پاکستانی پاسپورٹ بدترین قرار٬ 32 ممالک میں بغیر ویزہ داخلہ

اگر آپ پاکستانی پاسپورٹ رکھتے ہیں تو پھر یہ بھی جان لیجیے کہ آ پ کو دنیا میں آزادانہ گھومنے پھرنے کی اجازت نہیں ہے۔ دنیا کے اکثریت ممالک آپ کو اپنے ملک میں داخلے کی اجازت دینے سے قبل آپ سے کافی سخت اور تکلیف دہ سوالات کریں گے۔

مختلف ممالک میں شہریت حاصل کرنے کے لئے خدمات فراہم کرنے والی کمپنی ہینلی اینڈ پارٹنرز نے حال ہی میں ویزے کی پابندیوں کی بنیاد پر عالمی درجہ بندی پر مبنی ایک فہرست جاری کی ہے۔ اس درجہ بندی میں وہ ممالک سب سے اوپر ہیں جن کے شہری زیادہ سے زیادہ ممالک میں ویزے کے بغیر جا سکتے ہیں ۔
 

ویزہ پابندی انڈیکس کی رپورٹ میں پاکستانی پاسپورٹ کو سفر کے حوالے سے بدترین قرار دیا گیا ہے-

دنیا کے صرف 32 ممالک ایسے ہیں جہاں پاکستانی شہری بغیر ویزے کے جا سکتے ہیں ۔ اور یہ دنیا کے 218 ممالک میں سے صرف ایک انتہائی قلیل تعداد ہے جو ہمیں آزادانہ سفر کی سہولت دیتی ہے۔

افسوس کی بات یہ ہے کہ اس عالمی درجہ بندی میں پاکستان 91 ویں پوزیشن پر ہے جبکہ اس کے ساتھی ممالک میں صومالیہ ، عراق اور افغانستان شامل ہیں- پاکستان پر ان سفری پابندیوں کی بنیادی وجہ ایک عرصے سے پاکستان میں ہونے والی دہشت گردی ہے- \