تاریخی کھنڈرات میں موجود لگژری ہوٹل

کیا آپ کھنڈرات اور ہزاروں سال پرانی غاروں میں موجود کسی لگژری ہوٹل کے وجود کا تصور بھی کرسکتے ہیں؟ اگر نہیں تو پھر آج ایک ایسے ہی شاندار ہوٹل کے بارے میں ہم آپ کو بتائیں گے- ترکی کے تاریخی علاقے Cappadocia میں موجود کھنڈرات٬ غاروں اور گھروں کی مرمت کر کے انہیں ایک شاندار لگژری ہوٹل کی شکل دی گئی ہے- ان پتھروں سے بنے اسٹرکچر کی تاریخ ہزاروں سال پرانی ہے اور یہ فارسیوں کے گھر ہوا کرتے تھے جبکہ ابتدا میں یہ غار عیسائی رومیوں کی رہائش گاہ ہوا کرتے تھے- اس لگژری ہوٹل میں 30 کمرے اور سوئٹس موجود ہیں اور اس کے مالک Ömer Tosun ہیں- عمر کہ قدیم اشیاﺀ جمع کرنے کے شوقین ہیں اور ان کے اس شوق کی جھلک اس لگژری ہوٹل میں بھی دیکھی جاسکتی ہے-

ترکی کے تاریخی مقام Cappadocia میں تعمیر کیا گیا یہ میوزیم ہوٹل سیاحوں کو ایک منفرد تجربہ فراہم کرتا ہے٬ کیونکہ اس لگژری ہوٹل میں غاروں کی ایک بھول بھلیاں موجود ہے-

اس ہوٹل کی چھت پر بیٹھ کر مزیدار کھانوں سے لطف اندوز ہونے کے ساتھ ساتھ اردگرد کا انتہائی دلکش اور حسین نظارہ بھی کیا جاسکتا ہے-

ہوٹل کے فائیو اسٹار کمروں میں ٹھہرنے والے مہمانوں کا واسطہ پتھروں کے اسٹرکچر سے پڑتا ہے جس کی تاریخ ہزاروں سال پرانی ہے-

میوزیم ہوٹل کے مالک جن کا تعلق ترکی سے ہے٬ کا کہنا ہے کہ میں چاہتا تھا کہ یہاں آنے والے مہمانوں کو ایسا محسوس ہو کہ جیسے وہ میوزیم میں حقیقی زندگی گزار رہے ہیں-

اس تاریخی ہوٹل سے مہمان پہاڑوں پر اڑتے گرم ہوا کے غباروں کا نظارہ بھی کرسکتے ہیں-

ہوٹل میں موجود غاروں کی طرز پر بنا ایک کمرہ جس کی دیواریں ہزاروں سال پرانی ہیں-

پورے ہوٹل میں جگہ جگہ تاریخی اشیاﺀ اور نوادرات رکھے گئے ہیں٬ ان اشیاﺀ اور نوادرات کا تعلق 16ویں صدی سے ہے-

دلچسپ بات یہ ہے کہ ہوٹل میں آنے والے مہمانوں کو کھانا پکانے کے طریقے بھی سکھائے جاتے ہیں٬ اس کے علاوہ ہوٹل میں آرام و سکون کے لیے مساج سینٹر بھی بنایا گیا ہے-