گوگل اسمارٹ واچ٬ پوری دنیا کلائی پر

گزشتہ روز گوگل نے اپنی انتہائی جدید اور حیرت انگیز فیچر کی حامل اسمارٹ واچ متعارف کروا دی ہے اور اس کے ساتھ ہی اب ایپل “ پہنے جانے والے کمپیوٹر “ کی دوڑ میں شکست کھاتا دکھائی دے رہا ہے-

یہ اسمارٹ واچ گول اور چوکور دونوں طرح کے اسٹائل میں دستیاب ہیں اور جہاں یہ ایک جانب ٹچ اسکرین کی سہولت سے آراستہ ہیں وہی دوسری طرف انہیں آواز کے ذریعے بھی کنٹرول کیا جاسکے گا-
 

گوگل کا کہنا ہے کہ وہ “ ایل جی٬ موٹرولا٬ سام سنگ اور دیگر کمپنیوں کے ساتھ مل کر کام کر رہی ہے تاکہ ان کمپنیوں کے سافٹ وئیر بھی اسمارٹ واچ میں شامل کیے جاسکیں-

گوگل کے اینڈرائیڈ انجنئیرنگ کے سربراہ David Singleton کا کہنا ہے کہ “ گھڑیاں وقت بتانے کے لیے بہترین ہیں٬ لیکن آپ تصور کریں کہ جب یہ خودکار طریقے سے تمام معلومات آپ کو فراہم کریں گی تو اس وقت کتنی مفید ثابت ہوں گی- خاص طور پر ایسی معلومات جس کی آپ کو ضرورت ہو“-

“ ہم اس وقت گھڑیاں بنانے والوں٬ فیشن برانڈز اور چپ بنانے والی کمپنیوں کے ساتھ مل کر کام کر رہے ہیں“

گوگل کا کہنا ہے کہ “ اسمارٹ واچز کی ایجاد پہنی جانے والی ٹیکنالوجی کی جانب ایک واضح قدم ہے“-

اینڈرائیڈ کے ایک اور اعلیٰ افسر Sundar Pichai کا کہنا ہے کہ “ ہم میں سے بہت کم ہی افراد ایسے ہیں جو اسمارٹ فون کے بغیر ہوں-“

“ یہ طاقتور کمپیوٹر آپ کو دنیا سے منسلک رکھتے ہیں اور ساتھ ان سے بھی جن سے آپ محبت کرتے ہیں“-