رحمٰن کہہ کر پکارو، جس نام سے پکارو،سب اسی کے
عمدہ نام ہیں اور اپنی نماز میں نہ چلا کر پڑھو اور نہ بالکل ہی آہستہ پڑھ
اور اس کے درمیانی راستہ اختیار کرو =
سورة نمبر [18] الكهف:
١٦٢- سورة الكهف، آیت 23-24: وَلَا تَقُولَنَّ لِشَيْءٍ إِنِّي فَاعِلٌ
ذَٰلِكَ غَدًا - إِلَّا أَن يَشَاءَ اللَّـهُ ۚ وَاذْكُر رَّبَّكَ إِذَا
نَسِيتَ وَقُلْ عَسَىٰ أَن يَهْدِيَنِ رَبِّي لِأَقْرَبَ مِنْ هَـٰذَا
رَشَدًا -
اور کسی کام کی نسبت نہ کہنا کہ میں اسے کل کردوں گا = مگر (انشاء الله کہہ
کر یعنی اگر) خدا چاہے تو (کردوں گا) اور جب خدا کا نام لینا بھول جاؤ تو
یاد آنے پر لے لو۔ اور کہہ دو کہ امید ہے کہ میرا پروردگار مجھے اس سے بھی
زیادہ ہدایت کی باتیں بتائے =
١٦٣- سورة الكهف، آیت 27: وَاتْلُ مَا أُوحِيَ إِلَيْكَ مِن كِتَابِ
رَبِّكَ ۖ لَا مُبَدِّلَ لِكَلِمَاتِهِ وَلَن تَجِدَ مِن دُونِهِ
مُلْتَحَدًا -
اور اپنے رب کی کتاب سے جو تیری طرف وحی کی گئی ہے پڑھا کرو اس کی باتوں
کوکوئی بدلنے والا نہیں ہے اور تو اس کے سوا کوئی پناہ کی جگہ نہیں پائے گا
=
١٦٤- سورة الكهف، آیت 28: وَاصْبِرْ نَفْسَكَ مَعَ الَّذِينَ يَدْعُونَ
رَبَّهُم بِالْغَدَاةِ وَالْعَشِيِّ يُرِيدُونَ وَجْهَهُ ۖ وَلَا تَعْدُ
عَيْنَاكَ عَنْهُمْ تُرِيدُ زِينَةَ الْحَيَاةِ الدُّنْيَا ۖ وَلَا تُطِعْ
مَنْ أَغْفَلْنَا قَلْبَهُ عَن ذِكْرِنَا وَاتَّبَعَ هَوَاهُ وَكَانَ
أَمْرُهُ فُرُطًا -
تو ان لوگو ں کی صحبت میں رہ جو صبح اور شام اپنے رب کو پکارتے ہیں اسی کی
رضا مندی چاہتے ہیں اور تو اپنی آنکھوں کو ان سے نہ ہٹا کہ دنیا کی زندگی
کی زینت تلاش کرنے لگ جائے اور اس شخص کا کہنا نہ مان جس کے دل کو ہم نے
اپنی یاد سے غافل کر دیاہے اور اپنی خواہش کے تابع ہو گیا ہے اور ا سکا
معاملہ حد سے گزر ا ہوا ہے=
١٦٥- سورة الكهف، آیت 30: إِنَّ الَّذِينَ آمَنُوا وَعَمِلُوا
الصَّالِحَاتِ إِنَّا لَا نُضِيعُ أَجْرَ مَنْ أَحْسَنَ عَمَلًا -
بے شک جو لوگ ایمان لائے اور اچھے کام کیے، ہم بھی اس کا اجر ضائع نہیں
کریں گے، جس نے اچھے کام کیے=
(جاری ہے) |