|
بحیرہ عرب میں آنے والے سمندری طوفان کے باعث کراچی میں
واقع ابراہیم حیدری، ریڑھی گوٹھ جبکہ ٹھٹھہ اور بدین کے کئی دیہات زیر آب
آگئے ہیں- اس کے علاوہ سمندر میں طغیانی کے باعث کراچی کے سینڈز پٹ اور
پیراڈائز پوائنٹ کے ساحلوں پر واقع متعدد ہٹ بھی پانی میں بہہ گئے ہیں۔
|
|
|
|
محکمہ موسمیات کے مطابق بحیرہ عرب میں سمندری طوفان نانوز کا رخ خلیج عمان
کی جانب ہے جو پندرہ تاریخ تک پاکستان کی ساحلی پٹی سے ٹکرائے گا۔ جس کی
وجہ سے سندھ اور مکران کے علاقوں میں ہلکی بارش کا امکان ہے۔ اور سمندر کی
سطح میں اضافے کی وجہ سے لٹھ بستی، چشمہ گوٹھ، دبلہ محلہ اور پند محلمہ کے
علاقوں میں سمندری پانی داخل ہوگیا ہے۔
سمندری طوفان کی وجہ سے منوڑہ تک جانے والا واحد زمینی راستہ بھی منقطع
ہوگیا ہے-
یاد رہے کہ گزشتہ سال بھی کراچی کی مغربی ساحلی پٹی پر سمندر میں طغیانی کے
باعث تقریباً 15 روز تک منوڑہ کا زمینی راستہ منقطع رہا تھا اور وہاں کے
مقامی افراد کو پینے کے پانی سمیت اشیائے خوردونوش کی شدید کمی کا سامنا
کرنا پڑا تھا۔
|
|
|
دوسری جانب خطرات کے پیشِ نظر سمندر میں موجود ماہی گیروں کو ساحل پر واپس
آنے کی ہدایت جاری کردی گئی ہے۔
|